ಹಿಂದೂಗಳ ಕನಸಿನ ಅಯೋಧ್ಯೆ ಶ್ರೀರಾಮ ಮಂದಿರ ಕಾಮಗಾರಿ ಅಂತಿಮ ಹಂತಕ್ಕೆ..! – ಇಲ್ಲಿವೆ ನೋಡಿ ಸ್ಪೆಷಲ್ ಫೋಟೋಸ್…!!

ನ್ಯೂಸ್ ಆ್ಯರೋ : ಹತ್ತಾರು ವರ್ಷಗಳ ಬೇಡಿಕೆ, ಗಲಭೆ, ಕೋರ್ಟ್ ಕಛೇರಿಯ ಅಲೆದಾಟದ ನಂತರ ಕೊನೆಗೂ ಅಯೋಧ್ಯೆ ಶ್ರೀರಾಮ ಮಂದಿರ ನಿರ್ಮಾಣಕ್ಕೆ ಗ್ರೀನ್ ಸಿಗ್ನಲ್ ಸಿಕ್ಕಿದ್ದು, ಸದ್ಯ ರಾಮ ಮಂದಿರದ ನಿರ್ಮಾಣ ಕಾಮಗಾರಿ ಯುದ್ಧೋಪಾದಿಯಲ್ಲಿ ಮುಂದುವರೆಯುತ್ತಿದೆ. ಈ ಪವಿತ್ರ ಮಂದಿರವನ್ನು 2024ರಲ್ಲಿ ದೇಶಕಂಡ ಅತ್ಯುನ್ನತ ನಾಯಕ ಪ್ರಧಾನಿ ನರೇಂದ್ರ ಮೋದಿ ಉದ್ಘಾಟಿಸಲಿದ್ದಾರೆ‌. ಸದ್ಯ, ಈ ರಾಮಮಂದಿರ ನಿರ್ಮಾಣದ ಕಾಮಗಾರಿಯ ಕೆಲವು ಸ್ಪೆಷಲ್ ಫೋಟೋಗಳು ಇಲ್ಲಿವೆ.

ಡ್ರೋನ್ ನಿಂದ ತೆಗೆದ ಅದ್ಭುತ ಚಿತ್ರಗಳು!

ಸದ್ಯ, ಅಯೋಧ್ಯಯಲ್ಲಿ ರಾಮಮಂದಿರ ನಿರ್ಮಾಣದ ಕಾಮಗಾರಿ ನಡೆಯುತ್ತಿದ್ದು, ಇಡೀ ದೇಶವೇ ಈ ಐತಿಹಾಸಿಕ ಕ್ಷಣವನ್ನು ಎದುರು ನೋಡುತ್ತಿದೆ. ಮಂದಿರ ನಿರ್ಮಾಕ್ಕೆ ಇನ್ನೊಂದೇ ತಿಂಗಳು ಬಾಕಿ ಇದ್ದು, ಕಾಮಗಾರಿ ವೇಗವಾಗಿ ನಡೆಯುತ್ತಿದೆ. ಈ ನಡುವೆ ಕಾಮಗಾರಿಯ ಸ್ಪೆಷಲ್ ಫೋಟೋಗಳನ್ನು ತೆಗೆಯಲಾಗಿದ್ದು, ಡ್ರೋನ್ ಬಳಸಿ ಈ ಸುಂದರ ಫೋಟೋಗಳನ್ನು ಸೆರೆ ಹಿಡಿಯಲಾಗಿದೆ. ಈ ಫೋಟೋಗಳು ಶ್ರೀರಾಮ ಮಂದಿರದ ನಿರ್ಮಾಣದ ಪರಿಕಲ್ಪನೆಯನ್ನು ತೋರಿಸುವಂತಿದೆ.

70 ಎಕರೆಯಲ್ಲಿ ಶ್ರೀರಾಮ ಮಂದಿರ!

ಸದ್ಯ, ಅಯೋಧ್ಯೆಯಲ್ಲಿ ನಿರ್ಮಾಣವಾಗುತ್ತಿರುವ ರಾಮ ಮಂದಿರ ಸುಮಾರು 70 ಎಕರೆ ಪ್ರದೇಶದಲ್ಲಿ ಹರಡಿಕೊಂಡಿದೆ.ಈ ವಿಶಾಲ ಪ್ರದೇಶದಲ್ಲಿ ರಾಮಾಯಣಕ್ಕೆ ಸಂಬಂಧಿಸಿದ ಗುಡಿಗಳು, ಕೆತ್ತನೆಗಳು, ಉದ್ಯಾನಗಳು ಕೂಡ ನಿರ್ಮಾಣವಾಗುತ್ತಿದೆ. ಶ್ರೀ ರಾಮ ಜನ್ಮಭೂಮಿ ತೀರ್ಥಕ್ಷೇತ್ರ ಟ್ರಸ್ಟ್ ವಿವಿಧ ಸಮಯಗಳಲ್ಲಿ ದೇವಾಲಯ ನಿರ್ಮಾಣದ ಚಿತ್ರಗಳನ್ನು ಹಂಚಿಕೊಳ್ಳುವ ಮೂಲಕ ರಾಮ ಭಕ್ತರಿಗೆ ಮಾಹಿತಿ ನೀಡುತ್ತದೆ.

ಫೋಟೋಸ್ ಹಂಚಿಕೊಂಡ ಯು.ಪಿ DCM!

ಉತ್ತರ ಪ್ರದೇಶದ ಉಪಮುಖ್ಯಮಂತ್ರಿ ಕೇಶವ್ ಪ್ರಸಾದ್ ಮೌರ್ಯ ಅವರು ತಮ್ಮ X ಖಾತೆಯಲ್ಲಿ ರಾಮಮಂದಿರದ ಕೆಲವು ಚಿತ್ರಗಳನ್ನು ಪೋಸ್ಟ್ ಮಾಡಿದ್ದಾರೆ. ಅಯೋಧ್ಯೆಯ ರಾಮಮಂದಿರದ ಎರಡನೇ ಮಹಡಿಯ ಕೆಲಸವು ಅತ್ಯಂತ ವೇಗವಾವಿ ನಡೆಯುತ್ತಿದೆ ಎಂದು ಅವರು ತಿಳಿಸಿದ್ದಾರೆ. ರಾಮಮಂದಿರದ ಎರಡನೇ ಮಹಡಿಯಲ್ಲಿ ಸುಮಾರು 10 ಅಡಿ ಕಂಬವನ್ನು ಹಾಕಲಾಗಿದೆ. ಮೊದಲ ಹಂತದ ಕಾಮಗಾರಿ ಬಹುತೇಕ ಮುಗಿದಿದ್ದರೂ ದೇಗುಲ ನಿರ್ಮಾಣ ಕಾರ್ಯ ಭರದಿಂದ ಸಾಗುತ್ತಿದೆ. ಎರಡನೇ ಮಹಡಿಯ ಕಂಬಗಳು ಚಿತ್ರದಲ್ಲಿ ಕಾಣಬಹುದಾಗಿದೆ.