ಯುಪಿಐ ಮೂಲಕ ಎಷ್ಟು ಹಣ ಕಳಿಸಬಹುದು ಗೊತ್ತಾ? – ಗೂಗಲ್ ಪೇಯಲ್ಲಿ ಬ್ಯಾಂಕ್‌ಗಳ ಪೇಮೆಂಟ್ ಮಿತಿ ಇಲ್ಲಿದೆ..

ನ್ಯೂಸ್‌ ಆ್ಯರೋ : ಆನ್‌ಲೈನ್‌ ವ್ಯವಹಾರಗಳು ಜನರ ಜೀವನವನ್ನು ಸುಲಭಗೊಳಿಸಿದೆ. ದೊಡ್ಡ ಮೊತ್ತದ ನಗದು ಇಲ್ಲದೆ ಮೊಬೈಲ್ ಮೂಲಕ ಜನರು ಸುಲಭವಾಗಿ ಯಾರಿಗಾದರೂ ಪಾವತಿಸಬಹುದು. ಆದರೆ, ಯುಪಿಐ ಮೂಲಕ ಪಾವತಿಯ ಮಿತಿ ಏನು ಎಂಬ ಪ್ರಶ್ನೆಗೆ ಇಲ್ಲಿ ಉತ್ತರವಿದೆ.

ಯುಪಿಐ ಎಂದರೇನು?

ನ್ಯಾಷನಲ್ ಪೇಮೆಂಟ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾ ಪ್ರಕಾರ ಯೂನಿಫೈಡ್ ಪೇಮೆಂಟ್ಸ್ ಇಂಟರ್ಫೇಸ್ ಎನ್ನುವುದು ಗ್ರಾಹಕರು ಬಹು ಬ್ಯಾಂಕಿಂಗ್ ಖಾತೆಗಳನ್ನು ಒಂದೇ ಮೊಬೈಲ್ ಅಪ್ಲಿಕೇಶನ್ ಮೂಲಕ ಸುಲಭವಾಗಿ ಲಿಂಕ್ ಮಾಡುವ ವ್ಯವಸ್ಥೆಯಾಗಿದೆ. ಇದರ ದೊಡ್ಡ ವೈಶಿಷ್ಟ್ಯವೆಂದರೆ ಗ್ರಾಹಕರು ಯಾರಿಗೆ ಹಣವನ್ನು ಕಳುಹಿಸಬೇಕು. ಅವರ ಸಂಖ್ಯೆಯನ್ನು ನಮೂದಿಸಿ ಮತ್ತು ಯುಪಿಐ ಪಿನ್ ಅನ್ನು ನಮೂದಿಸುವ ಮೂಲಕ ಸುಲಭವಾಗಿ ಹಣವನ್ನು ಕಳುಹಿಸಬಹುದು.

ಯುಪಿಐ ಮೂಲಕ ಯಾವುದೇ ವ್ಯಕ್ತಿ ತನ್ನ ಖಾತೆಯಿಂದ ಒಂದು ದಿನದಲ್ಲಿ ಗರಿಷ್ಠ ಒಂದು ಲಕ್ಷ ರೂಪಾಯಿಗಳನ್ನು ಕಳುಹಿಸಬಹುದು. ಆದಾಗ್ಯೂ ಮಿತಿಯು ಬ್ಯಾಂಕಿನಿಂದ ಬ್ಯಾಂಗ್‌ಗೆ ಬದಲಾಗುತ್ತದೆ. ಗೂಗಲ್‌ ಪೇ ದೇಶದ ಪ್ರಮುಖ ಬ್ಯಾಂಕ್‌ಗಳ ಯುಪಿಐ ಮಿತಿಗಳ ಸಂಪೂರ್ಣ ಪಟ್ಟಿಯನ್ನು ಬಿಡುಗಡೆ ಮಾಡಿದೆ.

ಗೂಗಲ್ ಪೇಯಲ್ಲಿ ಬ್ಯಾಂಕ್‌ಗಳ ಯುಪಿಐ ಪೇಮೆಂಟ್ ಮಿತಿ

• ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ ಬಳಕೆದಾರರಿಗೆ ಯುಪಿಐ ಮೂಲಕ ₹ 1 ಲಕ್ಷ ಮಿತಿ.
• ಎಚ್‌ಡಿಎಫ್‌ಸಿ ಬಳಕೆದಾರರು ಸಹ ಯುಪಿಐ ಮೂಲಕ ₹1 ಲಕ್ಷ ರೂಗಳ ಮಿತಿ. ಹೊಸ ಗ್ರಾಹಕರಿಗೆ ಈ ಮಿತಿ ₹ 5000.
• ಐಸಿಐಸಿಐ ಬ್ಯಾಂಕ್ ಗ್ರಾಹಕರು ₹10,000 ವರೆಗೆ ಯುಪಿಐ ವಹಿವಾಟುಗಳನ್ನು ಮಾಡಬಹುದು. ಗೂಗಲ್‌ ಪೇ ಬಳಕೆದಾರರಿಗೆ ಈ ಮಿತಿ ₹ 25,000.
• ಆಕ್ಸಿಸ್ ಬ್ಯಾಂಕ್ ಯುಪಿಐ ವಹಿವಾಟಿನ ಮಿತಿ ₹ 1 ಲಕ್ಷ.
• ಬ್ಯಾಂಕ್ ಆಫ್ ಬರೋಡಾ ಯುಪಿಐ ವಹಿವಾಟಿನ ಮಿತಿ ₹ 25,000.