ಅಬ್ಬಾ! ಶಾರುಖ್ ಖಾನ್ ಮ್ಯಾನೇಜರ್ ಸಂಭಾವನೆ ಇಷ್ಟೊಂದಾ? – ಪೂಜಾ ದದ್ಲಾನಿ ಪಡೆಯುತ್ತಿರುವ ಸಂಭಾವನೆ ಎಷ್ಟು ಕೋಟಿ ಗೊತ್ತಾ..!?
- ಮನರಂಜನೆ
- May 8, 2023
- No Comment
- 243
ನ್ಯೂಸ್ ಆ್ಯರೋ : ಬಾಲಿವುಡ್ ಸೂಪರ್ ಸ್ಟಾರ್ ಶಾರುಖ್ ಖಾನ್ ಬಾಲಿವುಡ್ ನ ಯಶಸ್ವಿ ನಟ ಮತ್ತು ನಿರ್ಮಾಪಕ. ಈ ಕಾರಣದಿಂದಲೇ ಅವರು ಪ್ರತೀ ಸಿನಿಮಾಕ್ಕೆ, ಜಾಹೀರಾತಿಗೆ ಕೋಟಿಗಟ್ಟಲೆ ರೂ. ಸಂಭಾವನೆ ಪಡೆಯುತ್ತಾರೆ. ಇದೀಗ ಶಾರುಖ್ ಬ್ಯುಸಿನೆಸ್ ಮ್ಯಾನೇಜರ್ ಪೂಜಾ ದದ್ಲಾನಿ ಅವರ ಸಂಬಳದ ವಿವರ ಹೊರ ಬಂದಿದೆ. ಅವರು ಕೂಡ ವರ್ಷಕ್ಕೆ ಕೋಟಿಗಟ್ಟಲೆ ರೂ. ಸಂಬಳ ಪಡೆಯುತ್ತಾರೆ.
ಮೂಲಗಳ ಪ್ರಕಾರ ಪೂಜಾ ವರ್ಷಕ್ಕೆ ಸುಮಾರು 7-9 ಕೋಟಿ ರೂ. ಸಂಪಾದಿಸುತ್ತಾರೆ. ಅಂದರೆ ತಿಂಗಳ ಸಂಪಾದನೆ ಅಂದಾಜು 75 ಲಕ್ಷ ರೂ. ಮೆನ್ಎಕ್ಸ್ಪಿ ವರದಿ ಪ್ರಕಾರ 2021ರಲ್ಲಿ ಪೂಜಾ ದದ್ಲಾನಿ ಅವರ ಅಸ್ತಿ ಮೌಲ್ಯ 45-50 ಕೋಟಿ ರೂ. ಇತ್ತು. ಮುಂಬೈ ಮೂಲದ ಪೂಜಾ ಶಾರುಖ್ ಜೊತೆ ದಶಕಗಳಿಂದಲೂ ಕೆಲಸ ಮಾಡುತ್ತಿದ್ದಾರೆ. ಇವರು 2012ರಲ್ಲಿ ನಟನ ಪ್ರೊಡಕ್ಷನ್ ಹೌಸ್ ರೆಡ್ ಚಿಲ್ಲೀಸ್ ಎಂಟರ್ಟೈನ್ಮೆಂಟ್ ಸೇರಿ ಎಲ್ಲ ವ್ಯವಹಾರಗಳನ್ನು ನಿರ್ವಹಿಸುತ್ತಿದ್ದಾರೆ.
ಪೂಜಾ ಲಕ್ಷುರಿ ಮರ್ಸಿಡಿಸ್ ಕಾರ್ ಹೊಂದಿದ್ದು, ಮುಂಬೈಯ ಬಾಂದ್ರಾದಲ್ಲಿ ಬಂಗಲೆ ಹೊಂದಿದ್ದಾರೆ. ಅವರು 2023ರ ಆರಂಭದಲ್ಲಿ ಈ ಲಕ್ಷುರಿ ಮನೆಗೆ ಶಿಫ್ಟ್ ಆದರು. ಈ ಮನೆಗೆ ಶಾರುಖ್ ಪತ್ನಿ ಗೌರಿ ಖಾನ್ ಡಿಸೈನ್ ಮಾಡಿದ್ದಾರೆ.
ಆತ್ಮೀಯ ನಂಟು
ವ್ಯವಹಾರ ಮಾತ್ರವಲ್ಲ ಶಾರುಖ್ ಖಾನ್ ಕುಟುಂಬದ ಜೊತೆ ಪೂಜಾ ಆತ್ಮೀಯ ಸಂಬಂಧ ಹೊಂದಿದ್ದಾರೆ. ಶಾರುಖ್ ಅವರ ಮಗ ಆರ್ಯನ್ ಖಾನ್ ನನ್ನ ಬಂಧಿಸಿದಾಗ ಪೂಜಾ ಅವರ ಕುಟುಂಬಕ್ಕೆ ಬೆಂಬಲವಾಗಿದ್ದರು. ಶಾರುಖ್ ಅವರ ಸಿನಿಮಾಗಳ ಜೊತೆಗೆ ಜಾಹೀರಾತು, ಕೋಲ್ಕತ್ತಾ ನೈಟ್ ರೈಡರ್ಸ್ ಅನ್ನು ಕೂಡ ಪೂಜಾ ನಿರ್ವಹಿಸುತ್ತಿದ್ದಾರೆ.