ಹಿಂದೂ ಧರ್ಮದ ಪ್ರಕಾರ ಪತಿಯ ಎಡಭಾಗದಲ್ಲೇ ಪತ್ನಿ ಮಲಗಬೇಕು – ಪುರಾಣದಲ್ಲಿ ಉಲ್ಲೇಖಿಸಲಾದ ಕಾರಣವೇನು?
- ಸಂಬಂಧ
- July 12, 2023
- No Comment
- 268
ನ್ಯೂಸ್ ಆ್ಯರೋ : ಹಿಂದೂ ಧರ್ಮದ ಪ್ರಕಾರ ಪ್ರತಿ ಕಾರ್ಯ ಮಾಡುವಾಗಲೂ ಕೆಲವೊಂದು ಸಂಪ್ರದಾಯ, ನಂಬಿಕೆಯನ್ನು ಪಾಲಿಸಬೇಕಾಗುತ್ತದೆ. ಅದರಂತೆ ಪತ್ನಿ ಯಾವಾಗಲೂ ಪತಿಯ ಎಡಭಾಗದಲ್ಲಿ ಮಲಗಬೇಕು ಎಂದು ಹೇಳಲಾಗುತ್ತದೆ. ಅದಕ್ಕಿರುವ ಕಾರಣ ತಿಳಿದುಕೊಳ್ಳೋಣ.
ಅರ್ಧಾಂಗಿ ಕಾನ್ಸೆಪ್ಟ್ ಜೊತೆ ಥಳುಕು
ಪುರಾಣದ ಪ್ರಕಾರ ಶಿವ ಅರ್ಧನಾರೀಶ್ವರನಾಗಿ ಕಾಣಿಸಿಕೊಂಡಾಗ ಅವನ ಪತ್ನಿಯಾದ ಪಾರ್ವತಿ ಎಡಬದಿಯಲ್ಲಿ ಕಾಣಿಸಿಕೊಂಡಿದ್ದಳು. ಹೀಗಾಗಿ ಗಂಡನ ಎಡ ಭಾಗ ಪತ್ನಿಯದ್ದು ಎನ್ನಲಾಗುತ್ತದೆ. ಇದೇ ಕಾರಣಕ್ಕೆ ಶುಭ ಕಾರ್ಯ ನಡೆಸುವ ಸಂದರ್ಭದಲ್ಲಿ ಪತ್ನಿಯನ್ನು ಎಡಭಾಗದಲ್ಲಿ ಕೂರಿಸಲಾಗುತ್ತದೆ.
ಅಲ್ಲದೆ ಪತ್ನಿ ಪತಿಯ ಎಡಭಾಗದಲ್ಲಿ ಮಲಗುವುದರಿಂದ ಮನೆಯಲ್ಲಿ ಸುಖ, ಸಂತೋಷ, ನೆಮ್ಮದಿ ನೆಲೆಸುವ ಜೊತೆಗೆ ವೈವಾಹಿಕ ಜೀವನ ಆನಂದದಿಂದ ಕೂಡಿರುತ್ತದೆ ಎನ್ನುವ ನಂಬಿಕೆ ಇದೆ.
ಪತ್ನಿ ಪತಿಯ ಎಡಗಡೆ ಮಲಗುವುದರಿಂದ ಗ್ರಹಗಳಿಂದಲೂ ದಾಂಪತ್ಯ ಜೀವನದ ಮೇಲೆ ಯಾವುದೇ ರೀತಿಯ ಕೆಟ್ಟ ಪರಿಣಾಮ ಬೀರುವುದಿಲ್ಲ ಎಂದು ಜ್ಯೋತಿಷಿಗಳು ಹೇಳುತ್ತಾರೆ. ಜೊತೆಗೆ ಇದಕ್ಕೆ ಇನ್ನೊಂದು ಪುರಾಣದ ಕಥೆ ಇದೆ. ಸತ್ಯವಾನ್ ಸಾವಿತ್ರಿ ಕಥೆಯಲ್ಲಿ ಯಮರಾಜ ಸತ್ಯವಾನ್ ನ ಪ್ರಾಣ ತೆಗೆದುಕೊಂಡು ಹೋಗಲು ಎಡಬದಿಯಲ್ಲಿ ಬಂದಾಗ ಅಲ್ಲಿದ್ದ ಸಾವಿತ್ರಿ ಬೇಡಿಕೊಂಡು ಪತಿಯನ್ನು ರಕ್ಷಿಸಿದ್ದಳು. ಹೀಗಾಗಿ ಎಡ ಬದಿ ಮಲಗುವುದರಿಂದ ಪತಿಗೆ ರಕ್ಷೆ ಸಿಗುತ್ತದೆ ಎನ್ನಲಾಗುತ್ತಿದೆ.
ಬಲಗಡೆ ಸ್ಥಾನ
ಹಾಗಾದರೆ ಪತ್ನಿಗೆ ಬಲಗಡೆಯಲ್ಲಿ ಸ್ಥಾನ ದೊರೆಯುವುದೇ ಇಲ್ಲವೇ? ಎಂಬ ಪ್ರಶ್ನೆ ಸಹಜವಾಗಿಯೇ ಮೂಡುತ್ತದೆ. ಹಾಗೇನೂ ಇಲ್ಲ. ಕೆಲವೊಂದು ಆಚರಣೆಗಳಲ್ಲಿ ಪತ್ನಿ ಪತಿಯ ಬಲಗಡೆಯೇ ಇರಬೇಕಾಗುತ್ತದೆಯಂತೆ. ಕನ್ಯಾದಾನ, ವಿವಾಹ, ಯಜ್ಞ, ನಾಮಕರಣ, ಅನ್ನ ಪ್ರಾಶನದ ಸಮಯದಲ್ಲಿ ಪತ್ನಿಯ ಸ್ಥಾನ ಬಲಗಡೆಯಲ್ಲಿರುತ್ತದೆ ಎಂದು ಶಾಸ್ತ್ರ ಹೇಳುತ್ತದೆ.