ಹೊಸ ವರ್ಷದಲ್ಲೇ ನಟಿ ಕೃತಿಗೆ ಪ್ರಭಾಸ್ ಪ್ರಪೋಸ್: ರೊಮ್ಯಾಂಟಿಕ್ ಜಾಗದಲ್ಲಿ ನ್ಯೂ ಇಯರ್ ಸೆಲೆಬ್ರೇಷನ್ಗೆ ಜೋಡಿ ಸಿದ್ಧತೆ
- ಮನರಂಜನೆ
- December 30, 2022
- No Comment
- 331
ನ್ಯೂಸ್ ಆ್ಯರೋ : 2022ಕ್ಕೆ ಬೈ ಬೈ ಹೇಳಲು ದಿನಗಣನೆ ಶುರುವಾಗಿದ್ದು, ಹೊಸ ವರ್ಷವನ್ನು ಅದ್ಧೂರಿಯಾಗಿ ಸ್ವಾಗತಿಸಲು ಇಡೀ ಜಗತ್ತು ಕಾತುರದಿಂದ ಕಾಯುತ್ತಿದೆ. ಇನ್ನೂ ಹೊಸವರ್ಷದ ಸಂಭ್ರಮದಲ್ಲೇ ನಟ ಪ್ರಭಾಸ್ ಅವರು ನಟಿ ಕೃತಿ ಸನೂನ್ಗೆ ಪ್ರಪೋಸ್ ಮಾಡಲಿದ್ದಾರೆ ಎಂಬ ಸುದ್ದಿ ಭಾರೀ ವೈರಲ್ ಆಗಿದೆ.
ಈ ಸಂಬಂಧ ಉಮೈರ್ ಸಂಧು ಎರಡು ಟ್ವೀಟ್ ಮಾಡಿದ್ದಾರೆ. ರೊಮ್ಯಾಂಟಿಕ್ ಪ್ಲೇಸ್ನಲ್ಲಿ ಕೃತಿಗೆ ಪ್ರಪೋಸ್ ಮಾಡಿ ಜೋಡಿ ಹೊಸ ವರ್ಷವನ್ನು ಅಲ್ಲೇ ಸ್ವಾಗತಿಸಲಿದೆ ಎಂದು ಬರೆದುಕೊಂಡಿದ್ದಾರೆ. ಈ ಎರಡು ಟ್ವೀಟ್ಗಳು ಈಗ ಸಿಕ್ಕಾಪಟ್ಟೆ ವೈರಲ್ ಆಗ್ತಿದೆ.
ಓವರ್ಸೀಸ್ ಸೆನ್ಸಾರ್ ಬೋರ್ಡ್ ಸದಸ್ಯ ಎಂದು ಹೇಳಿಕೊಳ್ಳುವ ಉಮೈರ್ ಸಂಧು ಮಾಡಿರುವ ಈ ಟ್ವೀಟ್ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಪ್ರಭಾಸ್ ಅಭಿಮಾನಿಗಳ ಆಕ್ರೋಶಕ್ಕೂ ಕಾರಣವಾಗಿದೆ. ಇದೆಲ್ಲಾ ಬರೀ ಗಾಸಿಪ್, ಯಾರು ನಂಬಬೇಡಿ ಎನ್ನುತ್ತಿದ್ದಾರೆ.
ಈ ಹಿಂದೆ ನಟ ಪ್ರಭಾಸ್ ಅವರು ನಟಿ ಕೃತಿ ಸನೂನ್ ಜತೆ ಡೇಟಿಂಗ್ ನಡೆಸುತ್ತಿದ್ದಾರೆ ಎಂಬ ಗಾಸಿಪ್ ಹಬ್ಬಿತ್ತು. ಆದರೆ ಬಾಲಿವುಡ್ ಬ್ಯೂಟಿ ಕೃತಿ ಇದೆಲ್ಲ ಸುಳ್ಳು ಎಂದು ಸ್ಪಷ್ಟಣೆ ನೀಡಿದ್ದರು.
‘ಆದಿಪುರುಷ್’ ಚಿತ್ರದಲ್ಲಿ ಪ್ರಭಾಸ್ ಹಾಗೂ ಕೃತಿ ಸನೂನ್ ಶ್ರೀರಾಮ ಹಾಗೂ ಸೀತಾಮಾತೆ ಪಾತ್ರಗಳಲ್ಲಿ ನಟಿಸಿದ್ದಾರೆ.
ವಯಸ್ಸು 40 ದಾಟಿದ್ರು ಪ್ರಭಾಸ್ ಮದುವೆ ಬಗ್ಗೆ ಆಲೋಚಿಸಿದಂತೆ ಕಾಣಿಸುತ್ತಿಲ್ಲ. ಅಭಿಮಾನಿಗಳು ಕೂಡ ಈ ಪ್ರಶ್ನೆ ಕೇಳಿ ಕೇಳಿ ಸುಸ್ತಾಗಿದ್ದಾರೆ. ಯಾವುದೇ ಸಂದರ್ಶನ ಆದರೂ ಡಾರ್ಲಿಂಗ್ಗೆ ಈ ಪ್ರಶ್ನೆ ಎದುರಾಗುತ್ತದೆ. ಇತ್ತೀಚೆಗೆ ‘ಅನ್ಸ್ಟಾಪಬಲ್- 2’ ಶೋನಲ್ಲಿ ಪ್ರಭಾಸ್ ಭಾಗವಹಿಸಿದ್ದರು. ನಟ ಬಾಲಕೃಷ್ಣ ನಡೆಸಿಕೊಡುವ ಓಟಿಟಿ ಶೋ ಸಿಕ್ಕಾಪಟ್ಟೆ ಜನಪ್ರಿಯವಾಗಿದೆ. ಈ ಕಾರ್ಯಕ್ರಮದಲ್ಲೂ ಬಾಲಯ್ಯ ಮದುವೆ ಪ್ರಶ್ನೆಯನ್ನು ಪ್ರಭಾಸ್ ಮುಂದೆ ಇಟ್ಟಿದ್ದರು. “ಸಲ್ಮಾನ್ ಖಾನ್ ಮದುವೆ ಆದಮೇಲೆ ನನ್ನ ಮದುವೆ” ಎಂದು ಹೇಳಿ ಮೋಸ್ಟ್ ಎಲಿಜಬಲ್ ಬ್ಯಾಚುಲರ್ ಜಾರಿಕೊಂಡಿದ್ದರು.