ಸಿಲ್ಲಿ ಲಲ್ಲಿ ಖ್ಯಾತಿಯ ನಟ ಲೋಕೇಶ್ ಬಸವಟ್ಟಿಯನ್ನು ವರಿಸಿದ ನಟಿ ರಚನಾ ದಶರಥ್ – ಹಲವು ವರ್ಷಗಳ ಪ್ರೀತಿಗೆ ಮದುವೆ ಮುದ್ರೆ ಒತ್ತಿದ ತಾರಾಜೋಡಿ

ನ್ಯೂಸ್ ಆ್ಯರೋ : ಸಿಲ್ಲಿ ಲಲ್ಲಿ ಖ್ಯಾತಿಯ ನಟ ಲೋಕೇಶ್ ಬಸವಟ್ಟಿ ತಾನೂ ಪ್ರೀತಿಸಿದ ಹುಡುಗಿ ನಟಿ ರಚನಾ ದಶರಥ್ ಅವರನ್ನು ಕೈಹಿಡಿಯುವ ಮೂಲಕ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ.

ಹಲವು ವರ್ಷಗಳಿಂದ ಪ್ರೀತಿಯಲ್ಲಿದ್ದ ಈ ಜೋಡಿ ಈಚೆಗೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು. ಇದೀಗ ಕುಟುಂಬದವರ ಹಾಗೂ ಸ್ನೇಹಿತರ ಸಮ್ಮುಖದಲ್ಲಿ ಚಾಮರಾಜನಗರದಲ್ಲಿರುವ ಅನುಭವ ಮಂಟಪದಲ್ಲಿ ಅದ್ಧೂರಿಯಾಗಿ ಮದುವೆಯಾಗಿದ್ದಾರೆ.

ನಟಿ ರಚನಾ ದಶರಥ್ ಹಾಗೂ ಲೋಕೇಶ್ ಬಸವಟ್ಟಿ ತಮ್ಮ ಮದುವೆಯ ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

ಮಾಡೆಲಿಂಗ್ ಲೋಕಕ್ಕೆ ಕಾಲಿಟ್ಟ ರಚನಾ ದಶರಥ್ ಅವರು ಹಲವು ಸೀರಿಯಲ್‌ಗಳಲ್ಲಿ ನಟಿಸಿ ಹೆಸರು ಗಳಿಸಿದ್ದಾರೆ. ಅದಲ್ಲದೆ ಮಾತು ಕಥೆ, ಯೋಗಿ ದುನಿಯಾ, ಸಮರ್ಥ ಮುಂತಾದ ಸಿನಿಮಾಗಳಲ್ಲಿ ರಚನಾ ದಶರಥ್ ಅಭಿನಯಿಸಿದ್ದಾರೆ. ಇನ್ನೂ ಲೋಕೇಶ್ ಅವರ ಸಿಲ್ಲಿ ಲಲ್ಲಿ ಧಾರವಾಯಿಯಲ್ಲಿನ ತಮ್ಮ ಪಾತ್ರದ ಮೂಲಕ ಎಲ್ಲರ ಮನ ಗೆದ್ದಿದ್ದಾರೆ. ಅದಲ್ಲದೆ ಪಾಯಿಂಟ್ ಪರಿಮಳಾ, ಪಾರ್ವತಿ ಪರಮೇಶ್ವರ ಮುಂತಾದ ಧಾರಾವಾಹಿಗಳಲ್ಲಿ ಲೋಕೇಶ್ ಬಸವಟ್ಟಿ ಅಭಿನಯಿಸಿದ್ದಾರೆ.