ಭಾರತದಲ್ಲಿ ಇರುವ ಒಟ್ಟು ಹಿಂದೂ ದೇವಾಲಯಗಳು ಎಷ್ಟು ಗೊತ್ತಾ…!? – ಅತೀ ಕಡಿಮೆ ದೇವಾಲಯ ಇರೋ ರಾಜ್ಯ ಯಾವುದು?

ಭಾರತದಲ್ಲಿ ಇರುವ ಒಟ್ಟು ಹಿಂದೂ ದೇವಾಲಯಗಳು ಎಷ್ಟು ಗೊತ್ತಾ…!? – ಅತೀ ಕಡಿಮೆ ದೇವಾಲಯ ಇರೋ ರಾಜ್ಯ ಯಾವುದು?

ನ್ಯೂಸ್ ಆ್ಯರೋ : ಭಾರತ ಅತ್ಯಂತ ಪ್ರಾಚೀನ ನಾಗರಿಕತೆ, ಭವ್ಯ ಸಂಸ್ಕೃತಿ, ಪಾರಂಪರಿಕ ಇತಿಹಾಸವಿರುವ ದೇಶ. ಸಾವಿರಾರು ವರ್ಷಗಳಿಂದಲೂ ಹಿಂದು ಸಂಸ್ಕೃತಿ ಈ ದೇಶದಲ್ಲಿ ಗಟ್ಟಿಯಾಗಿ ನೆಲೆಯೂರಿ ನಿಂತಿದೆ. ಹಿಂದುಗಳೇ ಬಹುಸಂಖ್ಯಾತರಾಗಿರುವ ಭಾರತದಲ್ಲಿ , ಮುಕ್ಕೋಟಿ ದೇವಾನುದೇವತೆಗಳ ಕಲ್ಪನೆಯಿದೆ. ಹಾಗೆಯೇ ವಿವಿಧ ರೀತಿಯ ಪೂಜೆ ಪುನಸ್ಕಾರಗಳು ನಿತ್ಯ ನಡೆಯುತ್ತಲೇ ಇರುತ್ತದೆ.

ಭಾರತದಲ್ಲಿ ನಾಗರಿಕತೆ ಹುಟ್ಟಿಕೊಂಡಾಗಿನಿಂದಲೂ ಇಲ್ಲಿ ಆರಾಧನೆಗಳು ನಡೆಯುತ್ತಿವೆ ಎಂಬುದಕ್ಕೆ ಸಾಕಷ್ಟು ಪುರಾವೆಗಳು ದೊರೆತಿವೆ. ಈ ದೇಶವನ್ನಾಳಿದ‌ ಎಲ್ಲಾ ರಾಜ ಮನೆತನಗಳೂ ಕೂಡ ನೂರಾರು ದೇಗುಲಗಳನ್ನು ನಿರ್ಮಿಸಿ ಧರ್ಮ ಸಾಕ್ಷಾತ್ಕಾರಕ್ಕೆ ಕೊಡುಗೆ ನೀಡಿವೆ. ಅತ್ಯಂತ ಪ್ರಾಚೀನ, ಜಗತ್ಪ್ರಸಿದ್ಧ ದೇಗುಲಗಳಿರುವ ಈ ದೇಶದಲ್ಲಿ ಒಟ್ಟಾರೆಯಾಗಿ ಎಷ್ಟು ದೇಗುಲಗಳಿವೆ, ಹೆಚ್ಚಿನ‌ ದೇಗುಲಗಳು ಯಾವ ರಾಜ್ಯದಲದಲಿರಬಹುದು, ಕಡಿಮೆ ದೇಗುಲವಿರುವ ರಾಜ್ಯ ಯಾವುದು ಎಂಬ ಪ್ರಶ್ನೆಗಳು ಒಮ್ಮೆಯಾದರು ನಿಮ್ಮನ್ನು ಕಾಡದಿರದು. ಆ ಎಲ್ಲಾ ಪ್ರಶ್ನೆಗಳಿಗೆ ಇಲ್ಲಿ ಉತ್ತರವಿದೆ.

ವರದಿಯೊಂದರ ಪ್ರಕಾರ, ಭಾರತದಲ್ಲಿ ಒಟ್ಟಾರೆಯಾಗಿ ಸುಮಾರು 6.48 ಲಕ್ಷ ದೇವಸ್ಥಾನಗಳಿವೆ. ಹಾಗೆಯೇ, ಅತ್ಯಂತ ಹೆಚ್ಚು ದೇವಸ್ಥಾನಗಳಿರುವುದು ನೆರೆಯ ರಾಜ್ಯ ತಮಿಳುನಾಡಿನಲ್ಲಿ. ತಮಿಳುನಾಡಿನ‌ ನಾಗರಿಕತೆ, ಸಂಸ್ಕೃತಿಗೆ ಸರಿಸುಮಾರು 5000 ವರ್ಷಗಳ ಇತಿಹಾಸವಿದ್ದು, 79,154 ದೇವಸ್ಥಾನಗಳಿವೆ.

ಇನ್ನು ಮಹಾರಾಷ್ಟ್ರದಲ್ಲಿ 77,283 ಹಿಂದು ದೇಗುಲಗಳಿದ್ದು, ಈ ರಾಜ್ಯ ಅತೀ ಹೆಚ್ಚು ದೇವಸ್ಥಾನಗಳಿರುವ ಎರಡನೇ ರಾಜ್ಯ ಎಂಬ ಖ್ಯಾತಿಗೆ ಪಾತ್ರವಾಗಿದೆ.

ಕರ್ನಾಟಕ ಎಷ್ಟನೇ ಸ್ಥಾನದಲ್ಲಿದೆ ಗೊತ್ತಾ?

ಇತಿಹಾಸ, ನಾಗರಿಕತೆ, ಮಹೋನ್ನತ ಸಂಸ್ಕೃತಿಯ ವಿಚಾರದಲ್ಲಿ ಕರ್ನಾಟಕ ರಾಜ್ಯವೂ ಹಿಂದೆ ಬಿದ್ದಿಲ್ಲ. ಕೋಟ್ಯಾಂತರ ಹಿಂದು ಧರ್ಮ ಪಾಲಕರಿರುವ ಈ ರಾಜ್ಯದಲ್ಲೂ ಸಾಕಷ್ಟು ದೇಗುಲಗಳಿದ್ದು ಅತೀ ಹೆಚ್ಚು ದೇವಾಲಯಗಳಿರುವ ಮೂರನೇ ರಾಜ್ಯ ಎಂಬ ಹಿರಿಮೆಗೆ ಕರ್ನಾಟಕ ಹಾಗೂ ಪಶ್ಚಿಮದ ಬಂಗಾಳ ಪಾತ್ರವಾಗಿದೆ.

ಇನ್ನೂ, ಅತ್ಯಂತ‌ ಕಡಿಮೆ ದೇಗುಲಗಳಿರುವ ರಾಜ್ಯ ಮಿಜೊರಾಂ ಆಗಿದ್ದು ಇಲ್ಲಿ ಕೇವಲ 32 ಹಿಂದು ದೇವಸ್ಥಾನಗಳಿವೆ. ವರದಿಯ ಪ್ರಕಾರ, ಭಾರತದ 1 ಲಕ್ಷ ಜನರಿಗೆ 53 ದೇವಾಲಯಗಳಿವೆ ಎಂಬ ಮಾಹಿತಿ ದೊರೆತಿದೆ. ಒಟ್ಟಾರೆ ಹೇಳುವುದಾದರೆ ಭಾರತದಲ್ಲಿ ಪ್ರತಿರಾಜ್ಯದಲ್ಲಿ ಪ್ರತಿ 1 ಲಕ್ಷ ಜನಸಂಖ್ಯೆಗೆ 53 ಹಿಂದು ದೇವಸ್ಥಾನಗಳಿವೆ ಎಂದು ಇಂಡಿಯಾ ಇನ್​ ಪಿಕ್ಸೆಲ್ಸ್ ತಿಳಿಸಿದೆ.

Related post

ದಿನ‌ ಭವಿಷ್ಯ 15-04-2024 ಸೋಮವಾರ| ಇಂದಿನ ರಾಶಿಫಲ ಹೀಗಿದೆ..

ದಿನ‌ ಭವಿಷ್ಯ 15-04-2024 ಸೋಮವಾರ| ಇಂದಿನ ರಾಶಿಫಲ ಹೀಗಿದೆ..

ಮೇಷನಿಮ್ಮ ದಯಾಳು ಪ್ರಕೃತಿ ಇಂದು ಅನೇಕ ಸಂತೋಷದ ಕ್ಷಣಗಳನ್ನು ತರುತ್ತದೆ. ಲೋನ್ ತೆಗೆದುಕೊಂಡಿರುವ ಜನರಿಗೆ ಲೋನ್ ನ ಮೊತ್ತವನ್ನು ಮರುಪಾವತಿಸುವಲ್ಲಿ ತೊಂದರೆಗಳು ಉಂಟಾಗಬಹುದು. ಮನೆಯಲ್ಲಿ ನಿಮ್ಮ ಮಕ್ಕಳು ಅತಿಶಯೋಕ್ತಿಯಿರುವ…
ದಿನ‌ ಭವಿಷ್ಯ 14-04-2024 ಭಾನುವಾರ| ಇಂದಿನ ರಾಶಿಫಲ ಹೀಗಿದೆ..

ದಿನ‌ ಭವಿಷ್ಯ 14-04-2024 ಭಾನುವಾರ| ಇಂದಿನ ರಾಶಿಫಲ ಹೀಗಿದೆ..

ಮೇಷನೀವು ಧೀರ್ಘಕಾಲೀನ ಅನಾರೋಗ್ಯದಿಂದ ಬಳಲಬಹುದು. ಇಂದು ಯಾವುದೇ ಸಹಾಯವಿಲ್ಲದೆ, ನೀವು ಹಣವನ್ನು ಗಳಿಸುವಲ್ಲಿ ಸಾಮರ್ತ್ಯರಾಗಿರುತ್ತೀರಿ. ಯಾರಾದರೂ ನಿಮಗೆ ಹಾನಿ ಮಾಡಲು ಪ್ರಯತ್ನಿಸಬಹುದು – ಬಲವಾದ ಶಕ್ತಿಗಳು ನಿಮ್ಮ ವಿರುದ್ಧ…
ರಾಮೇಶ್ವರ ಕೆಫೆ ಬಾಂಬ್ ಸ್ಫೋಟ ಪ್ರಕರಣ – ಇಬ್ಬರು ಬಂಧಿತ ಉಗ್ರರನ್ನು ಬೆಂಗಳೂರಿಗೆ ಕರೆತಂದ NIA ಅಧಿಕಾರಿಗಳು

ರಾಮೇಶ್ವರ ಕೆಫೆ ಬಾಂಬ್ ಸ್ಫೋಟ ಪ್ರಕರಣ – ಇಬ್ಬರು ಬಂಧಿತ ಉಗ್ರರನ್ನು…

ನ್ಯೂಸ್ ಆ್ಯರೋ : ರಾಮೇಶ್ವರಂ ಕೆಫೆ ಬಾಂಬ್ ಬ್ಲಾಸ್ಟ್ ಪ್ರಕರಣಕ್ಕೆ ಸಂಬಂಧಿಸಿದಂತೆ ಇಬ್ಬರು ಉಗ್ರರನ್ನು NIA ಅಧಿಕಾರಿಗಳು ಬೆಂಗಳೂರಿಗೆ ಕರೆತಂದಿದ್ದಾರೆ. ಅಬ್ದುಲ್ ಮತೀನ್ ತಾಹಾ ಹಾಗೂ ಮುಜಾವಿರ್ ಹುಸೇನ್…

Leave a Reply

Your email address will not be published. Required fields are marked *