ಅಪರೂಪದ ವಿರಾಟ ರೂಪ ದರ್ಶನ ಮಾಡಿಸಿದ ಕಾಳಿಂಗ – ಬರೋಬ್ಬರಿ 6 ಅಡಿ ಎತ್ತರ ಹೆಡೆ ಎತ್ತಿದ ಕಿಂಗ್‌ಕೋಬ್ರಾ..!! ವಿಡಿಯೋ ನೋಡಿ…
- ವೈರಲ್ ನ್ಯೂಸ್
- March 3, 2023
- No Comment
- 200
ನ್ಯೂಸ್ ಆ್ಯರೋ : ಸಾಮಾನ್ಯವಾಗಿ ಕಾಳಿಂಗ ಸರ್ಪ ಬಹಳ ಉದ್ದನೆಯ ಹಾವು. ಇದು ಸರಾಸರಿ 3ರಿಂದ 4 ಮೀಟರ್‌ನಷ್ಟು ಉದ್ದವಿರುತ್ತದೆ. ನಾಗರಹಾವು ಸರಾಸರಿ ಉದ್ದ 1ರಿಂದ 2 ಮೀಟರ್ ಉದ್ದ ಇರುತ್ತದೆ.
ಕಾಳಿಂಗ ಸರ್ಪದ ಈ ವಿರಾಟ ರೂಪ ನೋಡಲು ಸಿಗುವುದು ಬಹಳ ಅಪರೂಪ. ಅಂತಹ ಅಪರೂಪದ ವಿಡಿಯೊವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.
ಕಾಳಿಂಗ ಸರ್ಪ ಈ ಹಾವು ಬರೋಬ್ಬರಿ 6 ಅಡಿಯಷ್ಟು ಎತ್ತರಕ್ಕೆ ತನ್ನ ಹೆಡೆ ಎತ್ತಿದೆ. ಅಷ್ಟೇ ಅಲ್ಲ ತನ್ನ ದೇಹದ ಮೂರನೇ ಒಂದು ಭಾಗವನ್ನ ಗಾಳಿಯಲ್ಲಿ ತೇಲಿಸುವ ಮೂಲಕ ಗಮನ ಸೆಳೆದಿದೆ. ಆಳೆತ್ತರಕ್ಕೆ ಹೆಡೆ ಎತ್ತಿ ನಿಂತ ಈ ವಿಡಿಯೋ ನಿಜಕ್ಕೂ ನೋಡುಗರ ಮೈ ಜುಮ್ಮೆನ್ನಿಸಿದೆ.
ಸೋಷಿಯಲ್ ಮೀಡಿಯಾದಲ್ಲಿ ಈ ಒಂದು ವಿಡಿಯೋ ಬಹಳಷ್ಟು ಅಚ್ಚರಿಗೆ ಕಾರಣವಾಗಿದೆ. ಇಂಡಿಯನ್ ಫಾರಿನ್ ಆಫೀಸರ್ ಸುಶಾಂತ ನಂದ ಅವರು ಈ ಹಾವಿನ ವಿಡಿಯೋವನ್ನು ಶೇರ್ ಮಾಡಿದ್ದಾರೆ. ಟ್ವಿಟರ್‌ನಲ್ಲಿ ಈ ವಿಡಿಯೋ ನೋಡಿದ ನೆಟ್ಟಿಗರು ಅದ್ಭುತ, ಅಮೋಘ ಹಾವಿನ ದರ್ಶನ ಎಂದು ಹೌಹಾರಿದ್ದಾರೆ. ಈ ಹಾವು ಎಲ್ಲಿ ಪತ್ತೆಯಾಗಿದೆ ಎಂಬುದರ ಕುರಿತು ಮಾಹಿತಿ ನೀಡಿಲ್ಲ.
