ಡೆಡ್ಲಿ ವೆಪನ್ ಜೊತೆ ಸರ್ವ ಸನ್ನದ್ಧ ಯೋಧನಂತಿದೆ ಮೋದಿ ಬಳಸುವ ಕಾರ್ – ಈ ಕಾರಿನಲ್ಲಿದೆ ಊಹೆಗೂ ನಿಲುಕದ ರಕ್ಷಣಾ ವ್ಯವಸ್ಥೆ..!!
- ಆಟೋ ನ್ಯೂಸ್
- May 20, 2023
- No Comment
- 243
ನ್ಯೂಸ್ ಆ್ಯರೋ : ಯಾವುದೇ ರಾಜ್ಯದಲ್ಲಿ ಚುನಾವಣೆ ನಡೆದರೂ ಪ್ರಧಾನ ಮಂತ್ರಿ ಮೋದಿ ಅಲ್ಲಿ ಹೋಗಿ ಪ್ರಚಾರ ನಡೆಸುತ್ತಾರೆ. ರೋಡ್ ಶೋ ಮೂಲಕ ಅಬಿಮಾನಿಗಳ ಮನ ಗೆಲ್ಲುತ್ತಾರೆ. ಹಾಗಾದರೆ ಮೋದಿ ಪ್ರಚಾರದಲ್ಲಿ ಬಳಸುವ ರೇಂಜ್ ರೋವರ್ ಕಾರಿನಲ್ಲಿ ಶತ್ರುಗಳ ದಾಳಿಯಿಂದ ಪಾರಾಗಲು ಯಾವೆಲ್ಲ ಆಧುನಿಕ ತಂತ್ರಜ್ಞಾನ ಇದೆ? ಇದರ ವಿಶೇಷತೆಗಳೇನು? ಎನ್ನುವುದನ್ನು ನೋಡೋಣ.
ಕಳೆದ ಬಾರಿ ಉತ್ತರ ಪ್ರದೇಶ ಚುನಾವಣಾ ಸಂದರ್ಭದಲ್ಲಿ ಮೋದಿ ಮಹೀಂದ್ರಾ ಥಾರ್ ಎಸ್.ಯು.ವಿ. ಬಳಸಿದ್ದರು. ಈ ಬಾರಿ ಕರ್ನಾಟಕ ಚುನಾವಣಾ ಪ್ರಚಾರದ ಸಂದರ್ಭದಲ್ಲಿ ಬಳಸಿದ್ದು ಟಾಟಾ ಒಡೆತನದ ಲ್ಯಾಂಡ್ ರೋವರ್ ತಯಾರಿಸಿದ ರೇಂಜ್ ರೋವರ್ ಕಾರನ್ನು..!
ವಿನ್ಯಾಸದಲ್ಲಿ ಇದು ಇತರ ಸಾಮಾನ್ಯ ಕಾರುಗಳಂತೆ ಕಾಣಿಸುತ್ತದೆಯಾದರೂ ರಕ್ಷಣಾ ದೃಷ್ಟಿಯಿಂದ ಮಾರ್ಪಾಡು ಮಾಡಲಾಗಿದೆ. ದಾಳಿ ನಡೆದರೆ ಕಾರಿನೊಳಗಿನ ರಹಸ್ಯ ಆಯುಧಗಳನ್ನು ಬಳಸಿ ಪ್ರತಿದಾಳಿ ನಡೆಸಲು ಎಲ್ಲಾ ವ್ಯವಸ್ಥೆಗಳನ್ನು ಮಾಡಲಾಗಿದೆ. ಕಾರು ಸಂಪೂರ್ಣ ಬುಲೆಟ್ ಪ್ರೂಫ್ ಆಗಿದೆ.
ಸುರಕ್ಷತಾ ವೈಶಿಷ್ಟ್ಯಗಳಿಗೆ ಧಕ್ಕೆಯಾಗದಂತೆ ಕಾರಿನ ಒಳಗಿನಿಂದ ಹೊರಗೆ ಸಂವಹನ ನಡೆಸುವಂತೆ ವಿನ್ಯಾಸಗೊಳಿಸಲಾಗಿದೆ. ಈ ಕಾರು 7.4 ಸೆಕೆಂಡ್ ಗಳಲ್ಲಿ ಗಂಟೆಗೆ 100 ಕಿ.ಮೀ. ವೇಗ ಪಡೆದುಕೊಳ್ಳಬಲ್ಲುದು. ಗಂಟೆಗೆ ಗರಿಷ್ಠ 193 ಕಿ.ಮೀ. ವೇಗದಲ್ಲಿ ಚಲಿಸುತ್ತದೆ.
ಐಇಡಿ ಬಾಂಬ್ ಸ್ಫೋಟಗೊಂಡರೂ ತಡೆದುಕೊಳ್ಳುವ ಶಕ್ತಿ ಈ ಕಾರಿಗಿದೆ. ಈ ಕಾರಿನ ಬೆಲೆ ಅಂದಾಜು 10 ಕೋಟಿ ರೂಪಾಯಿ. ಇದು ಎರಡು 10 ಇಂಚಿನ ಇನ್ಫೋಟೈನ್ ಮೆಂಟ್ ಸಿಸ್ಟಮ್, ಹೆಚ್ಚಿನ ರೆಸಲ್ಯೂಶನ್ ಟಚ್ ಸ್ಕ್ರೀನ್ ಒಳಗೊಂಡಿದೆ.