ಈ ಗಾಯಕಿ ತ್ವಚೆ ಸೌಂದರ್ಯಕ್ಕಾಗಿ ಎದೆಹಾಲು ಬಳಸುತ್ತಾರಂತೆ..!! – ನಿಜಕ್ಕೂ ಎದೆಹಾಲಿನ ಬಳಕೆ ಉತ್ತಮವೇ..!?
- ಆರೋಗ್ಯವೇ ಭಾಗ್ಯ
- May 8, 2023
- No Comment
- 221
ನ್ಯೂಸ್ ಆ್ಯರೋ : ತಾಯಿಯ ಎದೆಹಾಲು ಅಮೃತಕ್ಕೆ ಸಮಾನ. ಆದ್ದರಿಂದಲೇ ಮಕ್ಕಳಿಗೆ ಆರು ತಿಂಗಳ ವರೆಗೆ ಎದೆಹಾಲು ಹೊರತು ಬೇರೆ ಆಹಾರ ನೀಡಬಾರದು ಎನ್ನುತ್ತಾರೆ ವೈದ್ಯರು. ಇದು ಮಕ್ಕಳಲ್ಲಿ ರೋಗ ನಿರೋಧಕ ಶಕ್ತಿ ಹೆಚ್ಚಿಸುತ್ತದೆ. ಇದೀಗ ಖ್ಯಾತ ಅಮೇರಿಕನ್ ಗಾಯಕಿ ಹಾಲ್ಸೆ ಎದೆಹಾಲು ಬಳಸಿ ತ್ವಚೆ ಸೌಂದರ್ಯ ಹೆಚ್ಚಿಸಬಹುದು ಎಂದಿದ್ದಾರೆ. ಅದರ ಕುರಿತಾದ ವಿವರ ಇಲ್ಲಿದೆ.
1994ರಲ್ಲಿ ಅಮೇರಿಕಾದಲ್ಲಿ ಹಾಲ್ಸೆ ಜನಿಸಿದರು. ಇತ್ತೀಚೆಗೆ ಅವರು ಸಂದರ್ಶನದಲ್ಲಿ ”ನಾನು ತ್ವಚೆ ಸೌಂದರ್ಯ ಹೆಚ್ಚಿಸಲು ಎದೆಹಾಲು ಉಪಯೋಗಿಸುತ್ತೇನೆ” ಎಂದು ಹೇಳಿದ್ದು ಚರ್ಚೆಗೆ ಗ್ರಾಸವಾಗಿದೆ. ನ್ಯಾಷನಲ್ ಲೈಬ್ರರಿ ಆಫ್ ಮೆಡಿಸನ್ ಪ್ರಕಾರ ಎದೆಹಾಲನ್ನು ಹಲವು ತ್ವಚೆ ಸಮಸ್ಯೆಗಳಿಗೆ ಔಷಧಿಯಾಗಿ ಬಳಸಲಾಗುವುದು. ಕೆಲವರು ಮಗುವಿನ ಮೈಯಲ್ಲಿ ಗುಳ್ಳೆಗಳು ಎದ್ದರೆ ಎದೆ ಹಾಲು ಹಚ್ಚುತ್ತಾರೆ. ಡಯಾಪರ್ ರ್ಯಾಶಶ್ಗೆ ಎದೆಹಾಲನ್ನು ಹಚ್ಚಿದರೆ ಬೇಗನೆ ಗುಣಮುಖವಾಗುತ್ತದೆ. ಮೊಡವೆ ನಿವಾರಣೆಗೂ ಎದೆಹಾಲು ಬಳಸುವವರು ಇದ್ದಾರೆ.
ಮಗುವಿನ ಮೇಲೆ ಅಡ್ಡ ಪರಿಣಾಮ
ಹಾಲ್ಸೆ ಹೇಳಿಕೆಗೆ ಕೆಲವರು ವಿರೋಧ ವ್ಯಕ್ತಪಡಿಸಿದ್ದಾರೆ. ಎದೆಹಾಲನ್ನು ತ್ವಚೆ ರಕ್ಷಣೆಗೆ ಬಳಸಲಾರಂಭಿಸಿದರೆ ಮಗುವಿಗೆ ಸಾಕಷ್ಟು ಹಾಲು ಸಿಗದಂತಾಗುವುದು, ಮಗುವಿನ ಆರೋಗ್ಯದ ದೃಷ್ಟಿಯಿಂದ ಇದು ಒಳ್ಳೆಯದಲ್ಲ ಎನ್ನುವುದು ಅವರ ವಾದ.
ದುಷ್ಪರಿಣಾಮ
ಸರಿಯಾದ ಶುಚಿತ್ವ ವಿಧಾನವನ್ನು ಬಳಸದೆ ಎದೆಹಾಲನ್ನು ಮುಖಕ್ಕೆ ಹಚ್ಚಿದರೆ ಬ್ಯಾಕ್ಟಿರಿಯಾ ಸೋಂಕು ಉಂಟಾಗಬಹುದು, ಮಾತ್ರವಲ್ಲ ಕೆಲವರಿಗೆ ಅಲರ್ಜಿ ಉಂಟಾಗಿ ಊತ, ತುರಿಕೆ ಉಂಟಾಗುತ್ತದೆ ಎಂದು ಎಚ್ಚರಿಸುತ್ತಾರೆ ತಜ್ಞರು.