ಬಿಸಿಲ ತಾಪಕ್ಕೆ ಮಜ್ಜಿಗೆ ಸೇವನೆ ಆರೋಗ್ಯಕ್ಕೆ ತುಂಬಾನೆ ಉತ್ತಮ – ಉಪ್ಪು ಸೇವಿಸಿ ಕುಡಿಯುತ್ತಿದ್ದರೆ ಹುಷಾರು….!!
- ಆರೋಗ್ಯವೇ ಭಾಗ್ಯ
- May 2, 2023
- No Comment
- 169
ನ್ಯೂಸ್ ಆ್ಯರೋ : ಬಿಸಿಲಿನ ತಾಪಕ್ಕೆ ಸದ್ಯ ತಂಪು ಪಾನೀಯಗಳಿಗೆ ಡಿಮ್ಯಾಂಡ್ ಜಾಸ್ತಿ ಆಗಿದ್ದು, ಮಜ್ಜಿಗೆ ಸೇವನೆ ಮಾಡುವ ಪ್ರಮಾಣವು ಹೆಚ್ಚಾಗಿದೆ. ಮಜ್ಜಿಗೆ ದೇಹವನ್ನು ತಂಪಾಗಿ ಇಡುವುದಲ್ಲದೆ ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು.
ಚರ್ಮದ ಕಾಂತಿಯನ್ನು ಹೆಚ್ಚಿಸಲು, ಮೂಳೆಗಳನ್ನು ಸದೃಢವಾಗಿಸಲು, ರಕ್ತದೊತ್ತಡವನ್ನು ಕಡಿಮೆ ಮಾಡಲು ಸಹಕಾರಿಯಾಗಿದೆ.
ಮಜ್ಜಿಗೆಗೆ ಉಪ್ಪು ಸೇರಿಸಬಾರದು: ಈಗಿನ ಬಿಸಿಲಿನ ತಾಪಕ್ಕೆ ಮಧ್ಯಾಹ್ನ ಅಥವಾ ರಾತ್ರಿ ಹೊತ್ತಿನಲ್ಲಿ ಮಜ್ಜಿಗೆ ಸೇವನೆ ಮಾಡುವುದು ಸಾಮಾನ್ಯ. ಮಜ್ಜಿಗೆಯಲ್ಲೂ ನಾನಾ ತರಹದ ವಿಧಗಳಿವೆ. ಮಜ್ಜಿಗೆಗೆ ಮಸಾಲೆ, ಉಪ್ಪು, ಪುದೀನ ಚಟ್ನಿ ಮತ್ತು ಬ್ಲಾಕ್ ಸಾಲ್ಟ್ ಇತ್ಯಾದಿಗಳನ್ನು ಸಹ ಬೆರೆಸಲಾಗುತ್ತದೆ. ಇದರಿಂದ ಮಜ್ಜಿಗೆಯ ರುಚಿ ಹೆಚ್ಚುತ್ತದೆ. ಆದರೆ ಉಪ್ಪು ಸೇರಿಸಿದ ಮಜ್ಜಿಗೆ ಉತ್ತಮವಲ್ಲ ಎಂಬುದು ತಜ್ಞರ ಮಾತು.
ಈ ಬಗ್ಗೆ ಆಹಾರ ಹಾಗೂ ಪೌಷ್ಟಿಕಾಂಶ ತಜ್ಞರ ಅಭಿಪ್ರಾಯ ಹೀಗಿದೆ:
ಉಪ್ಪು ಸಹಿತ ಮಜ್ಜಿಗೆ ಹೊಟ್ಟೆಯ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ. ಮೊಸರು ಸಾಮಾನ್ಯವಾಗಿ ಪ್ರೋಬಯಾಟಿಕ್ಗಳಲ್ಲಿ ಸಮೃದ್ಧವಾಗಿದೆ. ಇದು ನಮ್ಮ ದೇಹಕ್ಕೆ ತುಂಬಾ ಪ್ರಯೋಜನಕಾರಿಯಾಗಿದೆ. ಮೊಸರಿನ ಹೊರತಾಗಿ, ಈ ಗುಣಲಕ್ಷಣಗಳು ಮಜ್ಜಿಗೆ ಮತ್ತು ಅದರಿಂದ ತಯಾರಿಸಿದ ಲಸ್ಸಿಯಲ್ಲಿಯೂ ಕಂಡುಬರುತ್ತವೆ. ಆದರೆ, ಉಪ್ಪನ್ನು ಮಜ್ಜಿಗೆಗೆ ಸೇರಿಸಿದಾಗ, ಅದು ಪ್ರೋಬಯಾಟಿಕ್ಗಳ ಸಕ್ರಿಯಗೊಳಿಸುವಿಕೆ ಮತ್ತು ಪರಿಣಾಮಕಾರಿ ತತ್ವವನ್ನು ಕಡಿಮೆ ಮಾಡುತ್ತದೆ. ಆದ್ದರಿಂದ ಉಪ್ಪು ಬೆರೆಸಿದ ಮಜ್ಜಿಗೆಯನ್ನು ಸೇವಿಸುವುದರಿಂದ ದೇಹಕ್ಕೆ ಹೆಚ್ಚಿನ ಪ್ರಯೋಜನವಾಗುವುದಿಲ್ಲ ಎಂಬುದು ತಜ್ಞರ ಅಭಿಪ್ರಾಯ.
ಮಜ್ಜಿಗೆ ಸೇವಿಸುವಾಗ ಅನುಸರಿಸಬೇಕಾದ ಮಾರ್ಗ:
ಮಜ್ಜಿಗೆ ಆರೋಗ್ಯಕ್ಕೆ ಒಳ್ಳೆಯದು ಹೌದು, ಆದರೆ ಅದನ್ನು ಸರಿಯಾದ ರೀತಿಯಲ್ಲಿ ಸೇವಿಸಿದಾಗ ಮಾತ್ರ ಅದರ ಪ್ರಯೋಜನ ದೇಹಕ್ಕೆ ಸಿಗುತ್ತದೆ. ಮಜ್ಜಿಗೆ ಕುಡಿಯುವ ಮುನ್ನ ಅದು ಎಷ್ಟು ತಂಪಾಗಿರಬೇಕು ಎಂಬುದನ್ನು ಮೊದಲು ತಿಳಿದುಕೊಳ್ಳುವುದು ಅವಶ್ಯಕ. ಮಜ್ಜಿಗೆಯನ್ನು ಫ್ರಿಜ್ ನಲ್ಲಿಟ್ಟು ಕುಡಿಯುವ ಅಭ್ಯಾಸ ಬೇಡ. ಫ್ರಿಜ್ ನಲ್ಲಿಟ್ಟು ತಣ್ಣಗಾದ ಮಜ್ಜಿಗೆ ಕುಡಿದರೆ ತಂಪಿನ ಅನುಭವ ಸಿಗುತ್ತದೆ ನಿಜ, ಆದರೆ ಮಜ್ಜಿಗೆ ಕುಡಿದ ಖುಷಿ ಬಹಳ ಹೊತ್ತು ಇರುವುದಿಲ್ಲ. ಇರುವುದಿಲ್ಲ. ಮಜ್ಜಿಗೆಯನ್ನು ಸಾಮಾನ್ಯ ತಾಪಮಾನದಲ್ಲಿಯೇ ಇರಲು ಬಿಡಿ. ಇದಲ್ಲದೇ ಹಸಿ ತರಕಾರಿಗಳು, ಸಲಾಡ್ ಅಥವಾ ಹಣ್ಣುಗಳಂತಹ ಕೆಲವು ಆಹಾರಗಳನ್ನು ಮಜ್ಜಿಗೆಯೊಂದಿಗೆ ಸೇವಿಸುವುದು ಆರೋಗ್ಯಕ್ಕೆ ಹೆಚ್ಚು ಒಳ್ಳೆಯದು. ಈ ಆಹಾರಗಳು ಮಜ್ಜಿಗೆಯೊಂದಿಗೆ ಜೀರ್ಣ ಶಕ್ತಿಯನ್ನು ಹೆಚ್ಚಿಸುತ್ತವೆ ಮತ್ತು ದೇಹಕ್ಕೆ ಪ್ರಯೋಜನಕಾರಿಯಾಗಿರುತ್ತದೆ.
ಮಜ್ಜಿಗೆಯಲ್ಲಿ ದೇಹಕ್ಕೆ ಸಿಗುವ ಸತ್ವಗಳು:
ಮಜ್ಜಿಗೆಯಲ್ಲಿ ಸಾಕಷ್ಟು ಪ್ರಮಾಣದ ಪೌಷ್ಟಿಕಾಂಶವಿರುತ್ತದೆ. ಒಂದು ಕಪ್ (245 ಮಿಲಿ) ಮಜ್ಜಿಗೆ 98 ಕ್ಯಾಲೋರಿಗಳು, 8 ಗ್ರಾಂ ಪ್ರೋಟೀನ್, 3 ಗ್ರಾಂ ಫೈಬರ್, 22% ಕ್ಯಾಲ್ಸಿಯಂ, 16% ಸೋಡಿಯಂ ಮತ್ತು 22% ವಿಟಮಿನ್ B12 ಅನ್ನು ಒದಗಿಸುತ್ತದೆ. ಇವು ಆರೋಗ್ಯವನ್ನು ಕಾಪಾಡುವುದರಲ್ಲಿ ಮಜ್ಜಿಗೆ ಪ್ರಮುಖ ಪಾತ್ರವನ್ನು ವಹಿಸುತ್ತದೆ.