ಪಾಕ್ ಆಕ್ರಮಿತ ಕಾಶ್ಮೀರ ಭಾರತಲ್ಲೇ ಇಲ್ವಾ…!! – ವಾಟ್ಸಾಪ್ ಸಂಸ್ಥೆ ಭಾರತೀಯರ ಬಳಿ ಕ್ಷಮೆ ಕೇಳಿದ್ದೇಕೆ…!?
- ಟೆಕ್ ನ್ಯೂಸ್
- January 3, 2023
- No Comment
- 132
ನ್ಯೂಸ್ ಆ್ಯರೋ : ತಪ್ಪಾದ ಭಾರತದ ನಕ್ಷೆಯುಳ್ಳ ವಿಡಿಯೋವನ್ನು ತನ್ನ ಅಧಿಕೃತ ಖಾತೆಯಲ್ಲಿ ಹಂಚಿಕೊಂಡ ವಾಟ್ಸ್ಆ್ಯಪ್ಗೆ ಕೇಂದ್ರ ಸರ್ಕಾರ ಬಿಸಿ ಮುಟ್ಟಿಸಿದೆ. ಕೇಂದ್ರದ ಎಚ್ಚರಿಕೆಯ ಬಳಿಕ ತಾನು ಮಾಡಿದ ತಪ್ಪನ್ನು ಸರಿಪಡಿಸಿಕೊಂಡ ಮೈಕ್ರೋಬ್ಲಾಗಿಂಗ್ ಸಂಸ್ಥೆಯು ಟ್ವೀಟ್ ಅಳಿಸಿದ್ದು ದೇಶದ ಬಳಿ ಕ್ಷಮೆ ಕೋರಿದೆ.
ಅಷ್ಟಕ್ಕೂ ಆಗಿದ್ದೇನು..?
ಹೊಸ ವರ್ಷದ ಆಚರಣೆಗೆ ಮುನ್ನ ವಾಟ್ಸ್ ಆ್ಯಪ್ ತನ್ನ ಟ್ವಿಟರ್ ಖಾತೆಯಲ್ಲಿ ಭಾರತದ ಭೂಪಟದ ಚಿತ್ರ ಇರುವ ಪೋಸ್ಟ್ ಅನ್ನು ಟ್ವಿಟ್ ಮಾಡಿತ್ತು. ಆದರೆ ಅದರಲ್ಲಿ ಭಾರತದ ಭಾಗವಾಗಿರುವ ಪಾಕ್ ಆಕ್ರಮಿತ ಕಾಶ್ಮೀರವನ್ನು ಬೇರ್ಪಡಿಸಲಾಗಿತ್ತು. ಇದನ್ನು ಗಮನಿಸಿದ ಕೇಂದ್ರ ಐಟಿ ಸಚಿವ ರಾಜೀವ್ ಚಂದ್ರಶೇಖರ್ ಗರಂ ಆಗಿದ್ದು, ಇದು ಕಾನೂನುಬಾಹಿರವಾಗಿದ್ದರಿಂದ ಸಚಿವರು ವಾಟ್ಸ್ ಆ್ಯಪ್ಗೆ ಎಚ್ಚರಿಸಿದ್ದರು.
ವಾಟ್ಸ್ ಆ್ಯಪ್ಗೆ ತಾಕೀತು ಮಾಡಿದ ಸಚಿವರು
ಈ ಬಗ್ಗೆ ಸಂಸ್ಥೆಗೆ ಟ್ವೀಟ್ ಮೂಲಕವೇ ಟಾಂಗ್ ನೀಡಿದ ಸಚಿವರು, ‘ಭಾರತದಲ್ಲಿ ವ್ಯಾಪಾರ ಮಾಡುವ ಅಥವಾ ಮುಂದುವರಿಸಲು ಬಯಸುವ ಎಲ್ಲಾ ಸಾಮಾಜಿಕ ಮಾಧ್ಯಮಗಳು ದೇಶದ ಸರಿಯಾದ ನಕ್ಷೆಯನ್ನು ಬಳಸಬೇಕು’ ಎಂದು ತಾಕೀತು ಮಾಡಿದ್ದರು.
ವಾಟ್ಸ್ ಆ್ಯಪ್ ಕ್ಷಮೆ ಯಾಚನೆ
ಇದಕ್ಕೆ ತಕ್ಷಣವೇ ಪ್ರತಿಕ್ರಿಯಿಸಿದ ವಾಟ್ಸ್ ಆ್ಯಪ್, ಪ್ರಮಾದವಶಾತ್ ಇಂಥ ತಪ್ಪಾಗಿದ್ದು, ಕೂಡಲೇ ಸರಿಪಡಿಸುವುದಾಗಿ ಕೇಂದ್ರ ಸಚಿವರಿಗೆ ತಿಳಿಸಿದ್ದು, ಕ್ಷಮೆ ಯಾಚಿಸಿದೆ. ಇಂಥ ತಪ್ಪುಗಳು ಭವಿಷ್ಯದಲ್ಲಿ ಮರುಕಳಿಸದಂತೆ ಎಚ್ಚರ ವಹಿಸುವುದಾಗಿಯೂ ತಿಳಿಸಿದೆ.
ಜೂಮ್ ಆ್ಯಪ್ ಯಿಂದಲೂ ಆಗಿತ್ತು ಪ್ರಮಾದ
ಇನ್ನೂ ಕೆಲ ದಿನಗಳ ಹಿಂದೆಯಷ್ಟೇ ಭಾರತದ ತಪ್ಪಾದ ನಕ್ಷೆಯನ್ನು ಜೂಮ್ ಆ್ಯಪ್ ಪ್ರದರ್ಶಿಸಿದ್ದಕ್ಕೆ ಕಂಪನಿಯ ಸಂಸ್ಥಾಪಕ ಮತ್ತು ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಎರಿಕ್ ಯುವಾನ್ಗೆ ಸಚಿವ ರಾಜೀವ್ ಚಂದ್ರಶೇಖರ್ ಅವರು ಎಚ್ಚರಿಕೆ ನೀಡಿದ್ದರು. ತಕ್ಷಣವೇ ಜೂಮ್ ಕಂಪನಿ ತಪ್ಪು ಸರಿ ಮಾಡಿಕೊಂಡಿತ್ತು. ನೀವು ಬಳಸುತ್ತಿರುವ ಭಾರತದ ನಕಾಶೆಯನ್ನು ಒಮ್ಮೆ ಸರಿ ಇದೆಯಾ ಎಂಬುದನ್ನು ಪರಿಶೀಲಿಸಿಕೊಳ್ಳಿ ಎಂದು ಸಚಿವರು ಕಂಪನಿಗೆ ಡಿಸೆಂಬರ್ 28 ರಂದು ಟ್ವೀಟ್ ಮಾಡಿ ಸೂಚಿಸಿದ್ದರು. ಎಚ್ಚೆತ್ತುಕೊಂಡ ಕಂಪನಿ ಪೋಸ್ಟ್ ಅಳಿಸಿ ಹಾಕಿತ್ತು.