ಉಡುಪಿ : ನಾಗರ ಪಂಚಮಿ ಹಿನ್ನೆಲೆ, ಕಾಪು ಮಜೂರಿನಲ್ಲಿ ನೈಜ ನಾಗನಿಗೆ ಆರತಿ, ಅಭಿಷೇಕ – ಕರಾವಳಿಯಾದ್ಯಂತ ನಾಗಾರಾಧನೆಯ ಸಂಭ್ರಮ

ನ್ಯೂಸ್ ಆ್ಯರೋ : ಕರಾವಳಿಯಾದ್ಯಂತ ಇಂದು ನಾಗರಪಂಚಮಿ ಸಂಭ್ರಮ ನೆಲೆಸಿದ್ದು, ಭಕ್ತಾದಿಗಳು ತಮ್ಮ ಮೂಲ ನಾಗಬನಗಳಿಗೆ ತೆರಳಿ ನಾಗದೇವರಿಗೆ ಪೂಜೆ ಸಲ್ಲಿಸುತ್ತಿದ್ದಾರೆ.

ಕಾಪುವಿನ ಮಜೂರು ನಿವಾಸಿ ಗೋವರ್ಧನ್ ರಾವ್ ರವರು ಮಾತ್ರ ಪ್ರತಿ ವರ್ಷದಂತೆ ಈ ವರ್ಷವೂ ದಿಟ ನಾಗನಿಗೆ ಅಭಿಷೇಕ ನೆರವೇರಿಸಿದ್ದಾರೆ.

ಗಾಯಗೊಂಡ ನಾಗರ ಹಾವನ್ನು ರಕ್ಷಿಸಿ, ಚಿಕಿತ್ಸೆ ನೀಡುವ ಕಾರ್ಯ ಮಾಡುತ್ತಿರುವ ಗೋವರ್ಧನ್ ರಾವ್ ಅವರು ಇಂದು ನಾಗರಪಂಚಮಿ ಹಿನ್ನಲೆಯಲ್ಲಿ ಮನೆಯಲ್ಲಿರುವ ನಾಲ್ಕು ನಾಗರಹಾವಿಗೆ ಪೂಜೆ ಸಲ್ಲಿಸಿದ್ದಾರೆ.

ಗೋವರ್ಧನ್ ರಾವ್ ಅವರು ಕಳೆದ ಹಲವು ವರ್ಷಗಳಿಂದ ನಾಗರ ಹಾವಿನ ಸಂರಕ್ಷಣೆಯಲ್ಲಿ ತೊಡಗಿದ್ದು, ಆರತಿ ಎತ್ತಿ ಜಲಾಭಿಷೇಕ, ಬೊಂಡಾಭಿಷೇಕದ ಮೂಲಕ ಪೂಜೆ ಸಲ್ಲಿಕೆ ಮಾಡಿದ್ದಾರೆ.