ಮಹಾ ಪ್ರಬಂಧವನ್ನು 20 ನಿಮಿಷದಲ್ಲಿ ಬರೆದು ಬಿಸಾಕಿದ CHAT GTP -ಕೃತಕ ಬುದ್ಧಿಮತ್ತೆಯ ಸಾಮರ್ಥ್ಯ ಕಂಡು ನಿಬ್ಬೆರಗಾದ ವಿಜ್ಞಾನಿಗಳು..!!

ಮಹಾ ಪ್ರಬಂಧವನ್ನು 20 ನಿಮಿಷದಲ್ಲಿ ಬರೆದು ಬಿಸಾಕಿದ CHAT GTP -ಕೃತಕ ಬುದ್ಧಿಮತ್ತೆಯ ಸಾಮರ್ಥ್ಯ ಕಂಡು ನಿಬ್ಬೆರಗಾದ ವಿಜ್ಞಾನಿಗಳು..!!

ನ್ಯೂಸ್ ಆ್ಯರೋ : ಚಾಟ್ ಜಿಟಿಪಿ ಎಂದು ಕರೆಯಲ್ಪಡುತ್ತಿರುವ ಚಾಟ್ ಬಾಟ್ ಬಳಕೆದಾರರ ಜತೆ ಲೋಕಾಭಿರಾಮ ಸಂಭಾಷಣೆ ಮಾಡುವ, ಅವರ ವಿವಿಧ ಪ್ರಶ್ನೆಗಳಿಗೆ ಕ್ಷಣ ಮಾತ್ರದಲ್ಲಿ ಉತ್ತರಿಸುತ್ತಾ ಮೋಡಿ ಮಾಡುತ್ತಿದೆ‌. ಕಠಿಣ ಪರೀಕ್ಷೆಗಳಲ್ಲೂ ಜನರನ್ನು‌ ಇದು ಪಾಸ್ ಮಾಡಿಸುತ್ತಿದೆ. ಈ ಮಿತಿಮೀರಿದ ಬುದ್ಧಿಶಕ್ತಿ, ಸಾಮರ್ಥ್ಯವನ್ನು ಕಂಡು ವಿಜ್ಞಾನಿಗಳು ಬೆರಗಾಗಿದ್ದಾರೆ. ಇದರ ದುರ್ಬಳಕೆಯಾಗುವ ಕಳವಳ ವ್ಯಕ್ತಪಡಿಸಿದ್ದಾರೆ. ಇದೀಗ ಈ ಕೃತಕ ಬುದ್ಧಿಮತ್ತೆಯ ಸಾಮರ್ಥ್ಯಕ್ಕೆ ಮತ್ತೊಂದು ನಿದರ್ಶನ ದೊರೆತಿದೆ‌.

ಬ್ರಿಸ್ಟಲ್ ಯೂನಿವರ್ಸಿಟಿಯ ಪದವೀಧರ ಪೀಟರ್ ಎಂಬವರು ಬ್ರಿಟನ್‌ನ ಕೇಂಬ್ರಿಡ್ಜ್ ನಲ್ಲಿ ಕೇಂದ್ರ ಕಚೇರಿ ಹೊಂದಿರುವ ರಸೆಲ್ ಗ್ರೂಪ್ ಯೂನಿವರ್ಸಿಟಿಯಲ್ಲಿ ಉನ್ನತ ವ್ಯಾಸಂಗ ಮಾಡುತ್ತಿದ್ದಾರೆ. ಇವರು ಇತ್ತೀಚೆಗೆ ಉನ್ನತಾಧಿಕಾರಿಗಳ ಅನುಮತಿಯ ಮೇರೆಗೆ ತಮ್ಮ ಶೈಕ್ಷಣಿಕ ಕಾರ್ಯದ ಭಾಗವಾಗಿ ‘ಸಾಮಾಜಿಕ ನೀತಿಯ’ ಬಗ್ಗೆ 2000 ಪದಗಳ ಪ್ರಬಂಧವನ್ನು ಬರೆಯಲು ಚಾಟ್ ಜಿಟಿಪಿಗೆ ಆದೇಸಿಸಿದ್ದರು.

20 ನಿಮಿಷದಲ್ಲಿ ಪ್ರಬಂಧ ಬರೆದ ಚಾಟ್ ಜಿಟಿಪಿ

ಪೀಟರ್ ಪ್ರಬಂಧ ಬರೆಯಲು ಚಾಟ್ ಜಿಟಿಪಿಗೆ ಆದೇಶಿಸಿದ್ದೇ ತಡ, ಕೇವಲ 20 ನಿಮಿಷದಲ್ಲಿ ಕೃತಕ ಬುದ್ಧಿಮತ್ತೆಯ ಚಾಟ್ ಬಾಟ್ ಸುದೀರ್ಘ ಪ್ರಬಂಧವನ್ನು ಬರೆದು ಬಿಸಾಕಿದೆ‌. ಸಾಮಾನ್ಯವಾಗಿ ಇಂತಹ ಪ್ರಬಂಧವನ್ನು ಬರೆಯಲು 3 ತಿಂಗಳ ಅಧ್ಯಯನದ ಅವಶ್ಯಕತೆಯಿದೆ. ಪೀಟರ್ ಇದನ್ನು ಅಧ್ಯಾಪಕರಿಗೆ ತೋರಿಸಿ ಮೌಲ್ಯಮಾಪನ ಮಾಡುವಂತೆ ಕೇಳಿದರು‌. ಅಧ್ಯಾಪಕರು ಇದಕ್ಕೆ 100ಕ್ಕೆ 53 ಅಂಕಗಳನ್ನು‌ ನೀಡುವುದಾಗಿ ಘೋಷಿಸಿದ್ದರು. ಇದೀಗ ಕೃತಕ ಬುದ್ಧಿಮತ್ತೆಯ ಸಾಮರ್ಥ್ಯವನ್ನು ಕಂಡು ಎಲ್ಲರೂ ಬೆಕ್ಕಸ ಬೆರಗಾಗಿದ್ದಾರೆ.

ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ ಅಧ್ಯಾಪಕರು, ‘ ಪ್ರಬಂಧ ಸಂಶಯಾಸ್ಪದವಾಗಿತ್ತು. ವಿಷಯ ವಿಶ್ಲೇಷಣೆಯಲ್ಲಿ ಅಷ್ಟೊಂದು ಆಳವಿರಲಿಲ್ಲ. ಬೌದ್ಧಿಕ ವಿಶ್ಲೇಷಣೆಯ ಅಗತ್ಯವಿರುತ್ತದೆ. ಆದರೆ ಚಾಟ್ ಜಿಟಿಪಿಯ ಪ್ರಬಂಧದಲ್ಲಿ ಅದು ಇರಲಿಲ್ಲ. ಸೋಮಾರಿ ವಿದ್ಯಾರ್ಥಿಗಳ ಕಿಲಾಡಿತನವನ್ನು ಇದು ಜಾಹೀರಾತುಪಡಿಸುತ್ತದೆ’ ಎಂದಿದ್ದಾರೆ.

ತೀವ್ರ ಸ್ಪರ್ಧೆಯ ನಡುವೆ ಆತಂಕ!
ಮೈಕ್ರೋಸಾಫ್ಟ್ ಅಭಿವೃದ್ದಿಪಡಿಸಿದ ಇಂತಹ ಕೃತಕ ಬುದ್ಧಿಮತ್ತೆ ಚಾಟ್ ಜಿಟಿಪಿಗೆ ಸ್ಪರ್ಧೆ ನೀಡುವಂತಹ ‘ಚಾಟ್ ಬಾಟ್ ಬಾರ್ಡ್’ ಅನ್ನು ಗೂಗಲ್ ಈಗಾಗಲೇ ಬಿಡುಗಡೆ ಮಾಡಿದೆ. ಇಂತಹ ಪೈಪೋಟಿಯ ನಡುವೆ, ಚಾಟ್ ಬೋಟ್ ಗಳು ಮುಂದಿನ ದಿನಗಳಲ್ಲಿ ಇನ್ನಷ್ಟು ಸುಧಾರಿತ ರೂಪದಲ್ಲಿ ಕಾಣಿಸಿಕೊಂಡರೆ ವಿದ್ಯಾರ್ಥಿಗಳು ತಮ್ಮ ಪ್ರಬಂಧಗಳನ್ನು ಭರ್ಜರಿಯಾಗಿಯೇ ಬರೆಯಬಹುದು. ಜೊತೆಗೆ‌ ಇದರಿಂದಾಗಿ ಪರೀಕ್ಷೆಗಳಲ್ಲಿ ನಕಲು ಮಾಡಲು ಇದು ನೆರವಾಗಬಹುದು ಎಂದು ವಿಜ್ಞಾನಿಗಳು ಆತಂಕ ವ್ಯಕ್ತಪಡಿಸಿದ್ದಾರೆ.

Related post

ದಿನ‌ ಭವಿಷ್ಯ 21-05-2024 ಮಂಗಳವಾರ| ಇಂದಿನ ರಾಶಿಫಲ ಹೀಗಿದೆ..

ದಿನ‌ ಭವಿಷ್ಯ 21-05-2024 ಮಂಗಳವಾರ| ಇಂದಿನ ರಾಶಿಫಲ ಹೀಗಿದೆ..

ಮೇಷಸಂತೃಪ್ತಿಯ ಜೀವನಕ್ಕಾಗಿ ನಿಮ್ಮ ಮಾನಸಿಕ ದೃಢತೆಯನ್ನು ಸುಧಾರಿಸಿ. ನೀವು ಇಂದು ಗಣನೀಯ ಪ್ರಮಾಣದ ಹಣವನ್ನು ಸಹ ಹೊಂದಿರುತ್ತೀರಿ ಮತ್ತು ಅದರೊಂದಿಗೆ ಮನಸ್ಸಿನ ಶಾಂತಿ ಇರುತ್ತದೆ. ಸ್ನೇಹಿತರು ಸಂತೋಷದ ಸಂಜೆಗಾಗಿ…
ಚಿಕ್ಕಮಗಳೂರಿನಲ್ಲೊಂದು ಮಂತ್ರ ಮಾಂಗಲ್ಯ; 25 ವರ್ಷ ಪ್ರೀತಿಯಲ್ಲಿದ್ದ ಜೋಡಿಗೆ ಮಾನವ ಮಂಟಪದಲ್ಲಿ ಮದುವೆ

ಚಿಕ್ಕಮಗಳೂರಿನಲ್ಲೊಂದು ಮಂತ್ರ ಮಾಂಗಲ್ಯ; 25 ವರ್ಷ ಪ್ರೀತಿಯಲ್ಲಿದ್ದ ಜೋಡಿಗೆ ಮಾನವ ಮಂಟಪದಲ್ಲಿ…

ನ್ಯೂಸ್ ಆರೋ: ಬರೋಬ್ಬರಿ 25 ವರ್ಷಗಳಿಂದ ಪ್ರೀತಿಸುತ್ತಿದ್ದ ಜೋಡಿಯೊಂದು ಮಂತ್ರ ಮಾಂಗಲ್ಯ ಮೂಲಕ ಮದುವೆಯಾಗುವ ಮೂಲಕ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿರುವ ಅಪರೂಪದ ಘಟನೆ ತುಮಕೂರಲ್ಲಿ ನಡೆದಿದೆ. ಹೌದು ಜನಾಂದೋಲನದಲ್ಲಿ…
ಪನೀರ್​ ಬಿರಿಯಾನಿ ಆರ್ಡರ್​ ಮಾಡಿದ್ರೆ, ಅದರ ಜೊತೆಗೆ ಚಿಕನ್​ ಕೂಡ ಬಂತು! ಏನಿದು ವಿಷಯ?

ಪನೀರ್​ ಬಿರಿಯಾನಿ ಆರ್ಡರ್​ ಮಾಡಿದ್ರೆ, ಅದರ ಜೊತೆಗೆ ಚಿಕನ್​ ಕೂಡ ಬಂತು!…

ನ್ಯೂಸ್ ಆರೋ: ಎಷ್ಟೋ ಬಾರಿ ನಾವು ಈ ಹೊಟೇಲ್ ಗಳಿಗೆ ಹೋದಾಗ, ಅಲ್ಲಿ ಜನರು ವೆಜ್ ಮಂಚೂರಿಯನ್ನು ಆರ್ಡರ್ ಮಾಡಿದರೆ ಚಿಕನ್ ಮಂಚೂರಿ ತಂದು ಟೇಬಲ್ ಮೇಲೆ ಇಟ್ಟಿರುವ…

Leave a Reply

Your email address will not be published. Required fields are marked *