ಕನ್ನಡ ಇಂಡಸ್ಟ್ರಿಗೆ WWE ಕುಸ್ತಿಪಟು ದಿ ಗ್ರೇಟ್ ಖಲಿ ಎಂಟ್ರಿ – ‘ಕೆಂಡದ ಸೆರಗು’ ಸಿನಿಮಾದ ವಿಶೇಷ ಪಾತ್ರದಲ್ಲಿ ದೈತ್ಯನ ನಟನೆ
- ಮನರಂಜನೆ
- March 4, 2023
- No Comment
- 163
ನ್ಯೂಸ್ ಆ್ಯರೋ : ಟೀಸರ್ ಮೂಲಕ ಗಮನ ಸೆಳೆದಿರುವ ‘ಕೆಂಡದ ಸೆರಗು’ ಸಿನಿಮಾದಲ್ಲಿ ಕುಸ್ತಿಯಲ್ಲಿ ವಿಶ್ವ ಚಾಂಪಿಯನ್ ಪಟ್ಟವನ್ನು ಮುಡಿಗೇರಿಸಿಕೊಂಡಿದ್ದ ‘ದಿ ಗ್ರೇಟ್ ಖಲಿ’ರಾಕಿ ಅವರು ಅಭಿನಯಿಸಿದ್ದಾರೆ. ತನ್ನದೇ ಆದ ದೊಡ್ಡ ಅಭಿಮಾನಿ ಬಳಗವನ್ನು ಹೊಂದಿರುವ ಖಲಿ ಅವರ ಎಂಟ್ರಿಗೆ ಎಲ್ಲರೂ ಖುಷಿಯಾಗಿದ್ದಾರೆ.
ಸೋಮ್ಲಿ ನಿರ್ದೇಶನದ ‘ಕೆಂಡದ ಸೆರಗು’ ಚಿತ್ರದ ಮೂಲಕ ಕನ್ನಡ ಚಿತ್ರದಲ್ಲಿ ವಿಶೇಷ ಪಾತ್ರದಲ್ಲಿ ಅಭಿನಯಿಸುತ್ತಿದ್ದಾರೆ.
ಸದ್ಯ WWE ಕುಸ್ತಿಯಿಂದ ನಿವೃತ್ತಿ ಪಡೆದಿರೋ ಖಲಿ ರಾಜಕೀಯ, ಜಾಹೀರಾತುಗಳಲ್ಲಿ ಹೆಚ್ಚಾಗಿ ಮಿಂಚುತ್ತಿದ್ದಾರೆ. WWE ಯಲ್ಲಿ ಅನೇಕ ಸ್ಟಾರ್ ಗಳನ್ನೇ ಮಣ್ಣುಮುಕ್ಕಿಸಿದ್ದ ಖಲಿ ದೇಶೀಯ ಪ್ರತಿಭೆ ಅನ್ನೋದು ವಿಶೇಷ.
‘ಕೆಂಡದ ಸೆರಗು’ ಸಿನಿಮಾ ಟೀಸರ್ ಮೂಲಕ ಈಗಾಗಲೇ ಪ್ರೇಕ್ಷಕರ ಗಮನ ಸೆಳೆದಿದೆ. ಕುಸ್ತಿ ಆಧರಿಸಿದ ಈ ಸಿನಿಮಾದಲ್ಲಿ ನಟಿ ಭೂಮಿ ಶೆಟ್ಟಿ ಹಾಗೂ ಕನಸಿನ ರಾಣಿ ಮಾಲಾಶ್ರೀ ಅಭಿನಯಿಸುತ್ತಿದ್ದಾರೆ. ಕುಸ್ತಿ ಪಟು ಖಲಿಯನ್ನು ಕರೆದುಕೊಂಡು ಬರುವ ಮೂಲಕ ಚಿತ್ರತಂಡ ಹೊಸ ಅಪ್ಡೇಟ್ ಕೊಟ್ಟಿದೆ.