ಈ ಹಾರುವ ಕಾರ್ ಒಮ್ಮೆ ಚಾರ್ಜ್ ಮಾಡಿದ್ರೆ 200km ಸಾಗುತ್ತೆ – ಮೈಸೂರಿನಲ್ಲೇ ಉತ್ಪಾದನಾ ಘಟಕ ಸ್ಥಾಪನೆ..!!
- ಆಟೋ ನ್ಯೂಸ್
- May 19, 2023
- No Comment
- 632
ನ್ಯೂಸ್ ಆ್ಯರೋ : ಇನ್ನು ಕೆಲವೇ ವರ್ಷಗಳಲ್ಲಿ ನೆಲದ ಮೇಲೆ ಓಡುವ ಕಾರಿನ ಜೊತೆಗೆ ಆಕಾಶದಲ್ಲಿ ಹಾರುವ ಕಾರನ್ನೂ ನೋಡುವ ಅವಕಾಶ ಸಿಗಲಿದೆ. ಅಂದರೆ ಹಾರುವ ಕಾರಿನ ಕುರಿತಾದ ಸಂಶೋಧನೆ, ಉತ್ಪಾದನೆ ಈಗಾಗಲೇ ಆರಂಭವಾಗಿದೆ. ಅದರಲ್ಲೂ ಈ ಸಂಬಂಧ ನಮ್ಮ ರಾಜ್ಯದ ಬೆಂಗಳೂರು ಮತ್ತು ಮೈಸೂರಿನ ಟೆಕ್ ಕಂಪೆನಿಗಳೆರಡು ಐಐಟಿ ಮದ್ರಾಸ್ ಸ್ಥಾಪಿತ ಇಪ್ಲೇನ್ ಜೊತೆ ಒಪ್ಪಂದ ಮಾಡಿಕೊಂಡಿವೆ.
ಇಪ್ಲೇನ್ ಕಂಪೆನಿ ಎಲೆಕ್ಟ್ರಿಕ್ ಟ್ಯಾಕ್ಸಿ ಮತ್ತು ಡ್ರೋನ್ ಸಿಸ್ಟಂ ನಿರ್ಮಣದಲ್ಲಿ ಹೆಸರುವಾಸಿ. ಇದರೊಂದಿಗೆ ವಿನ್ಯಾಸ್ ಇನೊವೇಟಿವ್ ಟೆಕ್ನಾಲಜೀಸ್ ಮತ್ತು ಪ್ರಿಂಟಾಲಿಟಿಕ್ಸ್ ಕಂಪೆನಿಗಳು ಮೇ 18ರಂದು ಒಪ್ಪಂದಕ್ಕೆ ಸಹಿ ಹಾಕಿವೆ.
ಮೈಸೂರಿನಲ್ಲಿ ಉತ್ಪಾದನೆ
ಮೈಸೂರಿನ ವಿನ್ಯಾಸ್ ಇನೊವೇಟಿವ್ ಟೆಕ್ನಾಲಜೀಸ್ ವಿವಿಧ ರೀತಿಯ ಡ್ರೋನ್, ಚಾಲಕ ರಹಿತ ವಿಮಾನ, ಬ್ಯಾಟರಿ ಚಾಲಿತ ಹಾರುವ ವಾಹನಗಳನ್ನು ತಯಾರಿಸಲಿದೆ. ಜೊತೆಗೆ ಸರ್ವಿಸಿಂಗ್ ಮತ್ತು ಮಾರ್ಕೆಟಿಂಗ್ ಜವಾಬ್ದಾರಿಯನ್ನೂ ನಿರ್ವಹಿಸಲಿದೆ. ಬೆಂಗಳೂರಿನ ಪ್ರಿಂಟಾಲಿಟಿಕ್ಸ್ ಕಂಪೆನಿ ಈ ಯುಎವಿ ಮತ್ತು ಫ್ಲೈಯಿಂಗ್ ಟ್ಯಾಕ್ಸಿಗಳ ತಯಾರಿಕೆಗೆ ಬೇಕಾದ ಮೆಕ್ಯಾನಿಕಲ್ ಡಿಸೈನ್ ಮತ್ತು ಮ್ಯಾನುಫ್ಯಾಕ್ಚರಿಂಗ್ ಸಪೋರ್ಟ್ ಒದಗಿಸಲಿದೆ.
2017ರಲ್ಲಿ ಆರಂಭವಾದ ಇಪ್ಲೇನ್ ಕಂಪೆನಿಯ ಹಾರುವ ವಾಹನಗಳು ಎಸ್ಯುವಿ ಕಾರಿನ ಗಾತ್ರ ಹೊಂದಿದ್ದು, ಒಮ್ಮೆ ಚಾರ್ಜ್ ಮಾಡಿದರೆ 200 ಕಿ.ಮೀ. ಸಾಗುತ್ತದೆ. ಆದರೆ ಯಾವಾಗಿನಿಂದ ತಯಾರಿಕೆ ನಡೆಯುತ್ತದೆ, ಇಲ್ಲಿ ಸಿದ್ದವಾಗುವ ವಾಹನ ಎಲ್ಲಿ ಬಳಕೆಯಾಗುತ್ತದೆ ಮುಂತಾದ ವಿವರ ಸದ್ಯಕ್ಕೆ ಗೊತ್ತಾಗಿಲ್ಲ.