‘ಇಸ್ರೇಲ್ ಟ್ರಾವೆಲ್ಸ್’ನಿಂದ ‘ಜೆರುಸಲೆಂ’: ಮಂಗಳೂರಿನಲ್ಲಿ ಚರ್ಚೆಗೆ ಕಾರಣವಾಯ್ತು ಬಸ್ ಹೆಸರು
ನ್ಯೂಸ್ ಆ್ಯರೋ: ಖಾಸಗಿ ಬಸ್ನ ಹೆಸರನ್ನು ‘ಇಸ್ರೇಲ್ ಟ್ರಾವೆಲ್ಸ್’ನಿಂದ ‘ಜೆರುಸಲೆಂ’ ಎಂದು ಬದಲಾಯಿಸಲು ಒತ್ತಾಯಿಸಿದ ಘಟನೆ ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ನಡೆದಿದೆ.
ಇಸ್ರೇಲ್ನ ಪ್ರತಿಸ್ಪರ್ಧಿಯಾದ ಇರಾನ್ ಮತ್ತು ಪಾಲೆಸ್ತೀನ್ ನಡುವೆ ಭೌಗೋಳಿಕ ಮತ್ತು ರಾಜಕೀಯ ಉದ್ವಿಗ್ನತೆ ನಡೆಯುತ್ತಿದೆ . ಹೀಗಿರುವಾಗ ಭಾರತದಲ್ಲಿ ಈ ಕುರಿತಾಗಿ ಪರ-ವಿರೋಧ ಚರ್ಚೆ ನಡೆಯುತ್ತಿದೆ. ಸಾಮಾಜಿಕ ಜಾಲತಾಣದಲ್ಲೂ ಈ ಕುರಿತಾಗಿ ಪೋಸ್ಟ್ ಹಂಚಿಕೊಳ್ಳುತ್ತಿದ್ದಾರೆ.
ಇಂತಹ ಸಮಯದಲ್ಲಿ ಮೂಡಬಿದಿರೆ-ಕಿನ್ನಿಗೋಳಿ-ಮುಲ್ಕಿ ಮಾರ್ಗದಲ್ಲಿ ಚಲಿಸುವ ಖಾಸಗಿ ಬಸ್ನ ಹೆಸರು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ‘ಇಸ್ರೇಲ್ ಟ್ರಾವೆಲ್ಸ್’ ಎಂಬ ಹೆಸರನ್ನು ನೋಡಿ ಅನೇಕರು ಸಾಮಾಜಿಕ ಜಾಲತಾಣದಲ್ಲಿ ‘ಜೆರುಸಲೆಂ’ ಎಂದು ಬದಲಾಯಿಸಿ ಎಂದು ಒತ್ತಾಯಿಸಿದ್ದಾರೆ. ಮಾತ್ರವಲ್ಲದೆ ಈ ಕುರಿತಾಗಿ ಪ್ರಕರಣ ದಾಖಲಿಸುವಂತೆ ಪೊಲೀಸರನ್ನು ಕೇಳಿದ್ದಾರೆ.
ಬಸ್ ಮಾಲಕರಾದ ಲೆಸ್ಟರ್ ಕಟೀಲ್ ಈ ಕುರಿತಾಗಿ ಮಾತನಾಡಿದ್ದಾರೆ. ‘12 ವರ್ಷದಿಂದ ನಾನು ಇಸ್ರೇಲ್ನಲ್ಲಿ ಕೆಲಸ ಮಾಡಿದ್ದೇನೆ. ಹೀಗಾಗಿ ಟ್ರಾವೆಲ್ ಏಜೆನ್ಸಿಗೆ ನಾನು ಇಸ್ರೇಲ್ ಎಂದು ಹೆಸರಿಟ್ಟಿದ್ದೇನೆ. ನಾನು ಇಸ್ರೇಲ್ನಲ್ಲಿ ಇದ್ದಾಗ ಹಲವು ಕೆಲಸ ಮಾಡಿದ್ದೇನೆ. ನಾನು ನನ್ನ ಟ್ರಾವೆಲ್ ಏಜೆನ್ಸಿ ಪ್ರಾರಂಭಿಸಿದಾಗ ಅದಕ್ಕೆ ಇಸ್ರೇಲ್ ಎಂದು ಹೆಸರಿಡಲು ಯೋಚಿಸಿದೆ. ಆದರೆ ಕೆಲವು ವರ್ಗದವರು ಇದನ್ನು ವಿರೋಧಿಸಿರೋದು ನನಗೆ ತಿಳಿದಿಲ್ಲ. ನನಗೆ ಉದ್ಯೋಗ ನೀಡಿದ ದೇಶವನ್ನು ಗೌರವಿಸಿ ಹೆಸರಿಟ್ಟಿದ್ದೇನೆ’ ಎಂದು ಹೇಳಿದ್ದಾರೆ.
ಲೆಸ್ಟರ್ ಕಟೀಲ್ ಸದ್ಯ ತಮ್ಮ ಬಸ್ನ ಹೆಸರು ಬದಲಾಯಿಸಿದ್ದಾರೆ. ‘ಇಸ್ರೇಲ್ ಟ್ರಾವೆಲ್ಸ್’ನಿಂದ ‘ಜೆರಿಸೇಲಂ’ ಎಂದು ಹೊಸದಾಗಿ ಹೆಸರಿಟ್ಟಿದ್ದಾರೆ.ಪೊಲೀಸರು ಯಾವುದೇ ಆಕ್ಷೇಪಣೆ ವ್ಯಕ್ತಪಡಿಸಿಲ್ಲ. ಆದರೆ ಸಮಸ್ಯೆ ಆಗಬಾರದೆಂದು ಹೆಸರು ಬದಲಾಯಿಸಿದ್ದೇನೆ’ ಎಂದು ಹೇಳಿದ್ದಾರೆ.
Leave a Comment