ಶಾಲೆ ಆರಂಭಕ್ಕೂ ಮುನ್ನವೇ ಪೋಷಕರ ಜೇಬಿಗೆ ಕತ್ತರಿ – ಈ ಬಾರಿ ಮಕ್ಕಳ ಖರ್ಚು ಇನ್ನಷ್ಟು ದುಬಾರಿ, ಹೇಗೆ ಗೊತ್ತಾ?
- ಶಿಕ್ಷಣ
- May 22, 2023
- No Comment
- 177
ನ್ಯೂಸ್ ಆ್ಯರೋ : ಇನ್ನೇನು ಎಂದು ವಾರದಲ್ಲಿ ಶಾಲೆ ಆರಂಭ. ಶೈಕ್ಷಣಿಕ ವರ್ಷದ ಆರಂಭಕ್ಕೆ ಸಿದ್ದತೆ ನಡೆಸುತ್ತಿರುವ ವಿದ್ಯಾರ್ಥಿಗಳಿಗೆ, ಪಾಲಕರಿಗೆ ಶಾಕ್ ಎದುರಾಗಿದೆ. ಪಠ್ಯ ಪುಸ್ತಕ, ವಿದ್ಯಾರ್ಥಿಗಳ ಶಾಲೆ ಶುಲ್ಕದ ಬೆನ್ನಿಗೆ ನೋಟ್ ಬುಕ್, ವರ್ಕ್ ಬುಕ್ ಮತ್ತು ಪೇಪರ್ ಬೆಲೆ ಏರಿಕೆಯಾಗಿದೆ. ಇವುಗಳ ಬೆಲೆ ಸುಮಾರು ಶೇ. 30ರಿಂದ 40ರಷ್ಟು ಹೆಚ್ಚಳವಾಗಿದೆ.
ನೋಟ್ ಬುಕ್, ವರ್ಕ್ ಬುಕ್ಗೆ ಹಿಂದೆ 28 ರೂ. ಇತ್ತು. ಈಗ 40 ರೂ.ಗೆ ಏರಿಕೆಯಾಗಿದೆ. 50 ಪೈಸೆಗೆ ಸಿಗುತ್ತಿದ್ದ ಖಾಲಿ ಹಾಳೆಗೆ ಇನ್ನು 1 ರೂ., ರೂಲ್ಡ್ ಗೆ 2 ರೂ. ಪಾವತಿಸಬೇಕು.
ಶೈಕ್ಷಣಿಕ ಚಟುವಟಿಕೆಗಳ ನಿರ್ವಹಣೆ ಮತ್ತಿತರ ಕಾರಣ ನೀಡಿ ತಿಂಗಳ ಹಿಂದೆಯೇ 20ರಿಂದ 30ರಷ್ಟು ಶಾಲಾ ಪ್ರವೇಶ ಶುಲ್ಕವನ್ನು ಖಾಸಗಿ ಶಾಲಾ ಒಕ್ಕೂಟಗಳು ಏರಿಕೆ ಮಾಡಿದ್ದವು. ಇದೀಗ ಶೈಕ್ಷಣಿಕ ಪರಿಕರಗಳ ಬೆಲೆಯೂ ಹೆಚ್ಚಿದ್ದು ಪಾಲಕರಿಗೆ ತಲೆನೋವಾಗಿ ಪರಿಣಮಿಸಿದೆ.
ಕಾರಣವೇನು?
ಸದ್ಯ ಕೇಂದ್ರ ಸರಕಾರ ಹೇರಿರುವ ಜಿ.ಎಸ್.ಟಿ. ಹೊರೆ, ಇಂಧನಗಳ ಬೆಲೆ ಹೆಚ್ಚಳ, ತಯಾರಿಕರಿಂದ ಬೆಲೆ ಹೆಚ್ಚಳ, ಮತ್ತು ರಷ್ಯಾ-ಉಕ್ರೇನ್ ಯುದ್ಧದಿಂದಾಗಿ ಪೇಪರ್ ಗೆ ಸಾಕಷ್ಟು ಬೇಡಿಕೆ ಸೃಷ್ಟಿಯಾಗಿದ್ದು, ಬೆಲೆ ಹೆಚ್ಚಳಕ್ಕೆ ಕಾರಣ ಎಂದು ವರ್ತಕರು ಹೇಳುತ್ತಾರೆ.
ಪ್ರತೀ ವಿದ್ಯಾರ್ಥಿಗೆ ಹತ್ತರಿಂದ ಹದಿನೈದು ನೋಟ್ ಬುಕ್, ವರ್ಕ್ ಬುಕ್ ಅಗತ್ಯ. ಆದರೆ ಇದೀಗ ಬೆಲೆ ಹೆಚ್ಚಳ ಪಾಲಕರನ್ನು ಚಿಂತೆಗೀಡು ಮಾಡಿದೆ.