ಹೊಸ ಲುಕ್‌ನಲ್ಲಿ ಮಾರುಕಟ್ಟೆಗೆ ಬಂದಿದೆ ಆಲ್ಟೊ K10 – 49 ಸಾವಿರ ರೂಪಾಯಿ ಭರ್ಜರಿ ಡಿಸ್ಕೌಂಟ್, ವಿವರ ಇಲ್ಲಿದೆ..

ನ್ಯೂಸ್‌ ಆ್ಯರೋ : ಕಾರು ಮಾರಾಟ ಕ್ಷೇತ್ರದ ದೈತ್ಯ ಕಂಪೆನಿಯಾಗಿರುವ ಮಾರುತಿ ಸುಜುಕಿಯು ಗ್ರಾಹಕರ ಅಭಿರುಚಿಗೆ ತಕ್ಕಂತೆ ಉತ್ಪನ್ನಗಳನ್ನು ಮಾರುಕಟ್ಟೆಗೆ ತರುತ್ತಿದೆ. ಗ್ರಾಹಕರನ್ನು ಆಕರ್ಷಿಸಲು ಮತ್ತು ನಂತರದ ಸೇವೆಯನ್ನು ಬಲಪಡಿಸುವ ದಿಕ್ಕಿನಲ್ಲಿ ಕಂಪೆನಿಯು ಆಗಾಗ ಪ್ಯಾಕೇಜ್ ಅನ್ನು ಪರಿಚಯಿಸುತ್ತಿದೆ.

ಇದೀಗ ಆಲ್ಟೊ ಕಾರಿನಲ್ಲಿ ಹಳೆಯ ಏಕತಾನತೆಯ ನೋಟವನ್ನು ಬದಲಿಸಿರುವ ಮಾರುತಿ ಸುಜುಕಿ, ತನ್ನ K10 ವೆರಿಯಂಟ್‌ನಲ್ಲಿ ತಾಜಾ ನೋಟವನ್ನು ನೀಡಿ ಗ್ರಾಹಕರನ್ನು ಆಕರ್ಷಿಸುತ್ತಿದೆ. ಈ ಮೂಲಕ ಮಾರುತಿ ಕಂಪನಿಯು ತಮ್ಮ ಸಾಂಪ್ರದಾಯಿಕ ಕಾರಿಗೆ ಹೊಸ ಲುಕ್‌ ನೀಡಿ ಮಧ್ಯಮ ವರ್ಗದ ಮನಗೆದ್ದಿದೆ. ಅಲ್ಲದೆ, ಮಾರ್ಚ್‌ನಲ್ಲಿ ತನ್ನ ವಿವಿಧ ಕಾರುಗಳ ಮೇಲೆ ಮಾರುತಿ ಸುಜುಕಿ ಭಾರಿ ರಿಯಾಯಿತಿ ಕೂಡ ಘೋಷಿಸಿದೆ.

ಮಾರುತಿ ಸುಜುಕಿ ತನ್ನ ಹಲವು ವಾಹನಗಳ ಮೇಲೆ ಮಾರ್ಚ್ 2023ರಲ್ಲಿ ಭಾರಿ ರಿಯಾಯಿತಿ ಘೋಷಣೆ ಮಾಡಿದೆ. ಕಳೆದ ವರ್ಷದಿಂದ ಕಂಪನಿಯು ಗ್ರಾಹಕರನ್ನು ಸೆಳೆಯಲು ಹಲವಾರು ಕೊಡುಗೆ ನೀಡಿದೆ. ಮಾರುತಿಯ ಹೊಸ ಆಲ್ಟೊ ಬಿಡುಗಡೆಯಾದಾಗಿನಿಂದ ಸಾಕಷ್ಟು ಜನಪ್ರಿಯತೆಯನ್ನು ಗಳಿಸಿದೆ. ಈ ಹೊಸದಾಗಿ ವಿನ್ಯಾಸಗೊಳಿಸಲಾದ K10 ಮಾದರಿಯು, ಭಾರತದಲ್ಲಿ ಹೆಚ್ಚು ಮಾರಾಟವಾಗುವ ಕಾರುಗಳಲ್ಲಿ ಒಂದಾಗಿದೆ.

ಮಾರುತಿ ಆಲ್ಟೊ ಕೆ10 ಮೇಲೆ ಬರೋಬ್ಬರಿ ₹ 30,000 ರಿಯಾಯಿತಿ ಗ್ರಾಹಕ ಕೊಡುಗೆ ಮತ್ತು ₹ 15,000 ವಿನಿಮಯ ಬೋನಸ್ ಅನ್ನು ನೀಡುತ್ತಿದೆ. 40,000 ಕಾರ್ಪೊರೇಟ್ ರಿಯಾಯಿತಿಯೂ ಇದೆ. ಒಟ್ಟಾರೆಯಾಗಿ, ಈ ಪ್ರವೇಶ ಮಟ್ಟದ ಕಾರಿನ ಮೇಲೆ ನೀವು ಸುಮಾರು ₹ 49,000 ರಿಯಾಯಿತಿಯನ್ನು ಗ್ರಾಹಕರು ಪಡೆಯಬಹುದು ಎಂದು ಕಂಪೆನಿ ಹೇಳಿಕೊಂಡಿದೆ.

ಆಲ್ಟೊ ಕೆ10 ಮ್ಯಾನುವಲ್ ರೂಪಾಂತರದಲ್ಲಿ 24.39 ಕೆಎಂಪಿಎಲ್ ಮತ್ತು ಸ್ವಯಂಚಾಲಿತ ರೂಪಾಂತರದಲ್ಲಿ 24.90 ಕೆಎಂಪಿಎಲ್ ಮೈಲೇಜ್ ಪಡೆಯುತ್ತದೆ ಎಂದು ಕಂಪನಿ ತಿಳಿಸಿದೆ. ನೀವೇನಾದರೂ ಹೊಸ ಕಾರು ಖರೀದಿಸಲು ಯೋಚಿಸುತ್ತಿದ್ದರೆ, ನೀವು ಆಲ್ಟೊ ಕೆ10 ಅನ್ನು ಪರಿಗಣಿಸಬಹುದಾಗಿದೆ. ಯಾವುದಕ್ಕೂ ಒಮ್ಮೆ ಶೋರೂಂಗೆ ಭೇಟಿ ನೀಡಿ ಟ್ರಯಲ್‌ ನೋಡಬಹುದಾಗಿದೆ.