ಆಲಿಯಾ ಭಟ್ ಗೆ ತಮ್ಮ ಮಗಳು ಕಲಾವಿದೆಯಾಗುವುದು ಇಷ್ಟವಿಲ್ಲವಂತೆ – ಮತ್ಯಾವ ಕ್ಷೇತ್ರದತ್ತ ನಟಿಯ ಆಸಕ್ತಿ?

ನ್ಯೂಸ್ ಆ್ಯರೋ‌ : ಸಾಮಾನ್ಯವಾಗಿ ಚಿತ್ರ ತಾರೆಯರು ತಮ್ಮ ಮಕ್ಕಳನ್ನು ಕಲಾವಿದರನ್ನಾಗಿಸಲು ಇಷ್ಟಪಡುತ್ತಾರೆ. ಆದರೆ ಬಾಲಿವುಡ್ ನಟಿ ಆಲಿಯಾ ಭಟ್ ಇದಕ್ಕಿಂತ ಭಿನ್ನ. ತಮ್ಮ ಮಗಳು ವಿಜ್ಞಾನಿಯಾಗಬೇಕು ಎನ್ನುವುದು ತನ್ನ ಇಚ್ಛೆ ಎಂದು ಅವರು ಹೇಳಿಕೊಂಡಿದ್ದಾರೆ.

ಆಲಿಯಾ ಹೇಳಿದ್ದೇನು?

ಆಲಿಯಾ ಮತ್ತು ರಣಬೀರ್ ಕಪೂರ್ ಇಬ್ಬರೂ ಬಾಲಿವುಡ್ ನ ಜನಪ್ರಿಯ, ಬೇಡಿಕೆಯ ಕಲಾವಿದರು. ಕಳೆದ ವರ್ಷ ವಿವಾಹಿತರಾದ ಇವರಿಗೆ ರಾಹಾ ಹೆಸರಿನ ಮಗಳಿದ್ದಾಳೆ. ಇತ್ತೀಚೆಗೆ ಸಂದರ್ಶನದಲ್ಲಿ ಮಾತನಾಡಿದ ಆಲಿಯಾ ಮಗಳನ್ನು ಕಲಾವಿದೆಯಾಗಿ ನೋಡುವುದಕ್ಕಿಂತ ವಿಜ್ಞಾನಿಯಾಗಿ ನೋಡಲು ಇಷ್ಟಪಡುವುದಾಗಿ ಹೇಳಿದ್ದಾರೆ.

ಇತ್ತೀಚೆಗೆ ರಣಬೀರ್ ಕಪೂರ್ ಮಾತನಾಡಿ, ”ಮಗಳ ಭವಿಷ್ಯದ ಬಗ್ಗೆ ಈಗಲೇ ಆಲಿಯಾ ಚಿಂತಿಸತೊಡಗಿದ್ದಾಳೆ. ಅತಿಯಾಗಿ ಕಾಳಜಿ ವಹಿಸುವುದರಿಂದ ಮಕ್ಕಳು ಭವಿಷ್ಯದಲ್ಲಿ ತೊಂದರೆಗೊಳಗಾಗಬಹುದು. ಆದ್ದರಿಂದ ನಾನು ಮಗಳ ಮೇಲೆ ಯಾವುದೇ ಒತ್ತಡ ಹೇರುವುದಿಲ್ಲ. ಆಕೆಯೊಂದಿಗೆ ಯಾವಾಗ ಫುಟ್ಬಾಲ್ ಆಡುತ್ತೇನೆ ಎಂದು ಕಾಯುತ್ತಿದ್ದೇನೆ” ಎಂದು ಹೇಳಿದ್ದಾರೆ.

ಸದ್ಯ ಆಲಿಯಾ ಭಟ್ ‘ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ’ ಚಿತ್ರದ ಪ್ರಚಾರದಲ್ಲಿ ನಿರತರಾಗಿದ್ದಾರೆ. ಕರಣ್ ಜೋಹರ್ ಹಲವು ವರ್ಷಗಳ ಬಳಿಕ ನಿರ್ದೇಶಿಸಿರುವ ಈ ಚಿತ್ರ ಜುಲೈ 28ರಂದು ತೆರೆ ಕಾಣಲಿದೆ. ಇದರಲ್ಲಿ ರಣವೀರ್ ಸಿಂಗ್ ನಾಯಕನಾಗಿ ಅಭಿನಯಿಸಿದ್ದಾರೆ.