ಗಾಯಕ ಸೋನು ನಿಗಮ್‌ ತಂದೆಯ ಮನೆಯಲ್ಲಿ 72ಲಕ್ಷ‌ ಹಣ ಕಳವು: ಮಾಜಿ‌ ಕಾರು ಚಾಲಕನ‌ ಬಂಧನ

ನ್ಯೂಸ್ ಆ್ಯರೋ: ಖ್ಯಾತ ಗಾಯಕ ಸೋನು ನಿಗಮ್ ಅವರ ತಂದೆಯ ಮನೆಯಲ್ಲಿ ನಡೆದ ಕಳ್ಳತನ ಆರೋಪದಲ್ಲಿ ಅವರ ಮಾಜಿ ಕಾರು ಚಾಲಕನನ್ನು ವಶಕ್ಕೆ ಪಡೆದಿದ್ದಾರೆ.

ಸೋನು ನಿಗಮ್ ಮತ್ತು ಅವರ ತಂದೆ ಆಗಮ್ ಕುಮಾರ್ ಅವರು ಮುಂಬೈನ ಒಶಿವರದಲ್ಲಿರುವ ವಿಂಡ್ಸರ್ ಗ್ರ್ಯಾಂಡ್ ಬಿಲ್ಡಿಂಗ್‌ನಲ್ಲಿ ವಾಸವಿದ್ದರು. ಮಾರ್ಚ್ 19 ಮತ್ತು 20ರಂದು ಆ ಮನೆಯಲ್ಲಿ ಸುಮಾರು ₹72 ಲಕ್ಷ ಹಣ ಕಳವಾಗಿದೆ.

ಆಗಮ್‌ಕುಮಾರ್ ಅವರು ಸುಮಾರು ಎಂಟು ತಿಂಗಳ ಹಿಂದೆ ರೆಹಾನ್ ಎಂಬುವವರನ್ನು ಚಾಲಕರಾಗಿ ಹೊಂದಿದ್ದರು. ಅವರ ಕಾರ್ಯವೈಖರಿ ತೃಪ್ತಿದಾಯಕವಾಗಿಲ್ಲ ಎಂಬ ಕಾರಣಕ್ಕೆ ಕೆಲಸದಿಂದ ತೆಗೆದಿದ್ದರು ಎನ್ನಲಾಗಿದೆ. ಇದೀಗ ಕಳವು ಪ್ರಕರಣ ಹಿನ್ನೆಲೆ ಕಾರು ಚಾಲಕನನ್ನು‌ ವಶಕ್ಕೆ‌ ಪಡೆಯಲಾಗಿದೆ.

ಭಾನುವಾರ ನಿಗಮ್ ಅವರು ಸೋನು ನಿಗಮ್ ಅವರ ತಂಗಿ ನಿಕಿತಾ ನಿವಾಸಕ್ಕೆ ಊಟಕ್ಕೆ ಹೋಗಿ ಕೆಲ ಸಮಯದ ಬಳಿಕ ವಾಪಸ್ಸಾಗಿದ್ದರು. ಸಂಜೆ‌ ಮನೆಗೆ ಬಂದಾಗ ಮನೆಯಲ್ಲಿದ್ದ ಹಣ ಕಳವಾಗಿದೆ.