Ducati first electric bike revealed

ಎಲೆಕ್ಟ್ರಿಕ್ ಬೈಕ್ ಹೊರತರುವಲ್ಲಿ ಹಿಂದುಳಿದ ಡುಕಾಟಿ ಕಂಪನಿ – ಲಾಂಚ್‌ ಬಗ್ಗೆ ಅಧಿಕಾರಿಗಳ ಸ್ಪಷ್ಟನೆ ಏನು?

ನ್ಯೂಸ್‌ ಆ್ಯರೊ: ಅತೀ ಶೀಘ್ರದಲ್ಲಿ ಲಾಂಚ್ ಆಗಲಿದೆ ಎಂದು ಹೇಳಲಾಗಿದ್ದ ಡುಕಾಟಿ ಎಲೆಕ್ಟ್ರಿಕ್ ಬೈಕ್‌ ಮಾರುಕಟ್ಟೆಗೆ ಬರಲು ಇನ್ನಷ್ಟು ತಡವಾಗಲಿದೆ ಎಂದು ಕಂಪನಿ ಸಿಇಒ ಜೇಸನ್ ಚಿನೋಕ್ ವಿವರಿಸಿದ್ದಾರೆ.

ಪರಿಸರ ಸ್ನೇಹಿ ವಾಹನಗಳ ಕಡೆ ಜಗತ್ತು ಮುಖಮಾಡಿದ್ದು, ಇದೀಗ ಎಲೆಕ್ಟ್ರಿಕ್ ವಾಹನ ಭಾರೀ ಬೇಡಿಕೆಯೊಂದಿಗೆ ಮಾರುಕಟ್ಟೆಗೆ ಪ್ರವೇಶಿಸುತ್ತಿದೆ. ಪ್ರಸಿದ್ಧ ಆಟೋಮೊಬೈಲ್ ಕಂಪನಿಗಳು ಇವಿ ಬೈಕ್, ಕಾರುಗಳನ್ನ ಬಿಡುಗಡೆ ಮಾಡ್ತಿವೆ. ಆದರೆ ಡುಕಾಟಿ ಈ ವಿಭಾಗದಲ್ಲಿ ಹಿಂದುಳಿದಿದೆ.

ಡುಕಾಟಿಯು ಕಳೆದ ಕೆಲವು ವರ್ಷಗಳಿಂದ ಮೊದಲ ಎಲೆಕ್ಟ್ರಿಕ್ ಮೋಟಾರ್‌ಸೈಕಲ್ ಅನ್ನು ಪ್ರಯೋಗಿಸುತ್ತಿದೆ. ಆದರೆ, ಡುಕಾಟಿ ಎಲೆಕ್ಟ್ರಿಕ್ ಬೈಕ್ ಬಿಡುಗಡೆ ಮತ್ತಷ್ಟು ವಿಳಂಬವಾಗಲಿದೆ ಎಂದು ಕಂಪನಿಯ ಸಿಇಒ ಜೇಸನ್ ಚಿನೋಕ್ ಹೇಳಿದ್ದಾರೆ. ಬ್ಯಾಟರಿ ಶ್ರೇಣಿಯ ಜೊತೆಗೆ, ಇತರ ಹಲವು ಸಮಸ್ಯೆಗಳು ಇದಕ್ಕೆ ಕಾರಣ ಎಂದು ಹೇಳಲಾಗಿದೆ.

ಈಗಾಗಲೇ ಹೋಂಡಾ ಮೊಟಾರ್ ಕಾರ್ಪ್‌ ಮತ್ತು ಬಿಎಂಡ್ಲ್ಯೂ ಕಂಪನಿಗಳು ಈಗಾಗಲೇ ಎಲೆಕ್ಟ್ರಿಕ್‌ ಬೈಕ್ ಗಳನ್ನು ಬಿಡುಗಡೆ ಮಾಡಿವೆ. ಈ ಹಿನ್ನೆಲೆಯಲ್ಲಿ ಡುಕಾಟಿ ಇವಿ ಮಾರುಕಟ್ಟೆ ಪಾಲನ್ನು ಕಳೆದುಕೊಳ್ಳುವ ಅಪಾಯದಲ್ಲಿ ಇದೆಯೇ ಎಂಬ ಪ್ರಶ್ನೆಗಳು ಶುರು ಆಗಿವೆ.

ಫೋಕ್ಸ್‌ವ್ಯಾಗನ್‌ನ ಪ್ರೀಮಿಯಂ ವಿಭಾಗದ ಗ್ರೂಪ್ ನ ಅಡಿಯಲ್ಲಿ ಡುಕಾಟಿ ನಾಲ್ಕು ಪ್ರಸಿದ್ಧ ಬ್ರ್ಯಾಂಡ್‌ಗಳಲ್ಲಿ ಒಂದಾಗಿದೆ. ಡುಕಾಟಿ ಪರ್ಯಾಯ ಇಂಧನ ಮತ್ತು ಇತರ ತಂತ್ರಜ್ಞಾನಗಳ ಕುರಿತು ಸಂಶೋಧನೆ ನಡೆಸುತ್ತಿದೆ.

ಈ ಸಂಬಂಧ ಸ್ಪಷ್ಟನೆ ನೀಡಿದ ಜೇಸನ್, ನಾವು ತರಾತುರಿಯಲ್ಲಿ ಡುಕಾವಿ ಇವಿ ಬೈಕ್ ಇವಿ ಬೈಕ್ ಮಾರುಕಟ್ಟೆಗೆ ತರಲು ಬಯಸುವುದಿಲ್ಲ. ಬ್ಯಾಟರಿ ತಂತ್ರಜ್ಞಾನ ಅಭಿವೃದ್ಧಿಯಾಗಬೇಕಿದೆ. ಅದರ ನಂತರ ಅದರ ರೂಪ, ವ್ಯಾಪ್ತಿ, ತೂಕವನ್ನು ಪರೀಕ್ಷಿಸಬೇಕು. ಎಲ್ಲ ಸರಿಹೋದರೆ ಮಾತ್ರ ಬಿಡುಗಡೆ ಮಾಡುತ್ತೇವೆ ಎಂದಿದ್ದಾರೆ.