ಶ್ರೀ ರಾಮರಕ್ಷಾಸ್ತೋತ್ರದ 4,5,6 ಶ್ಲೋಕ  ಹಾಗೂ ಅದರ ಅರ್ಥ ಇಲ್ಲಿದೆ‌…

ಶ್ಲೋಕ 4,5,6
ಧ್ಯಾತ್ವಾ ನೀಲೋತ್ಪಲಶ್ಯಾಮಂ ರಾಮಂ ರಾಜೀವ ಲೋಚನಮ್ | ಜಾನಕೀಲಕ್ಷ್ಮಣೋಪೇತಂ ಜಟಾಮುಕುಟಮಂಡಿತಮ್ ||4||

ಸಾಸಿತೂಣಧನುರ್ಬಾಣಪಾಣಿಂ ನಕ್ತಂಚರಾಂತಕಮ್ | ಸ್ವಲೀಲಯಾ ಜಗತ್ತ್ರಾತು ಮಾವಿರ್ಭೂತಮಜಂ ವಿಭುಮ್||5||

ರಾಮರಕ್ಷಾಂ ಪಠೇತ್ ಪ್ರಾಜ್ಞಃ ಪಾಪಂಘ್ನೀಂ ಸರ್ವಕಾಮದಾಮ್ | ಶಿರೋ ಮೇ ರಾಘವಃ ಪಾತು ಭಾಲಂ ದಶರಥಾತ್ಮಜಃ||6||

ಶ್ಲೋಕದ ಅರ್ಥ 4,5,6
ನೀಲಕಮಲದಂತೆ ಮೈ ಬಣ್ಣವಿರುವ, ತಾವರೆ ಎಸಳಿನಂತೆ ಸುಂದರ ಕಣ್ಣುಗಳಿರುವ, ಕಿರೀಟದಂತೆ ಶೋಭಿಸುತ್ತಿರುವ ಜಡೆ ಇರುವ, ರಾಕ್ಷಸರ ಸಂಹಾರಕ್ಕೆಂದು ಖಡ್ಗ, ಬಿಲ್ಲು, ಬಾಣಗಳಿಂದೆಲ್ಲ ಸಜ್ಜಾಗಿರುವ, ದುಷ್ಟರ ನಾಶ, ಶಿಷ್ಟರ ರಕ್ಷಣೆಗಾಗಿಯೇ ಜನ್ಮವೆತ್ತಿ ಲೀಲೆತೋರಿದ ಸೀತಾಲಕ್ಷ್ಮಣರೊಡಗೂಡಿದ ಪ್ರಭುರಾಮಚಂದ್ರನ ಧ್ಯಾನದಲ್ಲಿ ಗೈಯುವ ಶ್ರೀರಾಮರಕ್ಷಾಸ್ತೋತ್ರ ಪಠಣವಂತೂ ಪಾಪರಾಶಿಯನ್ನೆಲ್ಲ ನಾಶಗೊಳಿಸಿ ಸಕಲೇಷ್ಟಗಳನ್ನು ಪೂರೈಸುವುದಂತೂ ಖಂಡಿತ.

ರಘುಕುಲೋತ್ತಮನಾದ ಆ ರಾಮನು ತಲೆಯನ್ನು ರಕ್ಷಿಸಿ ಚಿತ್ತಶುದ್ಧಿಗೈಯಲಿ ! ದಶರಥತನಯನಾದ ಆತನು ಹಣೆಯನ್ನು ರಕ್ಷಿಸಿ ಬುದ್ದಿಯನ್ನೆಲ್ಲ ಬೆಳಗಿಸಲಿ !||4, 5, 6 ||