ಮೈಲುಗಲ್ಲು ಸೂಚನಾಫಲಕದಲ್ಲಿ ಮಹಾ ಎಡವಟ್ಟು – ನಗೆಪಾಟಲಿಗೀಡಾದ ಲೋಕೋಪಯೋಗಿ ಇಲಾಖೆ
- ವೈರಲ್ ನ್ಯೂಸ್
- February 14, 2023
- No Comment
- 222
ನ್ಯೂಸ್ ಆ್ಯರೋ : ಶಿವಮೊಗ್ಗ ಜಿಲ್ಲೆಯ ಸಾಗರದಲ್ಲಿ ಹಾಕಲಾಗಿರುವ ಮೈಲಿಗಲ್ಲಿನ ಬೋರ್ಡ್ನಲ್ಲಿ ಮಹಾ ಎಡವಟ್ಟು ಇದೀಗ ನಗೆಪಾಟಲಿಗೆ ಕಾರಣವಾಗಿದೆ.
ಈ ಮೈಲಿಗಲ್ಲಿನಲ್ಲಿ ಸಿಗಂದೂರು, ಕೊಲ್ಲೂರು ಮತ್ತು ಭಟ್ಕಳಕ್ಕಿರುವ ಕಿ.ಮೀ ಅಂತರವನ್ನು ಬರೆಯಲಾಗಿತ್ತು. ಆದರೆ ಕನ್ನಡ ಭಾಷೆಯಿಂದ ಇಂಗ್ಲೀಷ್ ಭಾಷೆಗೆ ಮೂರು ಕಿ.ಮೀ ಅಂತರ ಕಂಡುಬಂದಿತ್ತು. ಸಿಗಂದೂರಿಗೆ ಅಂತರ ಸರಿಯಾಗಿದೆ. ಇನ್ನು ಕೊಲ್ಲೂರು ಮತ್ತು ಭಟ್ಕಳ ತಾಲೂಕಿನ ಕಿ.ಮೀ ಅಂತರ ಕನ್ನಡದಲ್ಲಿ ಕ್ರಮವಾಗಿ 93 ಮತ್ತು 76 ಇದ್ದರೆ ಇಂಗ್ಲಿಷ್ನಲ್ಲಿ 96 ಮತ್ತು 73 ಎಂದು ಬರೆಯಲಾಗಿದೆ.
ಕರ್ನಾಟಕ ಲೋಕೋಪಯೋಗಿ, ಬಂದರು ಮತ್ತು ಒಳನಾಡು ಜಲಸಾರಿಗೆ ಇಲಾಖೆಯಿಂದ ಈ ತಪ್ಪು ನಡೆದಿದೆ ಎಂದು ಹೇಳಲಾಗಿತ್ತು. ಇನ್ನು ಈ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗಿದ್ದು, ವಿಧ ವಿಧವಾಗಿ ಕಮೆಂಟ್ ಗಳನ್ನು ಮಾಡಿದ್ದಾರೆ.
ಅದಲ್ಲದೆ ಕೊಲ್ಲೂರಿಗೆ ಹೋಗುವುದಾದರೆ ಕನ್ನಡದಲ್ಲಿ ಓದಿ ಹೋಗಿ ಬೇಗ ತಲುಪುತ್ತೀರಿ, ಭಟ್ಕಳಕ್ಕೆ ಹೋಗುವುದಾದರೆ ಇಂಗ್ಲಿಷ್ನಲ್ಲಿ ಬರೆದದ್ದನ್ನು ಓದಿ ಹೋಗಿ ಎಂದು ತಮಾಷೆಯಾಗಿ ಕಮೆಂಟ್ ಮಾಡುತ್ತಿದ್ದಾರೆ.
ಈ ಪೋಸ್ಟ್ ವೈರಲ್ ಆಗುತ್ತಿದ್ದ ಹಾಗೇ ಎಚ್ಚೆತ್ತುಕೊಂಡ ಇಲಾಖೆ ಮೈಲಿಗಲ್ಲನ್ನು ಸರಿಪಡಿಸಿದೆ. ಇದೀಗ ಕೊಲ್ಲೂರಿಗೆ 93 ಮತ್ತು ಭಟ್ಕಳಕ್ಕೆ 76 ಕಿ.ಮೀ ಎಂದು ಬರೆಯಲಾಗಿದೆ.