$ 2.65 ಬಿಲಿಯನ್ ಸಾಲ ತೀರಿಸಿದ ಅದಾನಿ ಗ್ರೂಪ್ – ಮಾರ್ಚ್ 31 ರ ಒಳಗೆ ಸಂಪೂರ್ಣ ಸಾಲ ಮರುಪಾವತಿಗೆ ಪ್ಲ್ಯಾನ್..!!
- ವಾಣಿಜ್ಯ ಸುದ್ದಿ
- March 14, 2023
- No Comment
- 193
ನ್ಯೂಸ್ ಆ್ಯರೋ : ಹಿಂಡನ್ಬರ್ಗ್ ವರದಿಯ ಬಳಿಕ ಉಂಟಾಗಿರುವ ಹಾನಿಯಿಂದ ಜರ್ಜರಿತವಾಗಿರುವ ಅದಾನಿ ಗ್ರೂಪ್ ತನ್ನ ಷೇರುಗಳ ಬಗ್ಗೆ ಹೂಡಿಕೆದಾರರಲ್ಲಿ ವಿಶ್ವಾಸ ಗಳಿಸುವ ಸಲುವಾಗಿ ಸುಮಾರು 2.15 ಬಿಲಿಯನ್ ಡಾಲರ್ ಸಾಲವನ್ನು ಮರುಪಾವತಿ ಮಾಡಿರುವುದಾಗಿ ಹೇಳಿಕೊಂಡಿದೆ.
ಮಾರ್ಚ್ 31ರ ಒಳಗಾಗಿ ಸಂಪೂರ್ಣ ಸಾಲ ಮಾರುಪಾವತಿ ಯೋಜನೆಯನ್ನು ಅದಾನಿ ಸಮೂಹವು ಹಾಕಿಕೊಂಡಿದ್ದು, ಇದರ ಭಾಗವಾಗಿ ಇಷ್ಟು ಮೊತ್ತದ ಸಾಲವನ್ನು ಮರುಪಾವತಿ ಮಾಡಿದೆ.
ಈ ಬಗ್ಗೆ ಪತ್ರಿಕಾ ಪ್ರಕಟಣೆ ಹೊರಡಿಸಿರುವ ಅದಾನಿ ಸಮೂಹವು, ಷೇರುಗಳನ್ನು ಅಡವಿಟ್ಟು ಪಡೆಯಲಾಗಿದ್ದ 2.15 ಬಿಲಿಯನ್ ಡಾಲರ್ ಸಾಲವನ್ನು ಮರುಪಾವತಿ ಮಾಡಿರುವುದಾಗಿ ಹೇಳಿದೆ. ಅಲ್ಲದೇ ಅಂಬುಜಾ ಸಿಮೆಂಟ್ ಸ್ವಾಧೀನಕ್ಕೆ ಪಡೆಯಲಾಗಿದ್ದ 500 ಮಿಲಿಯನ್ ಡಾಲರ್ ಸಾಲವನ್ನೂ ಪಾವತಿ ಮಾಡಲಾಗಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.
ಕೆಲ ದಿನಗಳ ಹಿಂದಷ್ಟೇ ಷೇರು ಅಡವಿಟ್ಟು ಪಡೆಯಲಾಗಿದ್ದ ಸುಮಾರು ₹ 7,374 ಕೋಟಿ ಸಾಲವನ್ನು ಪಾವತಿ ಮಾಡಿದ್ದಾಗಿ ಅದಾನಿ ಸಮೂಹ ಹೇಳಿಕೊಂಡಿತ್ತು. ಸದ್ಯ ಪಾವತಿ ಮಾಡಿರುವ ಸಾಲದ ಹಣದ ಮೂಲ ಯಾವುದು ಎಂದು ಅದಾನಿ ಸಮೂಹವು ಸ್ಪಷ್ಟಪಡಿಸಿಲ್ಲ. ಆದರೆ 2.65 ಬಿಲಿಯನ್ ಡಾಲರ್ ಸಾಲ ಮರುಪಾವತಿ ಪ್ರಕ್ರಿಯೆಯು ಆರು ತಿಂಗಳಿನಲ್ಲಿ ಪೂರ್ಣಗೊಂಡಿದೆ ಎಂದು ಪ್ರಕಟಣೆಯಲ್ಲಿ ಹೇಳಲಾಗಿದೆ.