ಡಬ್ಲೂಪಿಎಲ್ ವೇಳಾಪಟ್ಟಿ ಬಿಡುಗಡೆ ಮಾಡಿದ ಬಿಸಿಸಿಐ – ಆರ್. ಸಿ.ಬಿ ತಂಡದ ವೇಳಾಪಟ್ಟಿ ಹೀಗಿದೆ ನೋಡಿ..
- ಕ್ರೀಡಾ ಸುದ್ದಿ
- February 15, 2023
- No Comment
- 30122
ನ್ಯೂಸ್ ಆ್ಯರೋ : ಮುಂಬೈನ ಡಿವೈ ಪಾಟೀಲ್ ಸ್ಟೇಡಿಯಂನಲ್ಲಿ ಮಾರ್ಚ್ 4ರಂದು ಗುಜರಾತ್ ಜಯಂಟ್ಸ್ ಮತ್ತು ಮುಂಬಯಿ ಇಂಡಿಯನ್ಸ್ ನಡುವಣ ಮಹಾಕಾಳಗದೊಂದಿಗೆ ಚೊಚ್ಚಲ ಆವೃತ್ತಿಯ ಮಹಿಳೆಯರ ಪ್ರೀಮಿಯರ್ ಲೀಗ್ ಆರಂಭವಾಗಲಿದೆ ಎಂದು ಬಿಸಿಸಿಐ ತಿಳಿಸಿದೆ. ಸೋಮವಾರವಷ್ಟೇ ಡಬ್ಲ್ಯುಪಿಎಲ್ ಆಟಗಾರ್ತಿಯರ ಹರಾಜು ನಡೆದ ನಂತರ ಇದೀಗ ಪಂದ್ಯಾಟದ ವೇಳಾಪಟ್ಟಿ ಬಿಡುಗಡೆಯಾಗಿದೆ.
ಚೊಚ್ಚಲ ಡಬ್ಲ್ಯುಪಿಎಲ್ ನಲ್ಲಿ, ಡೆಲ್ಲಿ ಕ್ಯಾಪಿಟಲ್ಸ್, ಗುಜರಾತ್ ಜಯಂಟ್ಸ್, ಮುಂಬಯಿ ಇಂಡಿಯನ್ಸ್, ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಹಾಗೂ ಯುಪಿ ವಾರಿಯರ್ಸ್ ನಡುವೆ 23 ದಿನಗಳ ಕಾಲ 20 ಲೀಗ್ ಹಾಗೂ 2 ಪ್ಲೇಆಫ್ ಪಂದ್ಯಗಳು ನಡೆಯಲಿದೆ.
ಮಾರ್ಚ್ 5ರಂದು ಟೂರ್ನಿಯ ಮೊದಲ ಡಬಲ್ ಹೆಡರ್ (2ಪಂದ್ಯ) ನಿಗದಿಯಾಗಿದೆ. ಅಂದು ಬೆಳಗ್ಗೆ ಬ್ರಬೋರ್ನ್ ಕ್ರೀಡಾಂಗಣದಲ್ಲಿ ಆರ್.ಸಿ.ಬಿ ಹಾಗೂ ಡೆಲ್ಲಿ ಕ್ಯಾಪಿಟಲ್ಸ್ ನಡುವೆ ಹಾಗೂ ಸಂಜೆ ಡಿವೈ ಪಾಟೀಲ್ ಕ್ರೀಡಾಂಗಣದಲ್ಲಿ ಯುಪಿ ವಾರಿಯರ್ಸ್ ಮತ್ರು ಗುಜರಾತ್ ಜಯಂಟ್ಸ್ ನಡುವೆ 2ನೇ ಪಂದ್ಯಾಟ ನಡೆಯಲಿದೆ. ಅಂದು ಮೊದಲ ಪಂದ್ಯ ಮಧ್ಯಾಹ್ನ 3.30ಕ್ಕೆ ಹಾಗೂ ಮತ್ತೊಂದು ಪಂದ್ಯ ಸಂಜೆ 7.30ಕ್ಕೆ ಆರಂಭವಾಗಲಿದೆ.
ಬ್ರೆಬೋರ್ನ್ ಕ್ರೀಡಾಂಗಣದಲ್ಲಿ ಯುಪಿ ವಾರಿಯರ್ಸ್ ಹಾಗೂ ಡೆಲ್ಲಿ ಕ್ಯಾಪಿಟಲ್ಸ್ ನಡುವೆ ಲೀಗ್ ಹಂತದ ಕೊನೆಯ ಪಂದ್ಯ ಮಾ.21ರಂದು ನಡೆಯಲಿದೆ. ಮಾ.24ರಂದು ಡಿವೈ ಪಾಟೀಲ್ ಸ್ಟೇಡಿಯಂನಲ್ಲಿ ಎಲಿಮಿನೆಟರ್ ಮತ್ತು ಮಾ.26 ರಂದು ಬ್ರೆಬೋರ್ನ್ ಕ್ರೀಡಾಂಗಣದಲ್ಲಿ ಫೈನಲ್ ಪಂದ್ಯಾಟ ನಡೆಯಲಿದೆ.
RCB ಎದುರಾಳಿ ತಂಡ ಮತ್ತು ದಿನಾಂಕ
ಮಾ.5- ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ- ಸಂ.3.30ಕ್ಕೆ ಪಂದ್ಯಾಟ.
ಮಾ.6- ಮುಂಬಯಿ ಇಂಡಿಯನ್ಸ್ ವಿರುದ್ಧ- ಸಂ.7.30ಕ್ಕೆ ಪಂದ್ಯಾಟ.
ಮಾ.8- ಗುಜರಾತ್ ಜಯಂಟ್ಸ್ ವಿರುದ್ಧ- ಸಂ.7.30ಕ್ಕೆ ಪಂದ್ಯಾಟ.
ಮಾ.10- ಯುಪಿ ವಾರಿಯರ್ಸ್ ವಿರುದ್ಧ- ಸಂ.7.30ಕ್ಕೆ ಪಂದ್ಯಾಟ.
ಮಾ.13- ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ- ಸಂ.7.30ಕ್ಕೆ ಪಂದ್ಯಾಟ.
ಮಾ.15- ಯುಪಿ ವಾರಿಯರ್ಸ್ ವಿರುದ್ಧ- ಸಂ.7.30ಕ್ಕೆ ಪಂದ್ಯಾಟ.
ಮಾ.18- ಗುಜರಾತ್ ಜಯಂಟ್ಸ್- ಸಂ.7.30ಕ್ಕೆ ಪಂದ್ಯಾಟ.
ಮಾ.21- ಮುಂಬಯಿ ಇಂಡಿಯನ್ಸ್-ಮ.3.30ಕ್ಕೆ ಪಂದ್ಯಾಟ ನಡೆಯಲಿದೆ.