ಬೈಕ್ನಲ್ಲಿ ಹುಚ್ಚಾಟ ಮಾಡಿ ಪ್ರಾಣ ಕಳೆದುಕೊಂಡ ಸ್ನೇಹಿತರು – ತಿಂಗಳ ಹಿಂದೆಯಷ್ಟೇ ಬೈಕ್ ಕೊಡಿಸಿದ್ದ ತಂದೆ, ಅಪಘಾತದ ವೇಳೆ ಬೈಕ್ ಎಷ್ಟು ಸ್ಪೀಡ್ ಇತ್ತು ಗೊತ್ತಾ…!?
- ವೈರಲ್ ನ್ಯೂಸ್
- December 3, 2022
- No Comment
- 301
ನ್ಯೂಸ್ ಆ್ಯರೋ : ಅತೀ ವೇಗದ ಬೈಕ್ ಚಾಲನೆ ಹಾಗೂ ಸಾಹಸ ಮಾಡಲು ಹೋಗಿ ಗೆಳೆಯರಿಬ್ಬರು ಪ್ರಾಣ ಕಳೆದುಕೊಂಡಿರುವ ಘಟನೆ ಚೆನ್ನೈನ ತಾರಾಮಣಿ– ವೇಲಚೇರಿ ರಸ್ತೆಯಲ್ಲಿ ನಡೆದಿದೆ.
ಮೃತಪಟ್ಟ ಇಬ್ಬರು ಯುವಕರು ಕೂಡ ಕಾಲೇಜು ವಿದ್ಯಾರ್ಥಿಗಳಾಗಿದ್ದು, ತಿಂಗಳ ಹಿಂದೆಯಷ್ಟೇ ಪ್ರವೀಣ್ಗೆ ಅವರ ತಂದೆ ಹೊಸ ಬೈಕ್ನ್ನು ತೆಗೆಸಿಕೊಟ್ಟಿದ್ದರು. ಮೃತರನ್ನು ಪ್ರವೀಣ್ ಹಾಗೂ ಹರಿಹರನ್ ಎಂದು ಗುರುತಿಸಲಾಗಿದೆ.
ಪ್ರವೀನ್ ಬೈಕ್ನಲ್ಲಿ ಸಾಹಸ ಮಾಡಲು ಹೋಗಿ ಈ ಅವಘಡ ಸಂಭವಿಸಿದೆ. ಎಷ್ಟು ವೇಗವಾಗಿ ಬೈಕ್ ಓಡಿಸಿದ್ದೇವೆ ಎಂದು ತೋರಿಸಲು ಹಿಂಬದಿ ಕುಳಿತಿದ್ದ ಹರಿಹರನ್ ಮೊಬೈಲ್ನಲ್ಲಿ ವಿಡಿಯೋ ರೆಕಾರ್ಡ್ ಮಾಡಿದ್ದಾನೆ. ಈ ವೇಳೆ ವಾಹನಕ್ಕೆ ಆಗುವ ಅಪಘಾತವನ್ನು ತಪ್ಪಿಸಲು ಹೋಗಿ ಬೈಕ್ ಡಿವೈಡರ್ಗೆ ಗುದ್ದಿದೆ. ಅಪಘಾತದ ಭೀಕರತೆಗೆ ಇಬ್ಬರೂ ಸಾವನ್ನಪ್ಪಿದ್ದಾರೆ.
ಇನ್ನೂ ವಿಡಿಯೋದಲ್ಲಿ ಇವರಿಬ್ಬರೂ ಅತೀ ವೇಗದಿಂದ ಬೈಕ್ ಓಡಿಸಿರುವುದು ರೆಕಾರ್ಡ್ ಆಗಿದೆ. ಬೈಕ್ನಲ್ಲಿ ಹೊರಟಿದ್ದ ಇಬ್ಬರು ಯುವಕರಿಗೆ ಸ್ಪೀಡಾಗಿ ಬೈಕ್ನ್ನು ಓಡಿಸುವ ಕ್ರೇಜ್ ತಲೆಗೆ ಹತ್ತಿತ್ತು. ಬೈಕ್ನ ಆಕ್ಸಿಲೇಟರ್ 20ರಲ್ಲಿ ಏರೋಕೆ ಶುರುವಾಗಿದ್ದು ಮಾತ್ರ ನಿಂತಿದ್ದು 114ಕಿಲೋ ಮೀಟರ್ ವೇಗದ ಯಮನ ರೂಪದಲ್ಲಿ…!!
ಪೊಲೀಸರ ಪ್ರಾಥಮಿಕ ತನಿಖೆಯಲ್ಲಿ ಅತೀ ವೇಗವೇ ಅಪಘಾತಕ್ಕೆ ಕಾರಣ ಎಂದು ತಿಳಿದು ಬಂದಿದೆ. ಮೃತ ಹರಿಹರನ್ ರೆಕಾರ್ಡ್ ಮಾಡಿದ್ದ ವಿಡಿಯೋ ಆಧರಿಸಿ ಪೊಲೀಸರು ತನಿಖೆ ಆರಂಭಿಸಿದ್ದಾರೆ.