ಪತ್ನಿ ಹೆಸರಲ್ಲಿ ಈ ವಿಶೇಷ ಖಾತೆ ತೆರೆದರೆ ತಿಂಗಳಿಗೆ 45 ಸಾವಿರ ಆದಾಯ – ಉತ್ತಮ ಯೋಜನೆಯ ವಿವರಗಳು ಇಲ್ಲಿವೆ…

ನ್ಯೂಸ್ ಆ್ಯರೋ : ತನ್ನ ಪತ್ನಿ ಸ್ವಾವಲಂಬಿಯಾಗಬೇಕೆಂಬ ಆಸೆ ಎಲ್ಲಾ ಪುರುಷರಿಗೂ ಇರುತ್ತದೆ. ನಿಯಮಿತ ಆದಾಯದ ಜೊತೆಗೆ ಭವಿಷ್ಯದಲ್ಲಿ ಇತರರನ್ನು ಅವಲಂಬಿಸದೇ ಬದುಕಲು ಪತ್ನಿಗಾಗಿ ರಾಷ್ಟ್ರೀಯ ಪಿಂಚಣಿ ಯೋಜನೆಯಲ್ಲಿ ಹೂಡಿಕೆ ಮಾಡಬಹುದು. ಪತ್ನಿಯ ಹೆಸರಿನಲ್ಲಿ NPS ಖಾತೆಯನ್ನು ತೆರೆಯಬಹುದು.

NPS ಖಾತೆ ಮೂಲಕ ಆಕೆಗೆ 60 ವರ್ಷಗಳಾದ ಬಳಿಕ ಭಾರೀ ಮೊತ್ತ ಸಿಗುತ್ತದೆ. ಇದರ ಜೊತೆಜೊತೆಗೆ ಪ್ರತಿ ತಿಂಗಳು ಪಿಂಚಣಿ ರೂಪದಲ್ಲಿ ನಿಯಮಿತ ಆದಾಯ ಬರುತ್ತದೆ. ವೃದ್ಧಾಪ್ಯದಲ್ಲಿ ಯಾರನ್ನೂ ಅವಲಂಬಿಸದೇ ಬದುಕಲು ಇದು ಸೂಕ್ತವಾದ ಹೂಡಿಕೆ.

NPS ಖಾತೆಯಲ್ಲಿ ನಿಮ್ಮ ಅನುಕೂಲಕ್ಕೆ ಅನುಗುಣವಾಗಿ ನೀವು ಪ್ರತಿ ತಿಂಗಳು ಅಥವಾ ವಾರ್ಷಿಕವಾಗಿ ಹಣವನ್ನು ಠೇವಣಿ ಮಾಡಬಹುದು. ನೀವು ಕೇವಲ 1,000 ರೂಪಾಯಿಗಳಲ್ಲಿ ನಿಮ್ಮ ಹೆಂಡತಿಯ ಹೆಸರಿನಲ್ಲಿ NPS ಖಾತೆಯನ್ನು ತೆರೆಯಬಹುದು. NPS ಖಾತೆಯು 60 ವರ್ಷ ವಯಸ್ಸಿನಲ್ಲಿ ಪಕ್ವವಾಗುತ್ತದೆ. ಹೊಸ ನಿಯಮಗಳ ಪ್ರಕಾರ, ನೀವು ಬಯಸಿದರೆ ಪತ್ನಿಯ ವಯಸ್ಸು 65 ವರ್ಷವಾಗುವವರೆಗೂ NPS ಖಾತೆಯನ್ನು ನಡೆಸಬಹುದು.

45 ಸಾವಿರದವರೆಗೆ ಮಾಸಿಕ ಆದಾಯ

ನಿಮ್ಮ ಹೆಂಡತಿಯ ವಯಸ್ಸು 30 ವರ್ಷವಾಗಿದ್ದರೆ ಮತ್ತು ನೀವು ಅವರ NPS ಖಾತೆಯಲ್ಲಿ ಪ್ರತಿ ತಿಂಗಳು 5000 ರೂಪಾಯಿ ಹೂಡಿಕೆ ಮಾಡಿದರೆ 60ನೇ ವಯಸ್ಸಿನಲ್ಲಿ ಅವರ ಖಾತೆಯಲ್ಲಿ ಒಟ್ಟು 1.12 ಕೋಟಿ ರೂಪಾಯಿ ಇರುತ್ತದೆ. ಶೇ.10ರಷ್ಟು ರಿಟರ್ನ್ಸ್‌ ದೊರೆಯುತ್ತದೆ. ಸುಮಾರು 45 ಲಕ್ಷ ರೂಪಾಯಿ ಆಕೆಗೆ ದೊರೆಯುತ್ತದೆ. ಇದಲ್ಲದೇ ಪ್ರತಿ ತಿಂಗಳು ಸುಮಾರು 45 ಸಾವಿರ ಪಿಂಚಣಿ ಸಿಗಲಾರಂಭಿಸುತ್ತದೆ. ಜೀವನ ಪರ್ಯಂತ ಈ ಪಿಂಚಣಿ ದೊರೆಯುತ್ತದೆ.

ಒಟ್ಟು ಮೊತ್ತ ಮತ್ತು ಪಿಂಚಣಿ ಎಷ್ಟು ಸಿಗುತ್ತದೆ ಎನ್‌ಪಿಎಸ್ ಕೇಂದ್ರ ಸರ್ಕಾರದ ಸಾಮಾಜಿಕ ಭದ್ರತಾ ಯೋಜನೆಯಾಗಿದೆ. ಈ ಯೋಜನೆಯಲ್ಲಿ ನೀವು ಹೂಡಿಕೆ ಮಾಡುವ ಹಣವನ್ನು ವೃತ್ತಿಪರ ಫಂಡ್ ಮ್ಯಾನೇಜರ್‌ಗಳು ನಿರ್ವಹಿಸುತ್ತಾರೆ. ಕೇಂದ್ರ ಸರ್ಕಾರವು ವೃತ್ತಿಪರ ನಿಧಿ ವ್ಯವಸ್ಥಾಪಕರಿಗೆ ಈ ಜವಾಬ್ದಾರಿಯನ್ನು ನೀಡುತ್ತದೆ. ಹಾಗಾಗಿ NPS ನಲ್ಲಿ ನಿಮ್ಮ ಹೂಡಿಕೆಯು ಸಂಪೂರ್ಣವಾಗಿ ಸುರಕ್ಷಿತವಾಗಿರುತ್ತದೆ. ಆದಾಗ್ಯೂ, ಈ ಯೋಜನೆಯ ಅಡಿಯಲ್ಲಿ ನೀವು ಹೂಡಿಕೆ ಮಾಡುವ ಹಣವು ಆದಾಯವನ್ನು ಖಾತರಿಪಡಿಸುವುದಿಲ್ಲ. ಹಣಕಾಸು ಯೋಜಕರ ಪ್ರಕಾರ NPS ಪ್ರಾರಂಭವಾದಾಗಿನಿಂದ ಸರಾಸರಿ 10 ರಿಂದ 11 ಪ್ರತಿಶತದಷ್ಟು ವಾರ್ಷಿಕ ಆದಾಯವನ್ನು ನೀಡಿದೆ.