ಪಾಕ್ ಮಹಿಳೆಯಿಂದ ಹನಿಟ್ರ್ಯಾಪ್ – ದೇಶದ ಭದ್ರತೆಯ ವಿವರ ಹಂಚಿಕೊಂಡ DRDO ಅಧಿಕಾರಿಯ ಬಂಧನ
- ರಾಷ್ಟ್ರೀಯ ಸುದ್ದಿ
- February 25, 2023
- No Comment
- 146
ನ್ಯೂಸ್ ಆ್ಯರೋ : ಪಾಕ್ ಮಹಿಳೆಯಿಂದ ಹನಿ ಟ್ರ್ಯಾಪ್ ಗೆ ಒಳಗಾಗಿ ದೇಶದ ಭದ್ರತೆಯ ವಿಚಾರಗಳನ್ನು ಹಂಚಿಕೊಂಡಿದ್ದಲ್ಲದೇ, ಆತ್ಮೀಯವಾಗಿದ್ದ ಆರೋಪದ ಕಾರಣಕ್ಕಾಗಿ DRDO ದ ಹಿರಿಯ ತಾಂತ್ರಿಕ ಅಧಿಕಾರಿಯೊಬ್ಬರನ್ನು ಬಂಧಿಸಲಾಗಿದೆ.
ಬಾಲಸೋರ್ ಪೊಲೀಸರು ಶುಕ್ರವಾರ ಈ ಅಧಿಕಾರಿಯನ್ನ ಬಂಧಿಸಿದ್ದು, ಈತ ಕಳೆದ ಒಂದು ವರ್ಷದಿಂದ ಪಾಕಿಸ್ತಾನಿ ಮಹಿಳೆಯೊಂದಿಗೆ ಸಂಬಂಧ ಹೊಂದಿದ್ದ ಎನ್ನಲಾಗಿದೆ.
ಪಾಕ್ ಮಹಿಳೆಯ ಹನಿ ಟ್ರ್ಯಾಪ್ ನಲ್ಲಿ ಸಿಕ್ಕಿಬಿದ್ದ ನಂತರ, ತನ್ನ ಬೆತ್ತಲೆ ಚಿತ್ರಗಳು ಮತ್ತು ವೀಡಿಯೊಗಳು, ದೇಶದ ಭದ್ರತೆಯ ಎಲ್ಲಾ ಪ್ರಮುಖ ಮಾಹಿತಿಯನ್ನ ಶತ್ರು ದೇಶದ ಮಹಿಳೆಗೆ ಕಳುಹಿಸುತ್ತಿದ್ದ ಎಂಬ ಆರೋಪವಿದೆ.
ಬಾಲಸೋರ್ ಜಿಲ್ಲೆಯ ಚಂಡಿಪುರದಲ್ಲಿರುವ ಡಿಆರ್ಡಿಒದ ಇಂಟಿಗ್ರೇಟೆಡ್ ಟೆಸ್ಟ್ ರೇಂಜ್ ನಲ್ಲಿ ತಾಂತ್ರಿಕ ಅಧಿಕಾರಿಯನ್ನು ನೇಮಿಸಲಾಗಿದೆ ಎಂದು ಐಜಿ (ಪೂರ್ವ ರೇಂಜ್) ಹಿಮಂಗ್ಸು ಲಾಲ್ ಹೇಳಿದ್ದಾರೆ. ಈತ ಒಂದು ವರ್ಷದ ಹಿಂದೆ ಪಾಕಿಸ್ತಾನಿ ಮಹಿಳೆಯೊಂದಿಗೆ ಸಂಪರ್ಕಕ್ಕೆ ಬಂದಿದ್ದ. ನಂತ್ರ ಆ ಮಹಿಳೆಯೊಂದಿಗೆ ಸಂಬಂಧವನ್ನ ಬೆಳೆಸಿದ್ದ. ಆತನ ಕೃತ್ಯ ಬೆಳಕಿಗೆ ಬಂದ ಹಿನ್ನೆಲೆಯಲ್ಲಿ ಆತನನ್ನು ಬಂಧಿಸಲಾಗಿದೆ ಎಂದು ಅವರು ವಿವರಿಸಿದ್ದಾರೆ.