Instant Beer : ಬಿಯರ್ ಪ್ರಿಯರಿಗೆ ಗುಡ್ ನ್ಯೂಸ್ – ಇನ್ಮುಂದೆ ಮನೆಯಲ್ಲೇ ತಯಾರಿಸಬಹುದು ಚಿಲ್ಡ್ ಬಿಯರ್..!!

ನ್ಯೂಸ್ ಆ್ಯರೋ : ಯಾರಾದ್ರೂ ಬೀಯರ್ ಕುಡಿಯಬೇಕು ಅಂತ ಅನಿಸಿದರೆ ಯಾವುದಾದರು ರೆಸ್ಟೋರೆಂಟ್ ಅಥವಾ ಬಾರ್ ಗೆ ಹೋಗಬೇಕಿತ್ತು. ಆದರೆ ಈಗ ಕಾಲ ಬದಲಾಗಿದೆ, ಎಲ್ಲವೂ ಆಧುನಿಕತೆಗೆ ಒಗ್ಗಿಕೊಂಡಿರುವಂತೆ ಈ ಬೀಯರ್ ಕೂಡ ಅದೇ ಹಾದಿ ಹಿಡಿದಿದೆ. ಹೌದು ಇನ್ಮುಂದೆ ನೀವು ಬೀಯರ್ ಕುಡಿಯಲು ನೀವು ಎಲ್ಲೆಲ್ಲೋ ಹೋಗಬೇಕಾಗಿಲ್ಲ. ಮನೆಯಲ್ಲೇ ಥಟ್ಟಂತ ಬೀಯರ್ ಮಾಡಿ ಕುಡಿಯಬಹುದು. ಈ ಬೀಯರ್ ಮಾಡೋದು ಹೇಗೆ ಅಂತ ನೋಡೋಣ ಬನ್ನಿ.

ಮನೆಯಲ್ಲೇ ಕುಳಿತು‌ ಕೇವಲ 2 ನಿಮಿಷದಲ್ಲಿ ಬೀಯರ್ ತಯಾರಿಸಬಹುದಾದ ಪೌಡರ್ ಒಂದು ಇದೀಗ ಮಾರುಕಟ್ಟೆಗೆ ಬಂದಿದೆ. ಈ ಹುಡಿಯನ್ನು ನೀರಿನಲ್ಲಿ ಹಾಕಿ ಬೆರೆಸಿದರೆ ಮರುಕ್ಷಣವೇ ಚಿಲ್ಡ್ ಬಿಯರ್ ರೆಡಿಯಾಗಿ ಬಿಡುತ್ತದೆ. ಇದು ವಿಶ್ವದ ಮೊದಲ ಬಿಯರ್ ಹುಡಿ ಎಂಬ ಖ್ಯಾತಿಗೂ ಪಾತ್ರವಾಗುತ್ತದೆ.

ಇನ್ನು ಈ ಬಿಯರ್ ಪರಿಸರ ಸ್ನೇಹಿಯಾಗಿರುವ ಕಾರಣ ಇದರಿಂದ ಹೊರಸೂಸುವ ಇಂಗಾಲ ಸಾಕಷ್ಟು ಪ್ರಯೋಜನಕಾರಿಯಾಗಿದೆ. ಸದ್ಯ, ಈ ಬಿಯರ್ ಪೌಡರ್ ದೂರದ ಜರ್ಮನ್ ದೇಶದಲ್ಲಿ ಲಭ್ಯವಿದ್ದು, ಇದೇ ವರ್ಷದ ಕೊನೆಯಲ್ಲಿ ನಮ್ಮ‌ ದೇಶದಲ್ಲೂ ಲಭ್ಯವಾಗಲಿದೆಯಂತೆ.

ಎಲ್ಲೆಡೆ ಬಿಸಿಲು ಝಳಪಿಸುತ್ತಿದ್ದು, ಹೆಚ್ಚಿನ ದ್ರವಾಹಾರ ಕುಡಿದಷ್ಟು ದೇಹಕ್ಕೆ ಒಳ್ಳೆಯದು. ಹಾಗೆಯೇ ಇದೀಗ ಬಿಯರ್ ದರ ಕೂಡ ಹೆಚ್ಚಿದೆ. ಆದರೆ ಬಿಯರ್ ಪುಡಿ ಬಂದರೆ ಕಡಿಮೆ ಕರ್ಚಿನಲ್ಲಿ ಮನೆಯಲ್ಲೇ ತಯಾರಿಸಬಹುದಾಗಿದೆ. ಆದರೆ ಅದು ಭಾರತಕ್ಕೆ ಕಾಲಿಡೋವರೆಗೂ ಕಾಯಬೇಕಷ್ಟೇ..!!