ರಸ್ತೆಯಲ್ಲಿ ಮತ್ತೆ ಟಾಟಾ ಸುಮೋ ದರ್ಬಾರ್ ಗೆ ಕ್ಷಣಗಣನೆ – ಹೊಸ ರೂಪದಲ್ಲಿ ಬರಲಿದೆ ಒಂದು ಕಾಲದ ಜನಪ್ರಿಯ ವಾಹನ
- ಆಟೋ ನ್ಯೂಸ್
- June 4, 2023
- No Comment
- 1053
ನ್ಯೂಸ್ ಆ್ಯರೋ : ಕೆಲವು ವರ್ಷಗಳ ಹಿಂದಿನ ಮಾತು. ಆಗ ಟಾಟಾ ಸುಮೋ ವಾಹನ ಬಹಳ ಜನಪ್ರಿಯವಾಗಿತ್ತು. ಪ್ರಯಾಣಕ್ಕೆ ಹೇಳಿ ಮಾಡಿಸಿದಂತಹ ವಾಹನ ಇದಾಗಿತ್ತು. ಬಳಿಕ ಇದರ ಉತ್ಪಾದನೆಯನ್ನು ನಿಲ್ಲಿಸಲಾಗಿತ್ತು. ಇದೀಗ ಮತ್ತೆ ಸುಮೋ ಅಭಿಮಾನಿಗಳಿಗೆ ಖುಷಿ ಪಡುವ ಸುದ್ದಿ ಹೊರಬಂದಿದೆ. ಸುಮೋ ಗಾಡಿಯನ್ನು ನವೀಕರಿಸಿ ಟಾಟಾ ಮತ್ತೆ ಉತ್ಪಾದನೆ ಮಾಡಲಿದೆಯಂತೆ..!!
ಹೊಸ ಮಾದರಿಯ ಸುಮೋ ಎಸ್.ಯು.ಬಿ. ಸದ್ಯದಲ್ಲೇ ಬಿಡುಗಡೆಯಾಗಲಿದೆ. ಇದು ವಿಶೇಷ ತಂತ್ರಜ್ಞಾನಗಳನ್ನು ಒಳಗೊಂಡು ರಸ್ತೆಗಿಳಿಯಲಿದೆ. ಹೊಸ ರೀತಿಯ ಹೆಡ್ ಲ್ಯಾಂಪ್, ಕ್ರೋಮೋ ಫಿನಿಶಿಂಗ್ ಗ್ರಿಲ್, ಟೈಲ್ ಲೈಟ್, ಟಚ್ ಸ್ಕ್ರೀನ್ ಇನ್ಫೋಟೈನ್ಮೆಂಟ್ ಸಿಸ್ಟಮ್, ಬ್ಲೂಟೂತ್ ಹೊಂದಾಣಿಕೆ, ಮ್ಯೂಸಿಕ್ ಸಿಸ್ಟಮ್, ಅಡ್ಜೆಸ್ಟೇಬಲ್ ಡ್ರೈವರ್ ಸೀಟ್, ಸನ್ರೂಫ್ ಕೂಡ ಇದರಲ್ಲಿ ಅಳವಡಿಸಲಾಗಿದೆ ಎನ್ನಲಾಗುತ್ತಿದೆ.
ಸುರಕ್ಷತೆಗೆ ಒತ್ತು
ಸುರಕ್ಷತೆಯ ವಿಷಯದಲ್ಲಿ ಟಾಟಾ ಸುಮೋ ಯಾವುದೇ ರಾಜಿ ಮಾಡಿಕೊಳ್ಳುವುದಿಲ್ಲ ಎಂದು ಕಂಪೆನಿ ಹೇಳಿದೆ. ಪ್ರಯಾಣಿಕರ ಬದಿಯಲ್ಲಿ ಏರ್ ಬ್ಯಾಗ್, ಡ್ರೈವರ್ ಏರ್ ಬ್ಯಾಗ್ ಮೊದಲಾದವುಗಳನ್ನು ಹೊಂದಿದೆ. ಜೊತೆಗೆ ಆ್ಯಂಟಿ ಲಾಕ್ ಬ್ರೇಕಿಂಗ್ ಸಿಸ್ಟಮ್, ಕ್ರೂಸ್ ಕಂಟ್ರೋಲ್, ಪವರ್ ಲಾಕ್ ಮೊದಲಾದ ತಂತ್ರಜ್ಞಾನಗಳನ್ನು ಕೂಡ ಈ ಕಾರಿನಲ್ಲಿ ಅಳವಡಿಸಲಾಗಿದೆ.
1.2 ಲೀಟರ್ ಟರ್ಬೋ ಚಾರ್ಜ್ ರೆವೋಟ್ರಾನ್ ಎಂಜಿನ್ ಇದ್ದು, ಇದು ನೆಕ್ಸಾನ್ ಎಂಜಿನ್ ಜೊತೆಗೆ ಅನೇಕ ರೀತಿಯಲ್ಲಿ ಹೋಲುತ್ತದೆ. 118.35 ಬಿ ಎಚ್ ಪಿ ಪವರ್ ಹಾಗೂ 170 ಎಂಎಂ ಟಾರ್ಕ್ ಉತ್ಪಾದಿಸುವ ಕಾರ್ಯಕ್ಷಮತೆ ಹೊಂದಿದೆ. ಬೆಲೆ 12ರಿಂದ 15 ಲಕ್ಷ ರೂ.ಇರುವ ಸಾಧ್ಯತೆ ಇದೆ.