ಒನ್ಪ್ಲಸ್ ಅಭಿಮಾನಿಗಳಿಗೆ ಗುಡ್ನ್ಯೂಸ್; ಒನ್ಪ್ಲಸ್ 13 ಬಿಡುಗಡೆಗೆ ಡೇಟ್‌ ಫಿಕ್ಸ್‌
ನ್ಯೂಸ್ ಆ್ಯರೋ: ಒನ್ಪ್ಲಸ್ ಅಭಿಮಾನಿಗಳಿಗೆ ಶುಭ ಸುದ್ದಿ ಬಂದಿದೆ. ಈ ಕಂಪನಿಯ ಮುಂದಿನ ಪ್ರೀಮಿಯಂ ಫೋನ್ ಸರಣಿ ಅಂದರೆ ಒನ್ಪ್ಲಸ್ 13 ಬಿಡುಗಡೆ ದಿನಾಂಕವನ್ನು ಘೋಷಿಸಲಾಗಿದೆ. ಕಳೆದ ಕೆಲವು ವಾರಗಳಿಂದ ಒನ್ಪ್ಲಸ್ 13 ಕುರಿತು ಸಾಕಷ್ಟು ಚರ್ಚೆಗಳು ನಡೆಯುತ್ತಿವೆ. ಈಗ ಅಂತಿಮವಾಗಿ ಈ ಫೋನ್ ಬಿಡುಗಡೆ ದಿನಾಂಕ ಕೂಡ ಹೊರ ಬಿದ್ದಿದೆ.
ಒನ್ಪ್ಲಸ್ 12 ನ ಅಪ್‌ಗ್ರೇಡ್ ಆವೃತ್ತಿಯಾಗಿ ಬರುವ ಒನ್ಪ್ಲಸ್ 13, ಈ ತಿಂಗಳ ಕೊನೆಯಲ್ಲಿ ಬಿಡುಗಡೆಯಾಗಲಿದೆ. ಮಾಹಿತಿಗಳ ಪ್ರಕಾರ ಒನ್ಪ್ಲಸ್ ತನ್ನ ಹೊಸ ಪ್ರೀಮಿಯಂ ಫೋನ್‌ನಲ್ಲಿ Qualcomm ನ ಅತ್ಯಂತ ಶಕ್ತಿಶಾಲಿ ಪ್ರೊಸೆಸರ್ ಒದಗಿಸಲಿದೆ. ಇದರ ಹೊರತಾಗಿ ನಾವು ಹಿಂದಿನ ಹಲವು ಒನ್ಪ್ಲಸ್ ಫೋನ್ ಸರಣಿಗಳಲ್ಲಿ ನೋಡಿದಂತೆ, ಈ ಫೋನ್‌ನ ಕ್ಯಾಮೆರಾ ಸೆಟಪ್ ಸಹ ಹ್ಯಾಸೆಲ್‌ಬ್ಲಾಡ್ ಸಿದ್ಧಪಡಿಸಿದೆ.
ಒನ್ಪ್ಲಸ್ ಪ್ರಕಾರ, ಒನ್ಪ್ಲಸ್ 13 ಅನ್ನು ಮೊದಲು ಅದರ ಹೋಮ್ ಮಾರುಕಟ್ಟೆಯಲ್ಲಿ ಅಂದರೆ ಚೀನಾದಲ್ಲಿ ಅಕ್ಟೋಬರ್ 31, 2024 ರಂದು ಅನಾವರಣಗೊಳ್ಳಲಿದೆ. ಅದರ ನಂತರ ಈ ಫೋನ್ ಪ್ರಪಂಚದಾದ್ಯಂತ ಇತರ ದೇಶಗಳಲ್ಲಿ ಮತ್ತು ಭಾರತದಲ್ಲಿಯೂ ಬಿಡುಗಡೆಯಾಗುತ್ತದೆ. ಈ ಫೋನ್‌ನ ಟೀಸರ್ ಸಹ ಬಹಿರಂಗಪಡಿಸಲಾಗಿದೆ. ಇದರಲ್ಲಿ ಅದರ ಮೂರು ಬಣ್ಣ ರೂಪಾಂತರಗಳನ್ನು ಕಾಣಬಹುದು. ಕಂಪನಿಯು ಈ ಫೋನ್ ಅನ್ನು ಅಬ್ಸಿಡಿಯನ್ ಬ್ಲಾಕ್, ಬ್ಲೂ ಮೊಮೆಂಟ್ ಮತ್ತು ವೈಟ್ ಡ್ಯೂ ಬಣ್ಣ ಆಯ್ಕೆಗಳಲ್ಲಿ ಬಿಡುಗಡೆ ಮಾಡಲಿದೆ.
ಒನ್ಪ್ಲಸ್ 13 6000mAh ಜಂಬೋ ಬ್ಯಾಟರಿ ಹೊಂದುವ ನಿರೀಕ್ಷೆಯಿದೆ. ಇದು 100W ವೈರ್ಡ್ ಮತ್ತು 50W ವೈರ್‌ಲೆಸ್ ಚಾರ್ಜಿಂಗ್ ಸಪೋರ್ಟ್ ಮಾಡುತ್ತದೆ. ಇದು IP68/IP69 ರೇಟಿಂಗ್ ಅನ್ನು ಸಹ ಪಡೆಯಬಹುದು. ಈ ಫೋನ್ ವಾಟರ್ ಮತ್ತು ಡಸ್ಟ್ ಸಮಸ್ಯೆಗಳಿಂದ ಸಂಪೂರ್ಣವಾಗಿ ಸುರಕ್ಷಿತವಾಗಿರಿಸಲು ಸಾಧ್ಯವಾಗುತ್ತದೆ.
Leave a Comment