ಸುಡು ಬಿಸಿಲಿಗೆ ನಿಮ್ಮ ಟ್ಯಾಂಕ್ ನೀರು ಬಿಸಿಯಾಗ್ತಿದ್ಯಾ? – ಚಿಂತೆ ಬಿಟ್ಟು ಈ ಸಿಂಪಲ್ ಟ್ರಿಕ್ಸ್ ಬಳಸಿ
- ಟೆಕ್ ನ್ಯೂಸ್
- May 20, 2023
- No Comment
- 608
ನ್ಯೂಸ್ ಆ್ಯರೋ : ಮುಂಗಾರು ಪೂರ್ವ ಮಳೆ ಅಲ್ಲಲ್ಲಿ ಸುರಿಯುತ್ತಿದ್ದರೂ ತಾಪಮಾನ ಕಡಿಮೆಯಾಗಿಲ್ಲ. ಮಿತಿ ಮೀರಿದ ಬಿಸಿಲಿನ ಝಳಕ್ಕೆ ಎಲ್ಲರೂ ಕಂಗಾಲಾಗಿದ್ದಾರೆ. ಜೊತೆಗೆ ಇನ್ನು 5 ವರ್ಷ ವಾತಾವರಣದ ಉಷ್ಣತೆ ಹೆಚ್ಚಲಿದೆ ಎಂದು ವಿಶ್ವಸಂಸ್ಥೆ ಎಚ್ಚರಿಸಿದೆ. ಬಿಸಿಲಿನ ಇನ್ನೊಂದು ಸಮಸ್ಯೆ ಎಂದರೆ ಈ ಬಿಸಿಲಿನ ಬೇಗೆಗೆ ಟ್ಯಾಂಕ್ ನಲ್ಲಿರುವ ನೀರು ಕೂಡ ಬೆಚ್ಚಗಾಗುತ್ತದೆ. ಈ ಸಮಸ್ಯೆಯನ್ನು ಪರಿಹರಿಸಲು, ಟ್ಯಾಂಕ್ ನಿರು ಸದಾ ತಂಪಾಗಿರಲು ಕೈಗೊಳ್ಳಬೇಕಾದ ಕ್ರಮಗಳ ಬಗ್ಗೆ ಮಾಹಿತಿ ಇಲ್ಲಿದೆ.
ಸೆಣಬಿನ ಚೀಲ
ಸೆಣಬಿನ ಚೀಲ ಯಾರಿಗೆ ಗೊತ್ತಿಲ್ಲ ಹೇಳಿ? ಮನೆಯಲ್ಲಿ ಇಲ್ಲದಿದ್ದರೆ ಇದು ಮಾರುಕಟ್ಟೆಯಲ್ಲಿ ಸುಲಭವಾಗಿ ದೊರೆಯುತ್ತದೆ. ಈ ಸೆಣಬಿನ ಚೀಲವನ್ನು ಚೆನ್ನಾಗಿ ನೆನೆಸಿ ಟ್ಯಾಂಕ್ ಸುತ್ತಲೂ ಕಟ್ಟಿ. ಇದರಿಂದ ನೀರು ಬೇಗ ಬಿಸಿಯಾಗುವುದಿಲ್ಲ.
ಬಟ್ಟೆ
ಸೂರ್ಯನ ಬೆಳಕು ನೇರವಾಗಿ ಟ್ಯಾಂಕ್ ಮೇಲೆ ಬೀಳುವುದರಿಂದ ನೀರು ಬೇಗ ಬಿಸಿಯಾಗುತ್ತದೆ. ಆದ್ದರಿಂದ ಟ್ಯಾಂಕ್ ಸುತ್ತಲೂ ಬಟ್ಟೆ ಕಟ್ಟಿ ಟ್ಯಾಂಕ್ ಮೇಲೆ ನೇರವಾಗಿ ಸೂರ್ಯ ರಶ್ಮಿ ಬೀಳದಂತೆ ನೋಡಿಕೊಳ್ಳಿ.
ಥರ್ಮಾಕೋಲ್
ಥರ್ಮಾಕೋಲ್ ಶಾಖವನ್ನು ದಾಟಿಸುವುದಿಲ್ಲ. ಹೀಗಾಗಿ ಟ್ಯಾಂಕ್ ಸುತ್ತಲೂ ಥರ್ಮಾಕೋಲ್ ಅಳವಡಿಸಿ ಅದನ್ನು ಹಗ್ಗದ ಮೂಲಕ ಕಟ್ಟಿ. ಇದರಿಂದಲೂ ನೀವು ಟ್ಯಾಂಕ್ ನೀರು ಬಿಸಿಯಾಗುವ ಸಮಸ್ಯೆಯಿಂದ ಮುಕ್ತಿ ಪಡೆಯಬಹುದು.
