Job on ISRO : ಇಸ್ರೋದಲ್ಲಿದೆ ಹಲವು ಹುದ್ದೆಗಳ ಉದ್ಯೋಗಾವಕಾಶ – 10th, ITI ಪಾಸಾದವರು ಅರ್ಜಿ ಸಲ್ಲಿಸಬಹುದು..
- ಉದ್ಯೋಗ ಮಾಹಿತಿ
- May 5, 2023
- No Comment
- 703
ನ್ಯೂಸ್ ಆ್ಯರೋ : ಇಸ್ರೋ ವಿಕ್ರಮ್ ಸಾರಾಭಾಯ್ ಬಾಹ್ಯಾಕಾಶ ಕೇಂದ್ರವು ಟೆಕ್ನಿಷಿಯನ್-ಎ, ಡ್ರಾಟ್ಸ್ಮನ್-ಬಿ ಮತ್ತು ರೇಡಿಯೋಗ್ರಾಫರ್-ಎ ಹುದ್ದೆಗಳ ಭರ್ತಿಗೆ ಅಧಿಸೂಚನೆ ಹೊರಡಿಸಿದೆ. ಸಂಸ್ಥೆಯಲ್ಲಿ ಒಟ್ಟು 49 ಹುದ್ದೆಗಳಿದ್ದು, ಆಸಕ್ತ ಅಭ್ಯರ್ಥಿಗಳು ಮೇ 4ರಿಂದ ಅರ್ಜಿ ಸಲ್ಲಿಸಬಹುದು.
ಅಭ್ಯರ್ಥಿಗಳು ಆನ್ಲೈನ್ ಮೂಲಕ ಅರ್ಜಿ ಸಲ್ಲಿಸಬೇಕು. ಅರ್ಜಿ ಸಲ್ಲಿಕೆಯ ವಿಳಾಸ https://www.vssc.gov.in/currentOpenings.htmlcan
ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳ ವಯಸ್ಸು 35 ವರ್ಷದೊಳಗೆ ಇರಬೇಕು. 10ನೇ ತರಗತಿಯಲ್ಲಿ ಉತ್ತೀರ್ಣರಾದವರು ಮತ್ತು ಸಂಬಂಧಿತ ಟ್ರೇಡ್ನಲ್ಲಿ ITI ಪ್ರಮಾಣಪತ್ರವನ್ನು ಹೊಂದಿರುವವರು ಅರ್ಜಿ ಸಲ್ಲಿಸಬಹುದು.
ತಂತ್ರಜ್ಞ-ಬಿ- ಮಾಸಿಕ ₹ 21,700 -69,100, ಡ್ರಾಟ್ಸ್ಮನ್-ಬಿ- ಮಾಸಿಕ ₹ 21,700 -69,100, ರೇಡಿಯೊಗ್ರಾಫರ್-ಎ- ಮಾಸಿಕ ₹ 25,500- 81,100 ವೇತನ ದೊರೆಯಲಿದೆ.
ಸಾಮಾನ್ಯ/ಒಬಿಸಿ ಅಭ್ಯರ್ಥಿಗಳಿಗೆ ಅರ್ಜಿ ಶುಲ್ಕ 100 ರೂ. SC/ST/PWD ಮತ್ತು ಮಹಿಳಾ ಅಭ್ಯರ್ಥಿಗಳಿಗೆ ಯಾವುದೇ ಅರ್ಜಿ ಶುಲ್ಕ ಅನ್ವಯಿಸುವುದಿಲ್ಲ. ಮೇ 18, 2023ರೊಳಗೆ ಅರ್ಜಿ ಸಲ್ಲಿಸಬೇಕು.
ಖಾಲಿ ಹುದ್ದೆಗಳ ಸಂಖ್ಯೆ ತಂತ್ರಜ್ಞ-ಎ- 43 ಹುದ್ದೆಗಳು, ಡ್ರಾಟ್ಸ್ಮನ್-ಬಿ- 5 ಹುದ್ದೆಗಳು, ರೇಡಿಯೊಗ್ರಾಫರ್-ಎ- 1 ಹುದ್ದೆ ಭರ್ತಿ ಮಾಡಲಾಗುವುದು ಎಂದು ಪ್ರಕಟಣೆ ತಿಳಿಸಿದೆ.