ಪೆಟ್ರೋಲ್ ಪಂಪ್ಗಳಲ್ಲಿ 6 ಸೇವೆಗಳನ್ನು ಉಚಿತವಾಗಿ ನೀಡುವುದು ಕಡ್ಡಾಯ – ಇವು ಗ್ರಾಹಕರು ತಿಳಿದುಕೊಂಡಿರಬೇಕಾದ ಸಂಗತಿಗಳು
- ಕೌತುಕ-ವಿಜ್ಞಾನ
- April 21, 2023
- No Comment
- 621
ನ್ಯೂಸ್ ಆ್ಯರೋ : ಯಾರೇ ಆದರೂ ಪೆಟ್ರೋಲ್ ಬಂಕ್ ತೆರೆಯಬೇಕಾದರೆ ಸರ್ಕಾರದ ಸೂಚನೆಯಂತೆ ಗ್ರಾಹಕರಿಗೆ ಕೆಲವೊಂದು ಉಚಿತ ಸೇವೆಯನ್ನು ನೀಡುವುದು ಕಡ್ಡಾಯ. ಸರ್ಕಾರ ಸೂಚಿಸುವ ಸೇವೆಗಳನ್ನು ಸಾರ್ವಜನಿಕರಿಗೆ ಉಚಿತವಾಗಿ ಒದಗಿಸಿದರೆ ಮಾತ್ರ ಪೆಟ್ರೋಲ್ ಬಂಕ್ಗಳಿಗೆ ಅನುಮತಿ ನೀಡುತ್ತದೆ.
ಸಾಮಾನ್ಯವಾಗಿ ಪೆಟ್ರೋಲ್ ಬಂಕ್ಗಳು ಸದಾ ವಾಹನ ಸವಾರರಿಂದ ತುಂಬಿ ತುಳುಕುತ್ತಿರುತ್ತವೆ. ಪೆಟ್ರೋಲ್, ಡೀಸೆಲ್ಗಾಗಿ ಸರತಿ ಸಾಲುಗಳಿರುತ್ತವೆ. ಪೆಟ್ರೋಲ್ ಬಂಕ್ಗಳು ಯಾವಾಗಲೂ ಜನದಟ್ಟಣೆಯಿಂದ ಕೂಡಿರುತ್ತವೆ.
ಬಂಕ್ನಲ್ಲಿ ಗ್ರಾಹಕರಿಗೆ ಕೆಲವು ಉಚಿತ ಸೇವೆಗಳೂ ಇವೆ. ಇವು ಉಚಿತ ಎಂದು ಅನೇಕರಿಗೆ ತಿಳಿದಿಲ್ಲ. ಸರ್ಕಾರಗಳು ಸಾಮಾನ್ಯವಾಗಿ ಪೆಟ್ರೋಲ್ ಬಂಕ್ ಮಾಲೀಕರಿಗೆ ಈ 6 ಸೇವೆಗಳನ್ನು ನೀಡಬೇಕಾಗಿ ಸೂಚಿಸುತ್ತವೆ.
ಈ ಸೇವೆಗಳನ್ನು ಒದಗಿಸದಿದ್ದಲ್ಲಿ ಪೆಟ್ರೋಲ್ ಬಂಕ್ ಮಾಲೀಕರ ವಿರುದ್ಧವೂ ದೂರು ದಾಖಲಿಸಬಹುದು. ಆದರೆ ಈಗ ಪೆಟ್ರೋಲ್ ಬಂಕ್ಗಳು ಉಚಿತವಾಗಿ ನೀಡುವ 6 ಉಚಿತ ಸೇವೆಗಳನ್ನು ನಾವು ತಿಳಿಯೋಣ.
ಉಚಿತ ನೀರು:
ಪೆಟ್ರೋಲ್ ಬಂಕ್ ನಲ್ಲಿ ಗ್ರಾಹಕರಿಗೆ ಉಚಿತವಾಗಿ ಉತ್ತಮ ನೀರಿನ ಸೌಲಭ್ಯ ಕಲ್ಪಿಸಬೇಕು. ಇದಕ್ಕಾಗಿ ಬಂಕ್ ಡೀಲರ್ ಸ್ವತಃ ಆರ್ವಿ ಯಂತ್ರ ಮತ್ತು ನೀರಿನ ಸಂಪರ್ಕ ಪಡೆಯಬೇಕು. ಯಾವುದೇ ಬಂಕ್ಗಳಲ್ಲಿ ನೀರಿನ ಸೌಲಭ್ಯವಿಲ್ಲದಿದ್ದರೆ ದೂರು ನೀಡಬಹುದು.
ಶೌಚಾಲಯ:
ಸ್ವಚ್ಛ ಭಾರತ್ ಕಾರ್ಯಕ್ರಮದ ಅಂಗವಾಗಿ ಮೂತ್ರಾಲಯಗಳು ಮತ್ತು ಶೌಚಾಲಯಗಳನ್ನು ಪೆಟ್ರೋಲ್ ಬಂಕ್ ಮಾಲೀಕರು ನಿರ್ವಹಿಸಬೇಕು. ಇತ್ತೀಚೆಗೆ ಕೇಂದ್ರ ಸರ್ಕಾರವೂ ಈ ಕುರಿತು ನಿರ್ದೇಶನ ನೀಡಿದೆ. ಇನ್ನೊಂದು ವಿಷಯವೆಂದರೆ ಶೌಚಾಲಯ ಹಾಗೂ ಶೌಚಾಲಯ ನಿರ್ವಹಣೆಗೆಂದು ಬಂಕ್ ಮಾಲೀಕರಿಗೆ ಪ್ರತಿ ಲೀಟರ್ ಪೆಟ್ರೋಲ್ಗೆ ಸುಮಾರು 4ರಿಂದ 8 ಪೈಸೆ ನೀಡುತ್ತಿದ್ದೇವೆ.
ಪೆಟ್ರೋಲ್, ಡೀಸೆಲ್ ಗುಣಮಟ್ಟ:
ಬಂಕ್ಗಳಲ್ಲಿ ಪೆಟ್ರೋಲ್, ಡೀಸೆಲ್ ಕಲಬೆರಕೆಯಾಗುತ್ತಿರುವ ಬಗ್ಗೆ ದೂರುಗಳು ಬರುತ್ತಿವೆ. ಅಂತಹ ಸಂದರ್ಭಗಳಲ್ಲಿ ಪ್ರತಿಯೊಬ್ಬ ವಾಹನ ಚಾಲಕರು ಬಂಕ್ಗಳಲ್ಲಿ ಪೆಟ್ರೋಲ್ ಮತ್ತು ಡೀಸೆಲ್ನ ಗುಣಮಟ್ಟದ ಮಾನದಂಡಗಳನ್ನು ತಿಳಿದುಕೊಳ್ಳುವ ಹಕ್ಕನ್ನು ಹೊಂದಿರುತ್ತಾರೆ.
ಪ್ರಥಮ ಚಿಕಿತ್ಸೆ:
ಗ್ರಾಹಕರಿಗೆ ಯಾವುದೇ ಗಾಯದ ಸಂದರ್ಭದಲ್ಲಿ, ಪೆಟ್ರೋಲ್ ಬಂಕ್ಗಳಲ್ಲಿ ಪ್ರಥಮ ಚಿಕಿತ್ಸೆ ನೀಡಬೇಕು. ಇದಕ್ಕಾಗಿ ಬಂಕ್ ಗಳಲ್ಲಿ ವಿಶೇಷ ಚಿಕಿತ್ಸಾ ಕಿಟ್ ಇಡಬೇಕು.
ದೂರವಾಣಿ ಸೌಲಭ್ಯ:
ಬಳಕೆದಾರರು ತುರ್ತು ಸಂದರ್ಭದಲ್ಲಿ ಎಲ್ಲಿ ಬೇಕಾದರೂ ಕರೆ ಮಾಡಲು ಪೆಟ್ರೋಲ್ ಬಂಕ್ಗಳಲ್ಲಿರುವ ಫೋನ್ ಅನ್ನು ಬಳಸಬಹುದು.
ಉಚಿತ ಗಾಳಿ:
ದ್ವಿಚಕ್ರ, ತ್ರಿಚಕ್ರ, ನಾಲ್ಕು ಚಕ್ರ ಅಥವಾ ಇತರ ಯಾವುದೇ ವಾಹನಗಳಿಗೆ ಪೆಟ್ರೋಲ್ ಬಂಕ್ಗಳಲ್ಲಿ ಉಚಿತವಾಗಿ ಗಾಳಿ ತುಂಬಬೇಕು. ಇದಕ್ಕಾಗಿ ಯಾವುದೇ ಶುಲ್ಕವನ್ನು ಪಾವತಿಸುವ ಅಗತ್ಯವಿಲ್ಲ.