ಫೋನ್ ಪೇ ಬಳಕೆದಾರರಿಗೆ ಗುಡ್ ನ್ಯೂಸ್ – ಡೆಬಿಟ್ ಕಾರ್ಡ್ ಇಲ್ಲದೇ ಫೋನ್ ಪೇ ಆ್ಯಕ್ಟಿವೇಟ್ ಮಾಡಲು ಹೀಗೆ ಮಾಡಿ…
- ಹಣಕಾಸು
- November 21, 2022
- No Comment
- 413
ನ್ಯೂಸ್ ಆ್ಯರೋ : ಭಾರತದಲ್ಲೇ ಅತಿಹೆಚ್ಚು ಬಳಕೆದಾರರನ್ನು ಹೊಂದಿರುವ ನಂ.1 ಆನ್ಲೈನ್ ಪೇಮೆಂಟ್ ಅಪ್ಲಿಕೇಶನ್ ಫೋನ್ ಪೇ ಇದೀಗ ಆಧಾರ್ ಆಧಾರಿತವಾಗಿ ಯುಪಿಐ ಪೇಮೆಂಟ್ ನಡೆಸಲು ಅವಕಾಶ ಕಲ್ಪಿಸಿದೆ. ದೇಶದಲ್ಲೇ ಮೊದಲ ಬಾರಿಗೆ ಆಧಾರ್ ಸಂಖ್ಯೆಯ ಮೂಲಕ ಯುಪಿಐ ಆಕ್ಟಿವೇಟ್ ಮಾಡಲು ಅವಕಾಶ ಮಾಡಿಕೊಟ್ಟ ಮೊದಲ ಅಪ್ಲಿಕೇಶನ್ ಫೋನ್ ಪೇ ಆಗಿದ್ದು, ಇದರಿಂದ ಭಾರತೀಯರು ಡೆಬಿಟ್ ಕಾರ್ಡ್ ಹೊಂದಿಲ್ಲದವರು ಸಹ ಯುಪಿಐ ಅಪ್ಲಿಕೇಶನ್ ಬಳಸಲು ಸಾಧ್ಯವಾಗಲಿದೆ ಎಂದು ಫೋನ್ ಪೇ ಸಂಸ್ಥೆ ತಿಳಿಸಿದೆ. ಹಾಗಾದರೆ ಈ ಹೊಸ ಆಧಾರ್ ಆಧಾರಿತ ಯುಪಿಐ ಪೇಮೆಂಟ್ ಸೇವೆಯನ್ನು ಬಳಸುವುದು ಹೇಗೆ ಎಂಬ ಮಾಹಿತಿ ಇಲ್ಲಿದೆ.
ಆಧಾರ್ ಆಧಾರಿತವಾಗಿ ಯುಪಿಐ ಪೇಮೆಂಟ್ ಸೇವೆಯ ಬಗ್ಗೆ ಸುಲಭವಾಗಿ ಹೇಳಬೇಕೆಂದರೆ, ನೀವು ಇದೀಗ ಫೋನ್ ಪೇ ಅಪ್ಲಿಕೇಶನ್ನಲ್ಲಿ ಆಧಾರ್ ಕಾರ್ಡ್ ಮೂಲಕ ಯುಪಿಐ ಆಕ್ಟಿವೇಟ್ ಮಾಡಬಹುದು. ಇದಕ್ಕಾಗಿ, ಗ್ರಾಹಕರು ತಮ್ಮ ಆಧಾರ್ ಕಾರ್ಡ್ನ ಕೊನೆಯ ಆರು ಅಂಕೆಗಳನ್ನು ಬಳಸಿ ಯುಪಿಐ ಸೇವೆಗೆ ಲಾಗ್ ಇನ್ ಮಾಡಬೇಕಾಗುತ್ತದೆ ಎಂದು ಫೋನ್ ಪೇ ಸಂಸ್ಥೆ ತಿಳಿಸಿದೆ. ನಂತರ ದೃಢೀಕರಣ ಹಂತಗಳನ್ನು ಪೂರ್ಣಗೊಳಿಸಲು UIDAI ಮತ್ತು ಗ್ರಾಹಕರ ಬ್ಯಾಂಕ್ಗಳಿಂದ ಒಟಿಪಿ ಸ್ವೀಕರಿಸುತ್ತಾರೆ. ಈ ಎರಡೂ ಒಟಿಪಿಗಳನ್ನು ಯಶಸ್ವಿಯಾಗಿ ನಮೂದಿಸುವ ಗ್ರಾಹಕರ ಬ್ಯಾಂಕ್ ಖಾತೆಯು ಯುಪಿಐ ಸೇವೆಗೆ ಆಕ್ಟಿವೇಟ್ ಆಗಲಿದೆ.
ಬಳಕೆ ಹೇಗೆ…?
ಸ್ಮಾರ್ಟ್ಫೋನ್ ನಲ್ಲಿ ಫೋನ್ ಪೇ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ ( ಈಗಾಗಲೇ ಡೌನ್ಲೋಡ್ ಮಾಡಿರದಿದ್ದರೆ) ನಿಮ್ಮ ಮೊಬೈಲ್ ಸಂಖ್ಯೆಯನ್ನು ನಮೂದಿಸಿ ಮತ್ತು ಒಟಿಪಿ ಸಂಖ್ಯೆಯ ಮೂಲಕ ಫೋನ್ ಪೇ ಅಪ್ಲಿಕೇಶನ್ಗೆ ಲಾಗಿನ್ ಮಾಡಿ. ಬಳಿಕ ಫೋನ್ ಪೇ ಅಪ್ಲಿಕೇಶನ್ನಲ್ಲಿ ಮೇಲೆ ಎಡಭಾಗದಲ್ಲಿರುವ ನಿಮ್ಮ ಫ್ರೊಫೈಲ್ ಮೇಲೆ ಕ್ಲಿಕ್ ಮಾಡಿ. ಆಗ ನಿಮಗೆ ‘ಪೇಮೆಂಟ್ ಇನ್ಟ್ರುಮೆಂಟ್’ ಎಂಬ ಆಯ್ಕೆ ಕಾಣಿಸುತ್ತದೆ. ಅದರಲ್ಲಿ ನಿಮ್ಮ ಬ್ಯಾಂಕ್ ಯಾವುದು ಕ್ಲಿಕ್ ಮಾಡಿ.
ಇದಕ್ಕಾಗಿ, “Add New Bank Account” ಬಟನ್ ಒತ್ತಿ. ಫೋನ್ ಪೇ ಇದೀಗ ಅಪ್ಲಿಕೇಶನ್ ನಿಮ್ಮ ಮೊಬೈಲ್ ನಂಬರ್ ಜೊತೆಗೆ ಲಿಂಕ್ ಆಗಿರುವ ಬ್ಯಾಂಕ್ ಖಾತೆಯನ್ನು ತೆರೆಯುತ್ತದೆ, ಇಲ್ಲಿ ನಿಮ್ಮ ಡೆಬಿಟ್ ಕಾರ್ಡ್ ಹಾಗೂ ಆಧಾರ್ ಕಾರ್ಡ್ ನಂಬರ್ (ಕೊನೆಯ 6 ಸಂಖ್ಯೆಗಳು) ಕೇಳಲಾಗುತ್ತದೆ.
ಇಲ್ಲಿ ನಿಮ್ಮ ಆಧಾರ್ ಕಾರ್ಡ್ ನಂಬರ್ ನಮೂದಿಸಿದ ನಂತರ UIDAI ನಿಂದ ನಿಮ್ಮ ಮೊಬೈಲ್ಗೆ ಒಟಿಪಿ ಬರಲಿದ್ದು, ಹಾಗೂ, ನಿಮ್ಮ ಬ್ಯಾಂಕ್ ಕಡೆಯಿಂದಲೂ ಒಂದು ಒಟಿಪಿ ಬರುತ್ತದೆ. ಈ ಎರಡೂ ಒಟಿಪಿ ಗಳನ್ನು ಯಶಸ್ವಿಯಾಗಿ ನಮೂದಿಸಿ. ಇದೀಗ ನಿಮ್ಮ ಬ್ಯಾಂಕ್ ಖಾತೆ ಯುಪಿಐ ಪೇಮೆಂಟ್ ಸೇವೆಗೆ ಸಿದ್ಧವಾಗಿದೆ. ನೀವು ಯುಪಿಐ ಪಿನ್ ನಮೂದಿಸಿ ಮುಂದುವರೆಯಿರಿ.