ಇಂದಿನಿಂದ ಗ್ಯಾಸ್ ಸಿಲಿಂಡರ್ ಮತ್ತೆ ಭಾರೀ ಅಗ್ಗ – ಬೆಲೆಯೇರಿಕೆ ಬಿಸಿಯ ನಡುವೆ ಗ್ರಾಹಕರಿಗೆ ಬಂಪರ್ ಆಫರ್
- ರಾಷ್ಟ್ರೀಯ ಸುದ್ದಿ
- April 1, 2024
- No Comment
- 1406
ನ್ಯೂಸ್ ಆ್ಯರೋ : ಹೊಸ ಹಣಕಾಸು ವರ್ಷದ ಮೊದಲ ದಿನವಾದ ಎಪ್ರಿಲ್ 1ರಿಂದ ಎಲ್ ಪಿಜಿ (LPG) ಸಿಲಿಂಡರ್ ಗ್ರಾಹಕರಿಗೆ ಸಿಹಿಸುದ್ದಿ ಸಿಕ್ಕಿದ್ದು, ಎಲ್ ಪಿಜಿ ವಾಣಿಜ್ಯ ಸಿಲಿಂಡರ್ ಬೆಲೆಯಲ್ಲಿ 32 ರೂ.ಇಳಿಕೆ ಮಾಡಲಾಗಿದೆ.
ಸದ್ಯ ಈ ತಿಂಗಳು ದೇಶೀಯ ಸಿಲಿಂಡರ್ಗಳ ಬೆಲೆಯಲ್ಲಿ ಯಾವುದೇ ಬದಲಾವಣೆಯಾಗಿಲ್ಲ. ದೆಹಲಿಯಲ್ಲಿ ಎಲ್ ಪಿಜಿ ಸಿಲಿಂಡರ್ ಬೆಲೆ ಇಂದಿನಿಂದ 30.50 ರೂ.ಗೆ ಇಳಿದಿದೆ. ಕೋಲ್ಕತ್ತಾದಲ್ಲಿ 32 ರೂ., ಮುಂಬೈನಲ್ಲಿ 31.50 ರೂ., ಚೆನ್ನೈನಲ್ಲಿ 30.50 ರೂ. ರೂ. ಇಳಿಕೆ ಮಾಡಲಾಗಿದೆ.
ಐಒಸಿ ಪ್ರಕಾರ, ಇಂದಿನಿಂದ ದೆಹಲಿಯಲ್ಲಿ 19 ಕೆಜಿ ಎಲ್ ಪಿಜಿ ವಾಣಿಜ್ಯ ಸಿಲಿಂಡರ್ ಬೆಲೆ 1764.50 ರೂ. ಈ ಹಿಂದೆ ಇದು 1795 ರೂ. ಕೋಲ್ಕತ್ತಾದಲ್ಲಿ, ಇದು ಈಗ 1911 ರೂ.ಗಳ ಬದಲು 1879.00 ರೂ.ಗೆ ಲಭ್ಯವಿದೆ. ಮುಂಬೈನಲ್ಲಿ ಇದು ಈಗ 1717.50 ರೂ. ಚೆನ್ನೈನಲ್ಲಿ ವಾಣಿಜ್ಯ ಎಲ್ಪಿಜಿ ಸಿಲಿಂಡರ್ ಈಗ 1930.00 ರೂ.ಗೆ ಇಳಿಕೆಯಾಗಿದೆ.
ಕೆಲವೇ ದಿನಗಳಲ್ಲಿ ನಡೆಯಲಿರುವ ಲೋಕಸಭಾ ಚುನಾವಣೆಯ ನಡುವೆ ವಾಣಿಜ್ಯ ಸಿಲಿಂಡರ್ ಗಳ ದರವನ್ನು ಕಡಿಮೆ ಮಾಡುವುದರಿಂದ ಬೆಲೆಯೇರಿಕೆಯಿಂದ ಸ್ವಲ್ಪ ಪರಿಹಾರ ಸಿಕ್ಕಿದೆ. ಮಾರ್ಚ್ ನಲ್ಲಿ ಮಹಿಳಾ ದಿನದಂದು, ಸರ್ಕಾರವು ದೇಶೀಯ ಸಿಲಿಂಡರ್ ಗಳ ಬೆಲೆಯಲ್ಲಿ ಕೊಂಚ ಕಡಿಮೆಗೊಳಿಸಿತ್ತು.
ಕರ್ನಾಟಕದಲ್ಲಿ (Karnataka) ಮೊದಲು 1851 ರೂ. ಇದ್ದ ಸಿಲಿಂಡರ್ ಈಗ, 19 ಕೆಜಿ LPG ಸಿಲಿಂಡರ್ 1821.50 ರೂ.ಗೆ ಲಭ್ಯವಾಗಲಿದೆ. ಇನ್ನೂ, ಗೃಹಬಳಕೆಯ ಸಿಲಿಂಡರ್ಗಳ ಬೆಲೆಯಲ್ಲಿ ಯಾವುದೇ ಬದಲಾವಣೆಯಾಗಿಲ್ಲ. ಪ್ರಸ್ತುತ ರಾಜ್ಯದಲ್ಲಿ ಗೃಹಬಳಕೆಯ ಎಲ್ಪಿಜಿ ಸಿಲಿಂಡರ್ನ ಬೆಲೆ 807.5 ರೂ. ಇದೆ.