ಭಾರತೀಯ ಜೀವವಿಮಾ ನಿಗಮದಿಂದ ‘ಕನ್ಯಾದಾನ’ ಪಾಲಿಸಿ – ದಿನಕ್ಕೆ ಕೇವಲ ₹ 121 ಹೂಡಿಕೆ ಮಾಡಿ, ಪುತ್ರಿಯ ಮದುವೆಗೆ 27 ಲಕ್ಷ ಪಡೆಯಿರಿ…

ನ್ಯೂಸ್‌ ಆ್ಯರೋ : ಹೆಣ್ಣುಮಕ್ಕಳ ಭವಿಷ್ಯಕ್ಕಾಗಿ ಹಣ ಹೂಡಿಕೆ ಮಾಡಲು ಭಾರತೀಯ ಜೀವವಿಮಾ ನಿಗಮವು ಅತ್ಯುತ್ತಮ ಸಂಸ್ಥೆಯಾಗಿದೆ. ಕನ್ಯಾದಾನ ಪಾಲಿಸಿ ಯೋಜನೆಯನ್ನು ಎಲ್‌ಐಸಿಯು ಹೆಣ್ಣುಮಕ್ಕಳ ಮದುವೆ ಮತ್ತು ಶಿಕ್ಷಣಕ್ಕಾಗಿ ಹೂಡಿಕೆ ಮಾಡಲು ಪ್ರಾರಂಭಿಸಿದೆ.

ಈ ಯೋಜನೆಯಡಿ ಯಾವುದೇ ವ್ಯಕ್ತಿ ತನ್ನ ಮಗಳ ಮದುವೆಗೆ ಹೂಡಿಕೆ ಮಾಡಬಹುದು. ಈ ಯೋಜನೆಯಡಿ ಜನರು ದಿನಕ್ಕೆ ₹ 121 ಪಾವತಿಸಬೇಕು. ಗ್ರಾಹಕರು 22 ವರ್ಷಗಳವರೆಗೆ ಮಾತ್ರ ಪ್ರೀಮಿಯಂ ಪಾವತಿಸಬೇಕಾಗುತ್ತದೆ. ಕನ್ಯಾದಾನ ಪಾಲಿಸಿಯ 25 ವರ್ಷಗಳು ಪೂರ್ಣಗೊಂಡ ನಂತರ ₹ 27 ಲಕ್ಷ ಲಾಭ ಪಡೆಯಬಹುದು.

ವಿಮಾ ಯೋಜನೆಯನ್ನು 13 ರಿಂದ 25 ವರ್ಷಗಳವರೆಗೆ ತೆಗೆದುಕೊಳ್ಳಬಹುದು. ಈ ಯೋಜನೆಯಡಿಯಲ್ಲಿ ನೀವು ಆಯ್ಕೆ ಮಾಡಿದ ಅವಧಿಗಿಂತ 3 ವರ್ಷಗಳಷ್ಟು ಕಡಿಮೆ ಪ್ರೀಮಿಯಂ ಅನ್ನು ಮಾತ್ರ ಪಾವತಿಸಬೇಕಾಗುತ್ತದೆ. ಯಾವುದೇ ವ್ಯಕ್ತಿ ಕನಿಷ್ಠ 1 ಲಕ್ಷದವರೆಗೆ ವಿಮೆ ತೆಗೆದುಕೊಳ್ಳಬಹುದು.

ಅರ್ಹತೆಗಳು:

• ಈ ಯೋಜನೆಯಡಿ ಪಾಲಿಸಿಯನ್ನು ತೆಗೆದುಕೊಳ್ಳಲು ತಂದೆಯ ಕನಿಷ್ಠ ವಯಸ್ಸು 18 ರಿಂದ 50 ವರ್ಷಗಳು ಮತ್ತು ಮಗಳ ಕನಿಷ್ಠ ವಯಸ್ಸು 1 ವರ್ಷ ಇರಬೇಕು.
• ಈ ಯೋಜನೆಯು 25 ವರ್ಷಗಳವರೆಗೆ ಲಭ್ಯವಿರುತ್ತದೆ.
• ಮಗಳ ವಯಸ್ಸಿಗೆ ಅನುಗುಣವಾಗಿ ಈ ಪಾಲಿಸಿಯ ಕಾಲಮಿತಿ ಕಡಿಮೆಯಾಗುತ್ತದೆ.
• ಒಬ್ಬ ವ್ಯಕ್ತಿಯು ಕಡಿಮೆ ಅಥವಾ ಹೆಚ್ಚು ಪ್ರೀಮಿಯಂ ಪಾವತಿಸಲು ಬಯಸಿದರೆ ಅವನು ಈ ಪಾಲಿಸಿ ಯೋಜನೆಗೆ ಸೇರಬಹುದು.

ನಿಬಂಧನೆಗಳು:

• ಪಾಲಿಸಿದಾರನು ಪಾಲಿಸಿಯ ಪ್ರಾರಂಭದಿಂದ 12 ತಿಂಗಳೊಳಗೆ ಆತ್ಮಹತ್ಯೆ ಮಾಡಿಕೊಂಡರೆ ಈ ಪಾಲಿಸಿಯ ಯಾವುದೇ ಪ್ರಯೋಜನವನ್ನು ಆತನ ಕುಟುಂಬಕ್ಕೆ ನೀಡಲಾಗುವುದಿಲ್ಲ.
• ಪಾಲಿಸಿಯ ಪ್ರಾರಂಭದ ದಿನಾಂಕದಿಂದ ಪಾಲಿಸಿದಾರರಿಗೆ 15 ದಿನಗಳ ಅವಕಾಶ ನೀಡಲಾಗುತ್ತದೆ. ಈ ವೇಳೆಯಲ್ಲಿ ಪಾಲಿಸಿಯ ಯಾವುದೇ ನಿಯಮಗಳು ಮತ್ತು ಷರತ್ತುಗಳೊಂದಿಗೆ ಪಾಲಿಸಿದಾರನು ತೃಪ್ತನಾಗದಿದ್ದರೆ, ಅವನು/ಅವಳು ಪಾಲಿಸಿಯಿಂದ ನಿರ್ಗಮಿಸಬಹುದು.
• 3 ವರ್ಷಗಳ ಕಾಲ ಪ್ರೀಮಿಯಂಗಳನ್ನು ಪಾವತಿಸಿದ ನಂತರ ಈ ಯೋಜನೆಯಡಿಯಲ್ಲಿ ಪಾಲಿಸಿಯನ್ನು ಸರೆಂಡರ್ ಮಾಡಲು ಪಾಲಿಸಿದಾರರಿಗೆ ಅವಕಾಶ ಕಲ್ಪಿಸಲಾಗಿದೆ.