ಇನ್ನೋವಾ, ಫಾರ್ಚೂನರ್ ಸೆಡ್ಡು, ರಸ್ತೆಗೆ ಇಳಿಯಲಿದೆ ಹೊಸ ಮಹೀಂದ್ರ ಬೊಲೆರೋ – ಹೊಸ ಲುಕ್ ನಲ್ಲಿ ಈ ಗಾಡಿ ಹೇಗಿದೆ ಗೊತ್ತಾ?
- ಆಟೋ ನ್ಯೂಸ್
- June 8, 2023
- No Comment
- 156
ನ್ಯೂಸ್ ಆ್ಯರೋ : ಮಹೀಂದ್ರ ಬೊಲೆರೋ – ವಾಹನ ಪ್ರಿಯರಿಗೆ ಅಚ್ಚುಮೆಚ್ಚು. ಹೀಗಾಗಿ ಇದು ಹೆಚ್ಚು ಮಾರಾಟವಾಗುವ ಕಾರುಗಳ ಪೈಕಿ ಒಂದು ಎನಿಸಿಕೊಂಡಿದೆ. ಇದೀಗ ಮಹೀಂದ್ರ ಕಂಪೆನಿ ಈ ಮಾದರಿಗೆ ಹೊಸ ರೂಪ ಕೊಡಲು ನಿರ್ಧರಿಸಿದೆ. ಶೀಘ್ರದಲ್ಲಿ ಹೊಸ ಮಹೀಂದ್ರ ಬೋಲೆರೋ ರಸ್ತೆಗಿಳಿಯುವ ನಿರೀಕ್ಷೆ ಇದೆ.
ಇನ್ನೋವಾ, ಫಾರ್ಚೂನರ್ ಗೆ ಸ್ಪರ್ಧೆ
ಹೊಸ ಬೊಲೆರೋ ಇನ್ನೋವಾ, ಫಾರ್ಚೂನರ್ ಕಾರ್ ಗಳಿಗೆ ಪ್ರಬಲ ಪ್ರತಿಸ್ಫರ್ಧಿಯಾಗಲಿದೆ. ಅದರಲ್ಲೂ ಕಡಿಮೆ ಬೆಲೆಯಲ್ಲಿ ದೊರೆಯಲಿದ್ದು, ಸಾಕಷ್ಟು ಬೇಡಿಕೆ ಸೃಷ್ಟಿಯಾಗುವ ನಿರೀಕ್ಷೆ ಇದೆ. ಇದರ ಬೆಲೆ ಕೂಡ 10 ಲಕ್ಷ ರೂ. ಆಸುಪಾಸಿನಲ್ಲಿ ಇರಲಿದೆ ಎಂದು ಅಂದಾಜಿಸಲಾಗಿದೆ.
ಇದರಲ್ಲಿ ಏಳು ಇಂಚಿನ ಟಚ್ ಸ್ಕ್ರೀನ್ ಇನ್ಫೋಟೈನ್ಮೆಂಟ್ ಸಿಸ್ಟಮ್ ಇರಲಿದೆ. ಕೀಲೆಸ್ ಆಗಿ ಆನ್ ಹಾಗೂ ಆಫ್ ಮಾಡುವ ಅತ್ಯಾಧುನಿಕ ತಂತ್ರಜ್ಞಾನ ಅಳವಡಿಸಲಾಗಿದೆ. ಸುರಕ್ಷತೆಗಾಗಿ ಹೆಚ್ಚಿನ ಒತ್ತು ನೀಡಲಾಗಿದ್ದು, ಸಾಕಷ್ಟು ಮುಂಜಾಗ್ರತ ಕ್ರಮಗಳನ್ನು ಅಳವಡಿಸಲಾಗಿದೆ. EBD, ABS, Rear Parking ಸೆನ್ಸಾರ್ ಗಳು ಹೊಸ ಬೋಲೆರೋದಲ್ಲಿ ಇರಲಿದೆ ಎಂದು ವರದಿ ತಿಳಿಸಿದೆ.
ಎಂಜಿನ್ ಬಗ್ಗೆ ಮಾಹಿತಿ
1.5 ಡೀಸೆಲ್ ಎಂಜಿನ್ ಹೊಂದಿರಲಿದೆ. 100Ps ಪವರ್ 260Nm ಟಾರ್ಕ್ ಅನ್ನು ಇದು ಜನರೇಟ್ ಮಾಡುತ್ತದೆ ಹಾಗೂ ಇದರಲ್ಲಿ ಐದು ಟಾಪ್ ಸ್ಪೀಡ್ ಗೇರ್ ಗಳು ಕೂಡ ಇವೆ. ಬಿಡುಗಡೆ ದಿನಾಂಕವನ್ನು ಕಂಪೆನಿ ಇನ್ನಷ್ಟೇ ಘೋಷಿಸಬೇಕಿದೆ.