IPL 2023: Shikhar Dhawan breaks Virat Kohli's special record

ಶಿಖರ್ ಧವನ್ ಬರೆದ ಈ ರೆಕಾರ್ಡ್ ಯಾರಿಗೂ ಬ್ರೇಕ್ ಮಾಡಲು ಸಾಧ್ಯವಾಗಿಲ್ಲವಂತೆ..! – ಯಾವುದಪ್ಪಾ ಆ ರೆಕಾರ್ಡ್?

ನ್ಯೂಸ್ ಆ್ಯರೋ: ಎಲ್ಲಾ ಕ್ರಿಕೆಟ್ ಅಭಿಮಾನಿಗಳಿಗೂ ಅವರ ನೆಚ್ಚಿನ ಆಟಗಾರ ಅಂತ ಇದ್ದೇ ಇರ್ತಾರೆ. ಕೆಲವರಿಗೆ ಕೆಲವು ಆಟಗಾರರ ಬೌಲಿಂಗ್ ಇಷ್ಟವಾದ್ರೆ ಇನ್ನೂ ಕೆಲವರಿಗೆ ಬ್ಯಾಟಿಂಗ್ ಇಷ್ಟವಾಗುತ್ತೆ. ಅನೇಕ ಬಾರಿ ಪಂದ್ಯದಲ್ಲಿ ಸದ್ದು ಮಾಡುವ ಆಟಗಾರರ ಸಾಲಿನಲ್ಲಿ ಶಿಖರ್ ಧವನ್ ಕೂಡಾ ಸೇರಿಕೊಳ್ಳುತ್ತಾರೆ.

ಇಂದು ಟೀಂ ಇಂಡಿಯಾದ ಅದ್ಭುತ ಆರಂಭಿಕ ಆಟಗಾರ ಶಿಖರ್ ಧವನ್ ಇಂದು 38ನೇ ವರ್ಷಕ್ಕೆ ಕಾಲಿಟ್ಟಿದ್ದಾರೆ. ಟೀಂ ಇಂಡಿಯಾಗೆ ಹಲವು ಸ್ಮರಣೀಯ ಕ್ಷಣಗಳನ್ನು ನೀಡಿರುವ ಈ ಸ್ಫೋಟಕ ಎಡಗೈ ಓಪನರ್ ಶಿಖರ್ ಧವನ್ ಅವರ ಶ್ರೇಷ್ಠ ದಾಖಲೆ ಕಳೆದ 10 ವರ್ಷಗಳಿಂದ ಅಜೇಯವಾಗಿದೆ. ಇವರ ಈ ದಾಖಲೆಯನ್ನು ಮುರಿಯಲು ಯಾರಿಗೂ ಸಾಧ್ಯವಾಗಿಲ್ಲ.

ಎಡಗೈ ಓಪನರ್ ಶಿಖರ್ ಧವನ್..!

ವಾಸ್ತವವಾಗಿ ಶಿಖರ್ ಧವನ್ ಒಂದು ದಶಕದ ಹಿಂದೆ ಮೊಹಾಲಿಯಲ್ಲಿ ಆಸ್ಟ್ರೇಲಿಯಾ ವಿರುದ್ಧ ನಡೆದ ಪಂದ್ಯದಲ್ಲಿ ಟೆಸ್ಟ್ ಕ್ರಿಕೆಟ್ ಗೆ ಪದಾರ್ಪಣೆ ಮಾಡಿದರು. ಮಾತ್ರವಲ್ಲ, ಅವರು ತಮ್ಮ ಮೊದಲ ಟೆಸ್ಟ್ ಪಂದ್ಯದಲ್ಲೇ ವಿಶ್ವ ದಾಖಲೆಯನ್ನು ಸಹ ನಿರ್ಮಿಸಿದ್ದಾರೆ.

ಕೇವಲ 85ಎಸೆತಗಳಲ್ಲಿ ಶತಕ..!

ಶಿಖರ್ ಧವನ್ ತಮ್ಮ ಚೊಚ್ಚಲ ಟೆಸ್ಟ್ ಪಂದ್ಯದಲ್ಲಿ ಕೇವಲ 85 ಎಸೆತಗಳಲ್ಲಿ ಶತಕ ಬಾರಿಸಿದ್ದರು. ವೆಸ್ಟ್ ಇಂಡೀಸ್ ಆರಂಭಿಕ ಆಟಗಾರ ಡ್ವೇನ್ ಸ್ಮಿತ್ ಅವರ ದಾಖಲೆಯನ್ನು ಮುರಿಯುವ ಮೂಲಕ ಶಿಖರ್ ಧವನ್ ಈ ಸಾಧನೆ ಮಾಡಿದ್ದಾರೆ. ಡ್ವೇನ್ ಸ್ಮಿತ್ ತಮ್ಮ ಚೊಚ್ಚಲ ಟೆಸ್ಟ್ ಪಂದ್ಯದಲ್ಲೇ 98 ಎಸೆತಗಳಲ್ಲಿ ಶತಕ ಸಿಡಿಸಿದ್ದರು. ಈ ಮೂಲಕ ಅವರು ಚೊಚ್ಚಲ ಟೆಸ್ಟ್ ಪಂದ್ಯದಲ್ಲೇ ಶತಕ ಸಿಡಿಸಿದ ವಿಶ್ವದ ಅತ್ಯಂತ ವೇಗದ ಬ್ಯಾಟ್ಸ್‌ಮನ್ ಎನಿಸಿಕೊಂಡರು.

ಶಿಖರ್ ಧವನ್ 16 ಮಾರ್ಚ್ 2013 ರಂದು ಮೊಹಾಲಿಯಲ್ಲಿ ತಮ್ಮ ಚೊಚ್ಚಲ ಟೆಸ್ಟ್ ಪಂದ್ಯದಲ್ಲಿ ಆಸ್ಟ್ರೇಲಿಯಾ ವಿರುದ್ಧ 174 ಎಸೆತಗಳಲ್ಲಿ 187 ರನ್ ಶಿಖರ್ ಧವನ್ ಅವರ ಇನ್ನಿಂಗ್ಸ್‌ನಲ್ಲಿ 33 ಬೌಂಡರಿ ಹಾಗೂ 2 ಸಿಕ್ಸರ್‌ಗಳು ಸೇರಿದ್ದವು.

ಟೀಂ ಇಂಡಿಯಾದ ಪ್ರಬಲ ಬ್ಯಾಟ್ಸ್‌ಮನ್…!

ಪ್ರಸ್ತುತ ಟೀಂ ಇಂಡಿಯಾದ ಆಧಾರ ಸ್ತಂಭವಾಗಿರುವ ಶಿಖರ್ ಧವನ್, ಭಾರತಕ್ಕಾಗಿ ಎಲ್ಲಾ ಮೂರು ಮಾದರಿಗಳಲ್ಲಿ ಕ್ರಿಕೆಟ್ ಆಡಿದ್ದಾರೆ. ಟೀಂ ಇಂಡಿಯಾ ಪರ ಶಿಖರ್ ಧವನ್ 34 ಟೆಸ್ಟ್ ಪಂದ್ಯಗಳಲ್ಲಿ 2315 ರನ್, 167 ಏಕದಿನ ಪಂದ್ಯಗಳಲ್ಲಿ 6793 ರನ್ ಮತ್ತು 68 ಟಿ20 ಪಂದ್ಯಗಳಲ್ಲಿ 1759 ರನ್ ಗಳಿಸಿದ್ದಾರೆ.

ಇವರ ಬ್ಯಾಟಿಂಗ್ ಗೆ ಅನೇಕ ಜನ ಫ್ಯಾನ್ಸ್ ಗಳಿದ್ದಾರೆ‌. ಇವರ ರೆಕಾರ್ಡ್ ಬ್ರೇಕ್ ಮಾಡಲು ಈವರೆಗೆ ಯಾರಿಗೂ ಸಾಧ್ಯವಾಗಿಲ್ಲವಂತೆ.