ಬ್ಯಾನ್ ಆಗಲಿದೆಯಂತೆ 10 ಅಂಕಿಗಳ ಮೊಬೈಲ್ ನಂಬರ್ – ಶಾಕಿಂಗ್ ಸುದ್ದಿ ಪ್ರಕಟಿಸಿದ ಟ್ರಾಯ್…!!
- ಟೆಕ್ ನ್ಯೂಸ್
- February 21, 2023
- No Comment
- 181
ನ್ಯೂಸ್ ಆ್ಯರೋ : ಬಳಕೆದಾರರ ಅನುಕೂಲಕ್ಕೆ ತಕ್ಕಂತೆ ಭಾರತೀಯ ದೂರಸಂಪರ್ಕ ನಿಯಂತ್ರಣ ಪ್ರಾಧಿಕಾರ ಟೆಲಿಕಾಂ ಹಲವು ನಿಯಮಗಳನ್ನು ಜಾರಿಗೆ ತಂದಿದೆ. ಆದರೆ ಅನಗತ್ಯವಾಗಿ ಬರುವ ಸ್ಕ್ಯಾಮ್ ಕರೆಗಳು ಅಂದರೆ ಜಾಹೀರಾತು ಕುರಿತಾಗಿ ಬರುವ ಕರೆಗಳು ಹಾಗೂ ಮೆಸೇಜ್ ಗಳಿಗೆ ಇಲ್ಲಿಯವರೆಗೂ ಕಡಿವಾಣ ಹಾಕಿರಲಿಲ್ಲ. ಆದರೆ ಇದೀಗ ಆ ಬಗ್ಗೆ ಕಠಿಣ ನಿರ್ಧಾರ ಪ್ರಕಟಿಸಿರುವ ಟೆಲಿಕಾಂ ಟೆಲಿಮಾರ್ಕೆಟಿಂಗ್ ಸಂಸ್ಥೆಗಳಿಗೆ ಶಾಕ್ ನೀಡಿದೆ.
ಈ ಬಗ್ಗೆ ಟ್ರಾಯ್ ಹೊರಡಿಸಿರುವ ನಿಯಮಗಳನ್ನು ಮೀರಿದರೆ, 10 ಅಂಕಿಗಳ ಆಯ್ದ ಮೊಬೈಲ್ ಸಂಖ್ಯೆಗಳನ್ನು ಸ್ಥಗಿತಗೊಳಿಸುವ ಮಹತ್ವದ ಆದೇಶ ಪ್ರಕಟಗೊಂಡಿದೆ. ಇತ್ತೀಚಿನ ದಿನಗಳಲ್ಲಿ ಟೆಲಿಮಾರ್ಕೆಟಿಂಗ್ ಕಂಪೆನಿಗಳು ಬಳಕೆದಾರರಿಗೆ ಹಗಲು, ರಾತ್ರಿಯೆನ್ನದೆ ಕರೆ ಹಾಗೂ ಮೆಸೆಜ್ ಗಳನ್ನು ಮಾಡುತ್ತಿವೆ. ಇವುಗಳನ್ನು ನಿರ್ಬಂಧಿಸಲು ಸಂಸ್ಥೆ ಮುಂದಾಗಿದೆ.
ಟ್ರಾಯ್ ಹೊರಡಿಸಿರುವ ಆದೇಶದ ಪ್ರಕಾರ, ಟೆಲಿಮಾರ್ಕೆಟ್ ಗಳು 10 ಅಂಕಿಯ ಮೊಬೈಲ್ ಸಂಖ್ಯೆಗಳನ್ನು ಬಳಸುವುದನ್ನು ನಿಲ್ಲಿಸಬೇಕಾಗುತ್ತದೆ. ಬಳಕೆದಾರರಿಗೆ ಕಿರಿಕಿರಿ ಮಾಡುವಂತಹ ಕಂಪೆನಿಗಳಿಗೆ, ಟೆಲಿಕಾಂ ರೆಗ್ಯುಲೇಟರಿ ಸಂಸ್ಥೆಯು ಈ ನಿಯಮ ಜಾರಿಗೊಳಿಸಲು ಒಟ್ಟು 30 ದಿನಗಳ ಕಾಲಾವಕಾಶ ನೀಡಿದೆ.
ಈ ಬಗ್ಗೆ ಯಾವುದೇ ಸಂಸ್ಥೆಯು 30 ದಿನಗಳ ಸಮಯದ ಮಿತಿಯ ನಂತರವೂ ಪ್ರಚಾರಕ್ಕಾಗಿ 10 ಸಂಖ್ಯೆಗಳ ಸಾಮಾನ್ಯ ಮೊಬೈಲ್ ಸಂಖ್ಯೆಯನ್ನು ಬಳಸಿದರೆ, ಅದರ ವಿರುದ್ಧ ಕಠಿಣ ಕ್ರಮ ತೆಗೆದುಕೊಳ್ಳಲಾಗುವುದು ಎಂದು ಟ್ರಾಯ್ ತಿಳಿಸಿದೆ. ಈ ನಿರ್ಧಾರದಿಂದ ಬಳಕೆದಾರರು ಮುಂದಿನ ದಿನಗಳಲ್ಲಿ ಯಾವುದೇ ಟೆಲಿಕಾಂ ಕಂಪನಿಗಳಿಂದ ಬರುವ ಜಾಹೀರಾತಿನ ಕರೆ ಮತ್ತು ಮೆಸೇಜ್ಗಳನ್ನು ಬೇಗನೆ ತಿಳಿದು ಅವುಗಳಿಂದ ಮುಕ್ತಿ ಹೊಂದಬಹುದಾಗಿದೆ.