ರೈತ ವರ್ಗಕ್ಕೆ ಗುಡ್ ನ್ಯೂಸ್ – ಪಿಎಂ-ಕಿಸಾನ್ 14ನೇ ಕಂತಿನ 2 ಸಾವಿರ ರೂಪಾಯಿ ಯಾವಾಗ ಬಿಡುಗಡೆಯಾಗುತ್ತೆ ಗೊತ್ತಾ?
- ಸರ್ಕಾರಿ ಸೇವೆಗಳು
- May 1, 2023
- No Comment
- 5263
ನ್ಯೂಸ್ ಆ್ಯರೋ : ಪ್ರಧಾನ ಮಂತ್ರಿ ಕಿಸಾನ್ ಸಮ್ಮಾನ್ ಯೋಜನೆಯಡಿ ನೋಂದಾಯಿಸಿಕೊಂಡಿರುವ ರೈತರು 14ನೇ ಕಂತಿಗಾಗಿ ಜಾತಕ ಪಕ್ಷಿಯಂತೆ ಕಾಯುತ್ತಿದ್ದಾರೆ. ಈ ವರ್ಷದ ಪೆಬ್ರವರಿಯಲ್ಲಿ 13ನೇ ಕಂತನ್ನು ಪ್ರಧಾನಿ ನರೇಂದ್ರ ಮೋದಿ ಬಿಡುಗಡೆ ಮಾಡಿದ್ದರು. ಇದೀಗ 14 ಕಂತು ಬಿಡುಗಡೆಯಾಗಲು ದಿನಗಣನೆ ಆರಂಭವಾಗಿದ್ದು, ಆ ಬಗೆಗಿನ ಕಂಪ್ಲೀಟ್ ಡೀಟೈಲ್ಸ್ ಇಲ್ಲಿದೆ ನೋಡಿ.
ಕಿಸಾನ್ ಸಮ್ಮಾನ್ ಯೋಜನೆಯಡಿ ಅರ್ಹ ರೈತರಿಗೆ ಪ್ರತಿ ನಾಲ್ಕು ತಿಂಗಳಿಗೊಮ್ಮೆ ಮೂರು ಕಂತುಗಳಲ್ಲಿ 2000 ರೂ ಅಂದರೆ ವಾರ್ಷಿಕವಾಗಿ 6,000 ನೀಡಲಾಗುತ್ತದೆ. ಈ ಯೋಜನೆಯಡಿ ಏಪ್ರಿಲ್-ಜುಲೈ, ಆಗಸ್ಟ್-ನವೆಂಬರ್ ಹಾಗೂ ಡಿಸೆಂಬರ್-ಮಾರ್ಚ್ ತಿಂಗಳಲ್ಲಿ ಆರ್ಥಿಕ ನೆರವು ನೀಡಲಾಗುತ್ತದೆ. ಈ ಮೊತ್ತವು ನೇರವಾಗಿ ಫಲಾನುಭವಿಗಳ ಬ್ಯಾಂಕ್ ಖಾತೆಗೆ ಜಮಾವಣೆಯಾಗುತ್ತದೆ.
ಕಿಸಾನ್ ಯೋಜನೆಯ ನಾಲ್ಕನೇ ಕಂತಿಗೆ ಅರ್ಜಿ ಸಲ್ಲಿಸುವುದು ಹೇಗೆ?
ಕಿಸಾನ್ ಸಮ್ಮಾನ್ ಯೋಜನೆಯ 14ನೇ ಕಂತನ್ನು ಪಡೆಯಲು-
- 1.ಮೊದಲು www.pmkisan.gov.in ವೆಬ್ಸೈಟ್ ಗೆ ಲಾಗಿನ್ ಆಗಿ ನಂತರ ‘ಫಾರ್ಮರ್ಸ್ ಕಾರ್ನರ್’ ಆಯ್ಕೆ ಕ್ಲಿಕ್ ಮಾಡಿ.
- ಬಳಿಕ ಹೊಸ ರೈತರ ನೋಂದಣಿ ಮತ್ತು ನಿಮ್ಮ ಆಧಾರ್ ಸಂಖ್ಯೆಯನ್ನು ನಮೂದಿಸಿ
- ಅದಾದ ಬಳಿಕ ‘ಹೌದು’ ಆಯ್ಕೆಯನ್ನು ಕ್ಲಿಕ್ ಮಾಡಿ.
- ನಂತರ ಕಿಸಾನ್ ಸಮ್ಮಾನ್ ಸ್ಕೀಮ್ ವಿನಂತಿಸಿದ ವಿವರಗಳನ್ನು ನಮೂದಿಸಬೇಕು.
ಪರಿಶೀಲನೆ ಹೇಗೆ ನಡೆಸುವುದು?
- 1.ಮೊದಲು www.pmkisan.gov.in ವೆಬ್ಸೈಟ್ ಗೆ ಲಾಗಿನ್ ಆಗಿ.
- 2.ಬಳಿಕ ಮುಖಪುಟದಲ್ಲಿರುವ ‘ಮಾಜಿಸ್ ಕಾರ್ನರ್’ ಕ್ಲಿಕ್ ಮಾಡಿ.
- 3.ಇದಾದ ನಂತರ ‘ಫಲಾನುಭವಿ ಸ್ಥಿತಿ’ ಆಯ್ಕೆ ಮೇಲೆ ಕ್ಲಿಕ್ ಮಾಡಿ.
- 4.ಅನಂತರ ಡೇಟಾ ಪಡೆದರೆ ಬಳಕೆ ದಾರರ ಸ್ಥತಿ ಪರದೆಯಲ್ಲಿ ಕಾಣಿಸುತ್ತದೆ.
- ಫಲಾನುಭವಿಗಳ ಪಟ್ಟಿ ಪರಿಶೀಲನೆ ಹೇಗೆ?
- 1.ಮೊದಲು www.pmkisan.gov.in ವೆಬ್ಸೈಟ್ ಗೆ ಲಾಗಿನ್ ಆಗಿ.
- 2.ನಂತರ ಮುಖಪುಟದ ‘ಫಲಾನುಭವಿ ಪಟ್ಟಿ’ ಕ್ಲಿಕ್ ಮಾಡಿ.
- 3.ಇಲ್ಲಿ ರಾಜ್ಯ, ಜಿಲ್ಲೆ,ಉಪ ಜಿಲ್ಲೆ, ತಾಲೂಕು ಮತ್ತು ಗ್ರಾಮ ನಮೂದಿಸಿದರೆ ಫಲಾನುಭವಿಗಳ ಪಟ್ಟಿ ಕಾಣಿಸುತ್ತದೆ.