ಕಥೆ ಹುಡುಕುತ್ತಾ ಕರಾವಳಿಯಲ್ಲಿ ಬೀಡುಬಿಟ್ಟ ರಿಷಬ್ ಶೆಟ್ಟಿ ತಂಡ – ಕಾಂತಾರ 2 ಜೂನ್ಗೆ ಚಿತ್ರೀಕರಣ ಶುರು, 2024ರ ಏಪ್ರಿಲ್ನಲ್ಲಿ ಚಿತ್ರ ತೆರೆಗೆ
- ಮನರಂಜನೆ
- January 24, 2023
- No Comment
- 594
ನ್ಯೂಸ್ ಆ್ಯರೋ : ಕಾಂತಾರ ಚಿತ್ರದ ಯಶಸ್ವಿನ ಬಳಿಕ ಇಡೀ ವಿಶ್ವಕ್ಕೆ ಕಾಡಿದ ಪ್ರಶ್ನೆಯೆಂದರೆ ಕಾಂತಾರ 2 ಸಿನಿಮಾ ಬರಲಿದೆಯೇ ಎಂದು. ಇದೀಗ ನಿರ್ಮಾಪಕ ವಿಜಯ್ ಕಿರಗಂದೂರು ಅವರು ಸ್ಪಷ್ಟನೆ ನೀಡಿದ್ದು, ಈಗಾಗಲೇ ಚಿತ್ರಕಥೆ ಬಗ್ಗೆ ಚರ್ಚೆ ನಡೆದು ಒಂದು ಹಂತಕ್ಕೆ ಬಂದಿದೆ ಎಂದು ಖುಷಿಯ ವಿಷಯವನ್ನು ಹಂಚಿಕೊಂಡಿದ್ದಾರೆ.
ಸಂದರ್ಶನವೊಂದರಲ್ಲಿ ಭಾಗವಹಿಸಿದ ವಿಜಯ್ ಕಿರಗಂದೂರು ಅವರು, ಕಾಂತಾರ 2 ಬಗ್ಗೆ ಮಾತನಾಡಿದ್ದಾರೆ. ಈಗಾಗಲೇ ರಿಷಬ್ ಶೆಟ್ಟಿ ಅವರು ಕಥೆಗಾಗಿ ಕರಾವಳಿ ಕಡೆ ಪ್ರಯಾಣ ಬೆಳೆಸಿದ್ದಾರೆ. ಇನ್ನೂ ಚಿತ್ರದ ಬಹುಭಾಗ ಮಳೆಗಾಲದಲ್ಲಿ ನಡೆಯುವ ಕಾರಣ, ಜೂನ್ನಲ್ಲಿ ಕಾಂತಾರ 2 ಚಿತ್ರದ ಚಿತ್ರೀಕರಣ ಪ್ರಾರಂಭಿಸುವ ಸಾಧ್ಯತೆಯಿದೆ. ಮುಂದಿನ ವರ್ಷ ಏಪ್ರಿಲ್ ಅಥವಾ ಮೇ ತಿಂಗಳಿನಲ್ಲಿ ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಸಿನಿಮಾ ಬಿಡುಗಡೆ ಮಾಡುವ ಆಲೋಚನೆಯಿದೆ ಎಂದು ಹೇಳಿಕೊಂಡಿದ್ದಾರೆ.
ಕಾಂತಾರ ಚಿತ್ರದ ಹಿಂದಿನ ಕಥೆಯನ್ನು ಕಾಂತಾರ 2 ಹೇಳಲಿದ್ದು, ಪಂಜುರ್ಲಿ ಗುಳಿಗ ದೈವಗಳ ಹಿನ್ನೆಲೆಯನ್ನು ಹೇಳುವ ಪ್ರಯತ್ನ ಚಿತ್ರತಂಡ ಮಾಡಲಿದೆ.
ಕಾಂತಾರ 2 ದೊಡ್ಡ ಬಜೆಟ್ನಲ್ಲಿ ಬಿಡುಗಡೆ ಮಾಡಲು ಯೋಚಿಸಲಾಗಿದೆ. ‘ಕಾಂತಾರ’ ಎಷ್ಟರ ಮಟ್ಟಿಗೆ ಸಕ್ಸಸ್ ಆಗಿತ್ತೆಂದರೆ, ಅದರ ಮುಂದಿನ ಭಾಗದ ಬಗ್ಗೆ ಪ್ರೇಕ್ಷಕರಲ್ಲಿ ನಿರೀಕ್ಷೆ ಹೆಚ್ಚಿದೆ.ಕೆಲವು ಹೊಸ ಪಾತ್ರಗಳು ಚಿತ್ರತಂಡ ಸೇರಿಕೊಳ್ಳಲಿವೆ. ಆದರೆ, ಕಥಾವಸ್ತು ಮತ್ತು ಶೈಲಿ ಮೊದಲ ಚಿತ್ರದಂತೆಯೇ ಇರಲಿದೆ ಎಂದು ಮಾಹಿತಿ ಹಂಚಿಕೊಂಡಿದ್ದಾರೆ.